Dawqdaq 13:19 - Akha

¹⁹ Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Yawqha geufmawf-eu lof-aer pyeufler-euq-aq, Nuima saflar-anr coerovni ghae-eu mae. Aerkhawf, aqdzawq argan deuq-euq gharduq-aq, Yawdoer jeq-anr byaer-eu khoer-aq, Nuidav davlar paq-aer ghae-eu jeq pyeuf-eu mae.

Dawqdaq 13:19 ပူးပေါင်းရင်းမြစ်များ

1 Sahˬpaˬ 1:48

‘Iˬ nah ngaˬ-euˬ dah zaˇ ngaˬ-euˬ aˬ li tiˬ gʼaˬ-ahˇ sahˬ paˬ bi pyeuꞈ laˇ-awˇ, kʼoeˇ loꞈ-ehˇ pyeuꞈ laˇ gaˇ ya mawˇ ngeh keuˆ ni ngaˬ-ahˇ bi dehꞈ keuˆ laꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, aˬ dui ja ceuˬ kaˇ-euˇ’ lehˇ aˬ yawꞈ ehˇ-eu meh.”

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 34:14

Yaw haiˬbyehˇ-awˇyaw muiˬmˇ-awˬ. Tsaˬleˇdzoeˇleˇ-eu jeˬ poˆ-awˬ.

Jaceuq 37:27

Yaw haiˬbyehˇ-awˇ yaw muiˬmˇ-awˬ. mˬmaˬmaˬbyaˆzaˇziˇjiˇni, miˇkʼahˬheu kʼahˬnawˬ-ahˇoꞈmeh.

Dawqdaq 13:12

Noeˬ tmˬ-eu jeˬ byoˆ le ngeh, nui ma-ahˇ zaw laˇ-awˇ, nui kʼahˇ byah laˇ ngeh, laˬ kʼaˬ cehˇ dehˆ-euˬ maˬ baw-a.

Dawqdaq 13:18

Mehˬ nehˬ tsoˆ nehˬ gaˇ maˬ naˇ haˬ-eu tsawˇ haˬ shaˬ le zahˬ le-awˇ, mehˬ gaˇ tsoˆ gaˇ naˇ haˬ-eu tsawˇ haˬ-ahˇ aˬ cawˬ yaw zeu baw tehꞈ-a.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Dawqdaq 16:17

Tsawˇ muiˬ-euˬ gaˇ jawˬ yaw haiˬ-ahˇ gaˇ jaw jaw-awˇ, yawˬ ha gaˇ ma yawˬ ha yahˇ-awˇ cah naˇ, yawˬ ha-euˬ saꞈ laˇ-ahˇ haw piˇ gaˇ duˇ-eu meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 29:10

Aˬ cawˬ-ahˇ sehꞈ-eu tsawˇ haˬ yaw sui yaw dawˇ deuˬ-ahˇ bye-awˇ, yaw tsaˬ yaw dawˇ tsawˇ haˬ aˬ cawˬ-ahˇ ka kʼoꞈ nehˬ-eu meh.

Dawqdaq 29:27

Tsawˇ muiˬ tsawˇ doeˇ-ahˇ bye-awˇ, tsawˇ doeˇ tsawˇ muiˬ-ahˇ bye-eu meh.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Dawˬ caˇ 3:4

Aˬ yawꞈ maꞈ jawˇ-eu iˇ dzeuˇ-eu nehˬ-ehˇ, ngaˇ gaˬ-eu gʼaˬ-ahˇ poˆ mawˇ-euˬ ma. Ngaˬ ma-euˬ nymˇ laꞈ kʼoeˇ ngaˇ dehꞈ le-euˬ kuˆ lawˆ-ahˇ, aˬ yawꞈ-ahˇ maˬ sheuˬ uˇ keuˆ kʼoeˇ keuˆ ni, maˬ pyehˬ nehˬ ni byaˇ cuꞈ taˬ-euˬ ma.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.