Dawqdaq 13:10 - Akha

¹⁰ Naˬ bawˇ maˬ tsoꞈ-eu iˬ dehˬ iˬ ceh laˆ doˆ-awˇ, aˬ cawˬ mehˬ gaˇ naˇ haˬ geuꞈ-eu deuˬ tsawˇ gahˇ za-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nuima huiq-eu jeq-aq, iqdaeq iqcae taef-aer bi dovlar-eu mae. Aerkhawf, maeqbawq bif-eu gar hageuf-eu tsawrhaq-aq, Zaqsiq tsawrganr za-eu mae.

Dawqdaq 13:10 ပူးပေါင်းရင်းမြစ်များ

1 Sahˬpaˬ 12:16

Aˬ yawꞈ maꞈ neh shaˇ-euˬ dawˬ-ahˇ sahˬ paˬ Leˬhawˇbamˬ maˬ naˇ haˬ nehˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ heu loꞈ-ehˇ guˇ-eu meh. “Daˬbiˇ-euˬ nymˇ jiˇ kʼoeˇ taˆ yaw cawˆ jeˬ keuˆ le luꞈ-uˇ. Daˬbiˇ neh aˬ dui-ahˇ biꞈ taˬ-euˬ aˬ jeˬ jaˆ ta. Yeˬshehˇ-euˬ aˬ li Daˬbiˇ-ahˇ aˬ dui aˬ jeˬ taꞈ ta. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ iˇ kahˇ-ahˇ yawˬ ha gʼoꞈ leˇ jiˇ-awˬ. Leˬhawˇbamˬ-oˇ, nawˬ-euˬ nymˇ jiˇ-ahˇ nawˇ haw piˇ-awˬ de.” Kʼoeˇ loꞈ-ehˇ guˇ gʼaˬngeh, Iˇsaˬleˬlaˆ tsawˇ haˬ kʼoeˇ deuˬ yawˬ ha-euˬ nymˇ jiˇ kʼaˇ jaˆ gaˇ gʼoꞈ leˇ jiˇ-euˬ meh.

2 Sahˬpaˬ 14:10

Aˬmaˬziˇ-oˇ, Eˬdoˬ tsawˇ haˬ-ahˇ nawˇ guiˇ deuˆ gʼaˬ-euˬ miˇ neh, maˬ gaˇ ma lehˇ noeˬ-awˇ nui ma huiˬ luꞈ-eu nga laˬ. Nawˇ teu naˆ ni tsawˇ myahˇ doˆ-eu-aˬ, nui kʼahˇ shiˇ-awˇ iˇ kahˇ-ahˇ ciˬ cuˇ ni jawˇ-awˬ. Nawˇ hawˇ-eu nawˬ-euˬ miˇ kʼahˬ zaˬ deuˬ kʼoeˇ taˆ yaw cawˆ jeˬ keuˆ le ni, aˬ jeˬ gʼeh-eu leh jeh te.”

Dawqdaq 13:11

Yehˬ bawˬ-ehˇ laˆ za-euˬ pyuˇ shuiˇ yaw kawˇ-ehˇ byoˆ le-awˇ, aw lawˆ-ehˇ mˇ jaˆ-euˬ jeˬ lahˬ laˇ-eu meh.

Dawqdaq 13:9

Yaw tsaˬ yaw dawˇ deuˬ bya dui dui-eu tsiˇ kʼmˬ kʼmˬ ma-ahˇ duˇ-awˇ, yaw haiˬ deuˬ miˆ-iˇ luꞈ-eu tsiˇ du du zaˬ-ahˇ duˇ-eu meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 19:20

Dawˬ mehˬ dawˬ tsoˆ-ahˇ naˇ haˬ geuꞈ naˇ, aˬ kaˇ tiˬ nah zaˬ siˬ tsawˇ gahˇ byah laˇ tehꞈ-a.

Dawqdaq 20:18

Bawˬ toˆ yaw muiˬ suˇ teˇ naˇ, suˇ dawˬ maˬ kuꞈ gaˇ guiˇ taˬ deuˆ.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Luˇkaꞈ 22:24

Zaˬ lahˇ deuˬ yaw kaˬ, aˬ geu gʼaˬ aˬ cawˬ naˆ maˬ tseˇ huiˬ dzehˬ-eu gaˇ kawˆ tsawˇ pyehˇ pyehˇ-eu meh.

1 Tiˆmoˇseˬ 6:4

nui ma huiˬ dui taˬ-awˇ, tiˬ jeˬ-iˬ maˬ siˬ nya-eu tsawˇ haˬ pyeuꞈ-eu meh. Dawˬ gaˇ kawˆ tsawˇ pyehˇ pyehˇ-awˇ ja dzaˬ mawꞈ-eu nui ma ahˇ-eu meh. Kʼoeˇ miˇ neh, myaˆ naˆ-eu, ceh dzaˬ-eu, ja bu ja doeˇ-eu, aˬ cawˬ-ahˇ yaw doeˇ jahˇ mawꞈ-eu, heu loꞈ-ehˇ gʼeh-eu jeˬ bi doˆ laˇ-eu meh.

Yaˬkoˆ 4:1

Naw maꞈ yaw kaˬ iˬ dehˬ iˬ ceh myaˬ-eu jeˬ aˬ gaˇ neh doˆ le-euˬ ta. Naw maꞈ-euˬ gʼawˇ mawˇ laꞈ kʼoeˇ aˬ myah luꞈ ceh luꞈ-eu jeˬ pyeuꞈ-eu byawˬ gʼa mo gʼa-eu nui kʼahˇ-ahˇ neh doˆ le-euˬ meh.

Yaˇ kʼaˬ daˇ 19:30

Kʼoeˇ gaˇ ya mawˇ-euˬ tsawˇ haˬ yawˬ gʼaˬ na luꞈ ehˇ-eu, “Heu loꞈ-ehˇ gʼeh-eu jeˬ nga maꞈ tiˬ jawˇ-iˬ maˬ ya mawˇ haw-aˬ. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh tiˬ nah neh, heu loꞈ-ehˇ gʼeh-eu jeˬ tiˬ jawˇ-iˬ maˬ pyeuꞈ laˇ haw-aˬ. Aˬ joˆ-ehˇ jahˇ nmˇ lehˇ shaˇ noeˬ haw sheˇ.”