Dawqdaq 12:21 - Akha

²¹ Tsawˇ muiˬ yaw doeˇ maˬ oꞈ. Tsawˇ doeˇ yaw lehˬ maˬ dzeuˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tsaq-awr dawr-eu tsawrhaq-anr-aq, Ardzaeq-aer doer-eu gardzaq garkawv maq keuvle-ar. Aerkhawf, tsawrcawv-aq, yawdoer jeq tiqbyanni ya’mawr taef-a.

Dawqdaq 12:21 ပူးပေါင်းရင်းမြစ်များ

Jaceuq 121:7

Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ nawˬ-ahˇ haw piˇ-awˇ, kʼahˬ lahˇ kʼaˇ maˬ za ni ya dehꞈ tehꞈ-a.

Jaceuq 91:10

luˬ-iˇ seˇ-iˇ-eu jeˬ-ahˇ nawˇ ya dzeuˇ-iˇ-awˇ, guˆ-eu gaˆ-eu jeˬ nawˬ-euˬ nymˇ dawˬ peh maˬ oe keuˆ-a.

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Dawqdaq 1:33

Ehˇ kʼawꞈ ngaˬ-euˬ ehˇ dawˬ naˇ haˬ-eu deuˬ ziꞈ dah ni dehꞈ-awˇ, guˆ-eu gaˆ-eu jeˬ maˬ jaˆ-a.”

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Dawqdaq 12:20

Yaw haiˬ jeˬ toˆ-eu nui ma jaˬ myawꞈ myawꞈ-awˇ, yaw tsaˬ jeˬ mˇ-eu nui ma laˬ kʼaˬ cehˇ-eu jeˬ byah-eu meh.

Dawqdaq 14:14

Tsawˇ doeˇ laꞈ taꞈ yaw cawˆ jeˬ keuˆ le-awˇ, tsawˇ muiˬ mehˬ shi guiˬ lahˬ jaˆ tehꞈ-a.

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Dawˬ tsoˆ 8:5

Aˬ yawꞈ-euˬ dawˬ-ahˇ kʼaˇ naˇ haˬ kʼoeˇ keuˆ ni, yaw dehꞈ dehꞈ-eu kʼahˬ lahˇ kʼaˇ maˬ za-a. Zaˬ siˬ tsawˇ gahˇ ahˇ-eu deuˬ, aˬ yawꞈ nui ma tsaˬ ni aˬ joˆ-ehˇ ya dehꞈ ya jawˇ-eu aˇ tsuiꞈ aˇ law siˬ nya-eu meh.

Haˬbaˬkuˆ 2:16

Nawˇ jiˇ baˬ yehꞈ yehꞈ-ehˇ teuˆ-awˇ, aˬ cawˬ maˬ taˬ huiˬ-eu uˬ taꞈ, daˬ ga-awˇ ya shaꞈ dawˇ tehꞈ-a. Sahˬpaˬ Miˬyehˇ laꞈ maˇ laꞈ-ahˇ, ciˬ-eu kʼmˬ maˬ nawˇ ya dawˇ-awˇ, aˇ dzehˬ dzeuˇ ni daˬ ga tehꞈ-a.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

1 Beˬtuˆluˆ 3:13

Naw maꞈ yaw muiˬ jeˬ mˇ gaˇ leh jeh naˇ, naw maꞈ-ahˇ laˆ coeˬ laˆ ciˆ laˇ-eu aˬ suˇ gʼaˬ jawˇ nmˇ.

Panmaeq 18:6

Yawꞈ neh yaw doeˇ kʼaˇ mˇ-euˬ jeˬ, yawꞈ-ahˇ paˇ mˇ poˆ kʼoꞈ nehˬ-awˬ. Yawꞈ neh mˇ taˬ-euˬ naˆ maˬ tseˇ, nyiˬ bymˇ dzehˬ ni mˇ kʼoꞈ nehˬ-awˬ. Yawꞈ neh bi dawˇ laꞈ-euˬ kʼmˬ maˬ, nyiˬ bymˇ taˆ-eu ciˬ kʼoꞈ nehˬ-awˬ.