Dawqdaq 13:20 - Akha

²⁰ Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrganr anr-eu deuq naeq-aer can-eu tsawrhaq-aq, tsawrganr anrlar-eu mae. Aerkhawf, aqdzawq argan deuq-euq cawq-aq, yacawv-ir taef-a.

Dawqdaq 13:20 ပူးပေါင်းရင်းမြစ်များ

Aˇ dahˬ 14:12

Kʼoeˇ ngeh, Aˬbyaˬ-euˬ aˬ duˇ Lawˇtaˬ gʼaˬ Sawˇdoˬ meuˬ-ahˇ jawˇ luꞈ-eu miˇ neh, sahˬpaˬ kʼoeˇ deuˬ aˬ yawꞈ-ahˇ nyehꞈ gʼeh-awˇ, aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ jiˇ gʼeh-euˬ meh.

1 Sahˬpaˬ 12:10

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ heu loꞈ-ehˇ ehˇ kʼoꞈ nehˬ-awˬ. Ngaˬ-euˬ caˇ caˬ-aˬ, ngaˬ da-euˬ joꞈ naˆ maˬ tseˇ huiˬ dzehˬ ma lehˇ ehˇ nehˬ-awˬ.

1 Sahˬpaˬ 12:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawˬ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

1 Sahˬpaˬ 22:32

Kʼoeˇ miˇ neh, sahˬ paˬ Yeˬhawˇshaˬpaˇ-ahˇ aˬ yawꞈ maꞈ ya mawˇ ngeh, Iˇsaˬleˬlaˆ sahˬ paˬ nga lehˇ noeˬ-awˇ, aˬ yawꞈ-ahˇ tehꞈ-ehˇ ga jawˬ-awˇ deuˆ-euˬ meh. Ehˇ kʼawꞈ, Yeˬhawˇshaˬpaˇ guˇ doˆ laˇ ngeh,

1 Sahˬpaˬ 22:4

Kʼoeˇ naˇ Yeˬhawˇshaˬpaˇ-ahˇ Aˬhaˆ ehˇ nehˬ-eu, “Nawˇ ngaˬ nehˬ-ehˇ le-awˇ Laˬmoˆ meuˬ-ahˇ guiˇ deuˆ leˇ ma loˇ.” Yeˬhawˇshaˬpaˇ ehˇ-eu, “Nawˇ kʼaˇ dah laˇ ngeh nawˬ nehˬ-ehˇ le-eu gʼaˇ duˬ ngaˇ lehˬ hmˬ dah taˬ-euˬ ma. Ngaˬ-euˬ yehˇ deuˬ hawˇ-eu mahˬ deuˬ kʼawꞈ lehˬ hmˬ jiˇ taˬ-euˬ ma.

2 Laˬsaˬbaˬ 10:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawꞈ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 22:4

Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ aˬ da shiˇ dzeuˇ ngeh jawˇ, sahˬ paˬ Aˬhaˆ-euˬ aˇ jeuˬ aˇ ca deuˬ aˬ yawꞈ-ahˇ nui noeˬ nui duˇ biꞈ-awˇ, aˬ yawꞈ lehˬ-iˇ ca-iˇ ni sheuˬ gʼeh-euˬ meh.

Jaceuq 119:63

Nawˬ-euˬ zahˇ dawˬ kʼoꞈ dawˬ-ahˇ caw teh-eu deuˬ dawˬ tawˆ luꞈ hawˇ-eu, Nawˬ-euˬ gaˇ mˇ-eu deuˬ dawˬ tawˆ luꞈ-ahˇ ngaˇ gʼoeˇ-eu ma.

Dawqdaq 13:19

Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Dawqdaq 14:7

Aˬ dzawˬ aˇ gah-ahˇ gaˇ jaw jaw-awˬ. Nawˬ-euˬ gʼaˇ duˬ lahˬ laˇ duˬ maˬ jaˆ-a.

Dawqdaq 15:31

Dawˬ mehˬ dawˬ tsoˆ gʼoˆ geuꞈ-eu tsawˇ haˬ, zaˬ siˬ tsawˇ gahˇ ahˇ-eu meh.

Dawqdaq 22:24

Nui ma yaw suˬ deuˬ hawˇ-eu yaw haiˬ jeˬ mˇ-eu tsawˇ haˬ deuˬ nehˬ-ehˇ cawˬ taˬ cawˬ.

Dawqdaq 22:25

Nawˇ aˬ yawꞈ maꞈ loꞈ-ehˇ pyeuꞈ laˇ-awˇ, maˬ dehꞈ paˇ nya ni shaˬ laˇ tehꞈ-a. -3-

Dawqdaq 7:27

Aˬ yawꞈ-euˬ nymˇ-aˬ, shiˇ-eu miˇ kʼahˬ gaˇ ma pyeuꞈ-awˇ, shiˇ-eu gaˇ ma gaˇ dawˇ kahˇ meh.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

HeˬByehˇ 10:24

Aˬ cawˬ-ahˇ gʼoeˇ nya gaˬ nya-awˇ yaw muiˬ jeˬ mˇ nya ni, aˬ dui ti gʼaˬ tiˇ gʼaˬ kʼahˇ kʼoꞈ-awˇ ngehˬ gʼeh kaˇ-euˇ.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.