Dawqdaq 12:13 - Akha

¹³ Haiˬ-eu tsawˇ haˬ yawˬ ha-euˬ mehˬ luˬ neh kʼmˇ-euˬ lahˇ ju-ahˇ paꞈ leˇ-awˇ, yaw tsaˬ yaw dawˇ tsawˇ haˬ deuˬ guˆ-eu gaˆ-eu jeˬ-ahˇ ya buˬ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Tsawrdoer-aq, yawqha-euq maeqluq-euq yawbanq yawlaeq-euq lanrju-anr pafler-eu mae. Aerkhawf, tsaq-awr dawr-eu tsawrhaq-aq, Gardzaq garkawv-anr nae yadzeur-ir taef-a.

Dawqdaq 12:13 ပူးပေါင်းရင်းမြစ်များ

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

2 Saˬmeuˬlaˆ 4:9

Biˇyoˆ meuˬ-ahˇ jawˇ-eu Leˬmoˬ-euˬ aˬ li Leˬkaˆ hawˇ-eu Baˬnahˬ aˬ nyaꞈ nmˇ-ahˇ, Daˬbiˇ heu loꞈ-ehˇ ehˇ kʼoꞈ nehˬ-euˬ meh. “Shaˬ zahˬ guˆ gaˆ dawˬ tawˆ luꞈ laꞈ kʼoeˇ ngaˬ-ahˇ ka kʼoꞈ nehˬ laꞈ-euˬ gʼaˬ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ ehˇ-eu ma.

1 Sahˬpaˬ 2:23

Kʼoeˇ naˇ, Sahˬpaˬ Miˬyehˇ-euˬ tsawˇ myahˇ uˬ moˆ Sawˇlaˬmoˬ saˇ jaˇ dzaˬ-awˇ ehˇ-eu, “Heu loꞈ-ehˇ shaˇ-eu baˬ da neh Aˬdawˇniˇyaˆ maˬ shiˇ-ehˇ ya bi dehꞈ lawˬ naˇ, Miˬyehˇ ngaˬ-ahˇ sehꞈ luꞈ-uˇ.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 34:20

Shaˬyoeˬtiˬkahˬmaˬbi kʼehꞈni, aˬyawꞈtiˬli haw piˇ-eu meh.

Jaceuq 5:6

Jaˬmyawꞈdeuˬ-ahˇnawˇlaˆcawˆ-awˇ, smˇkʼoeˬtahˇjoe-ahˇbye-eu meh.

Jaceuq 59:12

Aˬ yawꞈ maꞈ-euˬ mehˬ laˇ kʼoeˇ taˆ iˬ baˇ jaˆ meh. Aˬ yawꞈ maꞈ kʼaˇ ngehˬ-eu dawˬ iˬ baˇ ahˇ meh. Aˬ yawꞈ maꞈ nui ma huiˬ-eu jeˬ-ahˇ aˬ yawꞈ maꞈ paˇ bi teuˆ paꞈ-awˬ. Aˬ yawꞈ maꞈ yaˬ kʼehˇ yaˬ-awˇ jaˬ myawꞈ myawꞈ-eu miˇ neh,

Jaceuq 59:13

nui ma pehˇ-eu laꞈ kʼoeˇ laˆ cawˆ nehˬ-awˬ. piˬ-iˇ byoˆ-iˇ jiˇ ni laˆ cawˆ nehˬ-awˬ. Kʼoeˇ ngeh, Iˇsaˬleˬlaˆ miˇ kʼahˬ-ahˇ Miˬyehˇ uˆ lahˇ-awˇ, mˬ dzeˇ miˇ dzeˇ keuˆ ni uˆ lahˇ luꞈ-eu gaˇ kawˆ, tsawˇ haˬ dawˬ tawˆ luꞈ ya siˬ tehꞈ-a.

Jaceuq 64:8

Aˬ yawꞈ maꞈ ngehˬ-euˬ dawˬ kʼoeˇ deuˬ baˬ da neh, aˬ yawꞈ maꞈ-ahˇ Miˬyehˇ laˆ cawˆ tehꞈ-a. Aˬ yawꞈ maꞈ-ahˇ kʼaˇ ya mawˇ-eu tsawˇ haˬ deuˬ, uˬ duˬ juiꞈ gaˇ keuˆ tehꞈ-a.

Dawqdaq 10:8

Tsawˇ gahˇ ahˇ-eu deuˬ dawˬ mehˬ dawˬ tsoˆ-ahˇ naˇ haˬ geuꞈ-eu meh. Ehˇ kʼawꞈ, kʼahˬ sehˇ jehˆ-eu tsawˇ haˬ deuˬ ya cawˆ-iˇ tehꞈ-a.

Dawqdaq 11:8

Yaw tsaˬ yaw dawˇ deuˬ guˆ-eu gaˆ-eu jeˬ-ahˇ ya dzeuˇ-iˇ kʼawꞈ, haiˬ-eu tsawˇ haˬ deuˬ maˬ dzeuˇ-iˇ nya-a.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawqdaq 21:23

Shaˬ zahˬ jaw dzeuˇ mawꞈ-eu aˬ cawˇ, dawˬ tmˇ dawˬ ngehˬ yahˇ-awˬ.

Dawqdaq 6:2

nawˬ neh ngehˬ-euˬ dawˬ-ahˇ nawˇ teuˆ lahˇ-awˇ, nawˬ neh kʼmˇ-euˬ lahˇ ju-ahˇ nawˇ paꞈ le naˇ,

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Daˬyeˬlaˇ 6:24

Kʼoeˇ naˇ, Daˬyeˬlaˇ-ahˇ yaw doeˇ jahˇ-euˬ tsawˇ haˬ dawˬ tawˆ luꞈ-ahˇ nyehꞈ-eu gʼaˇ duˬ sahˬ paˬ dawˬ biꞈ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ deuˬ dawˬ tawˆ luꞈ-ahˇ, aˇ laˬ jaˬ shiˇ kuˆ-ahˇ biˬ ahˇ jiˇ-euˬ meh. Aˬ yawꞈ maꞈ aˇ laˬ jaˬ shiˇ kuˆ-euˬ duˬ kʼahˬ-ahˇ maˬ ga keuˆ -iˇ mi naˆ-ehˇ, aˇ laˬ jaˬ shiˇ kʼoeˇ deuˬ aˬ yawꞈ maꞈ-ahˇ tsawˬ dawꞈ-awˇ, shaˬ yoeˬ shaˬ laꞈ kawꞈ kʼehꞈ kawꞈ kʼoeˆ jiˇ-euˬ meh.

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.