Dawqdaq 12:7 - Akha

⁷ Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tsawrcawv deuq-aq, byav-ir-awr byov-ir jir-eu mae. Aerkhawf, tsaq-awr dawr-eu tsawrhaq-euq nymr-aq, Zifdanni javnya taef-a.

Dawqdaq 12:7 ပူးပေါင်းရင်းမြစ်များ

2 Saˬmeuˬlaˆ 7:16

Nawˬ-euˬ zaˬ nawˬ-euˬ uˆ deuˬ aˬ myah luꞈ maˬ tsehˆ leˇ ni dehꞈ-awˇ, nawˬ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ tehꞈ-a. Nawˬ neh nuiˇ-euˬ dzoeˬ dzaˬ nuiˇ mahˬ kʼawꞈ, tiˬ jawˇ-iˬ aˇ saˬ saˬ-euˬ maˬ baw-aˇ’ lehˇ, ngaˬ-euˬ zaˬ kʼaˆ Daˬbiˇ-ahˇ ehˇ nehˬ-awˬ.”

2 Saˬmeuˬlaˆ 7:26

Nawˇ tsawˇ myahˇ doˆ dui dui tehꞈ-a. Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-euˬ Miˬyehˇ meh lehˇ, mˬ maˬ maˬ byaˆ zaˇ ziˇ aˬ cawˬ ja tehꞈ-a. Ngaˬ-euˬ dzoeˬ dzaˬ kʼawꞈ, mˬ maˬ maˬ byaˆ zaˇ ziˇ nawˇ bi ziꞈ laꞈ tehꞈ-a.

Iˇsaˬtaˆ 9:14

Iˇsaˬtaˆ neh ehˇ-euˬ loꞈ-ehˇ bi jahˇ-eu gʼaˇ duˬ sahˬ paˬ dawˬ biꞈ-awˇ, Suˇsaˬ meuˬ doe ni bi tsaꞈ gaˬ doe-iˇ-euˬ meh. Haˬmaˬ-euˬ aˬ li kʼoeˇ tseˇ gʼaˬ-euˬ gʼawˇ mawˇ-ahˇ kʼawꞈ, tsawˇ haˬ dawˬ tawˆ luꞈ mawˇ gaˇ byaˬ taˬ-euˬ meh.

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Yawˇbaˆ 34:25

Aˬ yawꞈ maꞈ mˇ luꞈ-eu jeˬ aˬ yawꞈ siˬ nya-eu miˇ neh, uˬ ciꞈ paw neh aˬ yawꞈ maꞈ-ahˇ aˇ yaˬ yuˇ ka-awˇ nawˬ pahˬ nehˬ-eu meh.

Jaceuq 37:10

Aˇyamˬtiˬkʼehˇlaˇkʼehˬlaꞈkʼoeˇ, haiˬ-eu tsawˇhaˬbyoˆjiˇtehꞈ-a. aˬyawꞈmaꞈ-ahˇnawˇpoˆdoe kʼawꞈ, iˇzaˇlaˇzaˇ maˬpaˇsiˬmeh.

Dawqdaq 10:25

Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawqdaq 14:1

Nymˇ jiˇ-ahˇ zaˬ miˬ zaˬ-euˬ tsawˇ gahˇ neh tsoˆ doˆ-awˇ, aˬ byahˬ deuˬ neh bi deh pyaˆ-eu meh.

Dawqdaq 14:11

Tsawˇ doeˇ-euˬ nymˇ muiˬ coˬ-iˇ kʼawꞈ, tsawˇ muiˬ-euˬ sehˬ gʼawˆ maˬ pyaˆ-iˇ-a.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.