Dawqdaq 12:28 - Akha

²⁸ Yaw tsaˬ yaw dawˇ jeˬ-aˬ, dehꞈ-eu gaˇ ma pyeuꞈ-awˇ, yaw haiˬ jeˬ-aˬ, shiˇ-eu gaˇ dahˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Tsaq-awr dawr-eu jeq-euq garma-anr daef-eu jeq jav-awr, Cankawv heukanr-euq lafkhoer shir-eu jeq maqjav-a.

Dawqdaq 12:28 ပူးပေါင်းရင်းမြစ်များ

Dawqdaq 10:16

Yaw tsaˬ yaw dawˇ tsawˇ haˬ-euˬ gʼaˬ mahˇ poeˬ-aˬ, aˬ yawꞈ-ahˇ bi dehꞈ dzaˬ laˇ-awˇ, haiˬ-eu tsawˇ haˬ deuˬ neh laˆ za-euˬ pyuˇ shuiˇ-aˬ, iˬ baˇ bi doˆ laˇ-eu meh.

Dawqdaq 10:2

Maˬ tsaˬ maˬ dawˇ-eu laꞈ kʼoeˇ laˆ za-euˬ pyuˇ shuiˇ gaˇ dahˇ maˬ tsoeˬ-a. Ehˇ kʼawꞈ, yaw tsaˬ yaw dawˇ jeˬ-aˬ, shiˇ gaˇ ka kʼoꞈ nya-eu meh.

Dawqdaq 11:19

Yaw tsaˬ yaw dawˇ jeˬ-ahˇ tsuˆ tehˬ taˬ-euˬ deuˬ ya dehꞈ-awˇ, yaw haiˬ jeˬ mehˬ nah caw teh-eu deuˬ ya shiˇ tehꞈ-a.

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Dawqdaq 9:11

Zaˬ siˬ tsawˇ gahˇ nawˬ-ahˇ ziˇ bi baw-awˇ, nawˬ-euˬ aˇ kʼoꞈ bi mahˇ dzehˬ laˇ tehꞈ-a.

Yeˬlaˬmiˇ 21:8

Kʼoeˇ naˇ, miˇ kʼahˬ zaˬ deuˬ-ahˇ heu loꞈ-ehˇ ehˇ nehˬ-awˬ lehˇ, Sahˬpaˬ Miˬyehˇ ngaˬ-ahˇ kʼehˇ-eu meh. “Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-ahˇ shiˇ-eu gaˇ ma hawˇ-eu dehꞈ-eu gaˇ ma bi tseˇ geuꞈ-eu ma.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Dawˬmehˬ 30:15

“Iˬ nah nawˬ-ahˇ ngaˇ yaw muiˬ hawˇ-eu yaw doeˇ bi tseˇ geuꞈ-eu ma. Dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma.

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.