Dawqdaq 13:18 - Akha

¹⁸ Mehˬ nehˬ tsoˆ nehˬ gaˇ maˬ naˇ haˬ-eu tsawˇ haˬ shaˬ le zahˬ le-awˇ, mehˬ gaˇ tsoˆ gaˇ naˇ haˬ-eu tsawˇ haˬ-ahˇ aˬ cawˬ yaw zeu baw tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Maeqpar tsovpar-eu gar maq hageuf-eu tsawrhaq-anr, Irshaq shaq-eu jeq hawr-eu daqga-eu jeq keuvle taef-a. Aerkhawf, maeqpar-eu gar narhaq-eu tsawrhaq-aq, Taqhuiq-eu jeq za taef-a.

Dawqdaq 13:18 ပူးပေါင်းရင်းမြစ်များ

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Dawqdaq 13:13

Dawˬ mehˬ dawˬ tsoˆ maˬ naˇ haˬ-eu tsawˇ haˬ, shaˬ zahˬ shaˇ pi gaˇ duˇ-awˇ, dawˬ mehˬ dawˬ tsoˆ naˇ haˬ geuꞈ-eu tsawˇ haˬ, guiˬ lahˬ shaˇ baꞈ gaˇ duˇ-eu meh.

Dawqdaq 13:19

Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Dawqdaq 13:25

Yaw tsaˬ yaw dawˇ deuˬ ya dzaˬ ya dawˇ dehˆ kʼawꞈ, maˬ tsaˬ maˬ dawˇ-eu deuˬ mehꞈ-eu shuꞈ-eu meh.

Dawqdaq 15:5

Da dawˬ maˬ naˇ zaˬ yo tsawˇ kʼawˇ. Da dawˬ naˇ-eu zaˬ yo tsawˇ gahˇ lahˬ-mˇ jeˇ.

Dawqdaq 19:6

Yawˬ gʼaˬ na luꞈ yaw huiˬ yaw mahˇ-ahˇ myaˆ pyawˬ naˇ mehˇ jahˇ-awˇ, bi dzaˬ bi dawˇ nya-eu tsawˇ haˬ-ahˇ cawˬ cawˬ mawꞈ-eu meh.

Dawqdaq 25:12

Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Dawqdaq 9:9

Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ naˇ, tsawˇ gahˇ ahˇ dzehˬ laˇ tehꞈ-a. Yaw tsaˬ yaw dawˇ tsawˇ haˬ-ahˇ mehˬ nehˬ tsoˆ nehˬ naˇ, siˬ laˇ gahˇ laˇ dzehˬ tehꞈ-a.

Dawˬ tsoˆ 7:5

Aˬ dzawˬ caˇ gaˇ naˇ-eu maˬ tseˇ, zaˬ siˬ dehˬ gaˇ naˇ-eu tsaˬ meh.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.