Dawqdaq 13:13 - Akha

¹³ Dawˬ mehˬ dawˬ tsoˆ maˬ naˇ haˬ-eu tsawˇ haˬ, shaˬ zahˬ shaˇ pi gaˇ duˇ-awˇ, dawˬ mehˬ dawˬ tsoˆ naˇ haˬ geuꞈ-eu tsawˇ haˬ, guiˬ lahˬ shaˇ baꞈ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yaerdawq-anr hawdoer-eu tsawrhaq-aq, yacawv-ir-eu mae. Aerkhawf, zanrdawq khofdawq-anr guv-eu tsawrhaq-aq, lafsawq za-eu mae.

Dawqdaq 13:13 ပူးပေါင်းရင်းမြစ်များ

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Jaceuq 115:13

Aˬ yawꞈ-ahˇ taˬ huiˬ taˬ mahˇ-eu tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, aˬ yawꞈ guiˬ lahˬ biꞈ nehˬ tehꞈ-a.

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Jaceuq 19:12

Yawˬha yaw lehˬ siˬduˬnya-eu, tsawˇhaˬtiˬgʼaˬ-iˬ maˬjawˇ-a. Ngaˇmaˬmawˇ-euˬngaˬ-euˬiˬbaˇ, SahˬpaˬMiˬyehˇtsiˬshawˇnehˬlaꞈ.

Doˆ-iˇ 9:20

Sahˬ paˬ kʼoeˇ gʼaˬ-euˬ gaˇ mˇ-eu yaw huiˬ yaw mahˇ tiˬ paˆ na deuˬ Sahˬpaˬ Miˬyehˇ neh ehˇ taˬ-euˬ dawˬ-ahˇ guˆ-awˇ, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, nymˇ laꞈ kʼoeˇ maˬ ehˇ, kuˆ laꞈ kʼoeˇ maˬ ehˇ, bi uˇ leˇ jiˇ-euˬ meh.

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Dawqdaq 13:12

Noeˬ tmˬ-eu jeˬ byoˆ le ngeh, nui ma-ahˇ zaw laˇ-awˇ, nui kʼahˇ byah laˇ ngeh, laˬ kʼaˬ cehˇ dehˆ-euˬ maˬ baw-a.

Dawqdaq 13:21

Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Dawqdaq 16:20

Dawˬ mehˬ dawˬ tsoˆ naˇ haˬ geuꞈ-eu deuˬ baw le za le-awˇ, Sahˬpaˬ Miˬyehˇ-ahˇ gʼoe-eu deuˬ laˬ kʼaˬ ya cehˇ tehꞈ-a.

Dawqdaq 19:16

Miˬ yehˇ-euˬ zahˇ dawˬ-ahˇ gʼoe-eu tsawˇ haˬ ziˇ baw-awˇ, zahˇ dawˬ-ahˇ yaw zeu maˬ baw-eu tsawˇ haˬ ziˇ teˬ tehꞈ-a.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Yeˬlaˬmiˇ 43:2

Kʼoeˇ naˇ, Hawˇshaˬyaˇ-euˬ aˬ li Aˬzaˬyiˇ, Kaˬyaˬ-euˬ aˬ li Yoˇhaˬnaˬ aˬ nyaꞈ hawˇ-eu, nui ma kʼaˇ huiˬ-eu tsawˇ haˬ deuˬ ngaˬ-ahˇ heu loꞈ-ehˇ ehˇ laˇ-eu meh. “Nawˇ jaˬ myawꞈ myawꞈ-eu nga. Iˇjiˇtuˆ miˇ kʼahˬ-ahˇ taˬ jawˇ-iˇ lehˇ nga maꞈ-ahˇ bi ehˇ le-eu gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ kʼehˇ gʼeh leꞈ-euˬ maˬ ngeuˇ-aˇ.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Yeˬsaˬgeˬlaˇ 20:16

Aˬ yawꞈ maꞈ ngaˬ neh dawˬ biꞈ-euˬ gaˇ maˬ naˇ haˬ geuꞈ-ehˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ jawˇ nah-ahˇ laˆ jawꞈ-euˬ miˇ neh, ngaˇ kʼoeˇ loꞈ-ehˇ ehˇ tsehˆ nehˬ-euˬ ma. Aˬ yawꞈ maꞈ tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ dzehˬ-eu meh.

Yeˬsaˬgeˬlaˇ 20:24

Aˬ yawꞈ maꞈ ngaˬ-euˬ ehˇ dawˬ leuˇ-awˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-euˬ uˬ taꞈ, jawˇ nah-ahˇ laˆ jawꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu miˇ neh, kʼoeˇ loꞈ-ehˇ mˇ nehˬ-euˬ ma.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Bawˇtsahˬ 15:31

Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, maˇ maˇ ni zahˇ dawˬ kʼoꞈ dawˬ-ahˇ mˇ bahˬ-euˬ meh. Aˬ yawꞈ-aˬ, yawˬ haˇ yawˬ ha ya shiˇ ni mˇ-euˬ meh.”

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Luˇkaꞈ 16:31

Ehˇ kʼawꞈ, Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ da-eu deuˬ-euˬ dawˬ-ahˇ aˬ yawꞈ maꞈ maˬ naˇ haˬ naˇ, shiˇ-euˬ tsawˇ haˬ gʼoꞈ dehꞈ laˇ-awˇ ehˇ nehˬ-iˇ kʼawꞈ, aˬ yawꞈ maꞈ maˬ jah-aˇ.”’

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.