Dawqdaq 11:9 - Akha

⁹ Miˬyehˇ-ahˇ maˬ gʼoe-eu tsawˇ haˬ-euˬ kʼaˬ meh. aˬ cawˬ-ahˇ laˆ cawˆ nya kʼawꞈ, yaw tsaˬ yaw dawˇ deuˬ-euˬ zaˬ siˬ tsawˇ gahˇ aˬ cawˬ-ahˇ ka kʼoꞈ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer-anr maqguv-eu tsawrhaq-aq, Aqyawf-euq khaqmae nae, aqyawf-euq dawqpae jawr-eu tsawrhaq-anr lavcawv-eu mae. Aerkhawf, tsaq-awr dawr-eu tsawrhaq-aq, Siqnya-eu tsawrganr-anr ghoe-awr nae yabuq-ir taef-a.

Dawqdaq 11:9 ပူးပေါင်းရင်းမြစ်များ

1 Sahˬpaˬ 22:6

Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ oeˬ yaˇ gʼaˬ-ahˇ Aˬhaˆ kuˇ uiˬ-awˇ ehˇ nehˬ-eu, “Giˇlaˆ miˇ kʼahˬ Laˬmoˆ meuˬ-ahˇ ngaˇ guiˇ deuˆ leˇ-eu tsaˬ nga loˇ, maˬ tsaˬ nga loˇ lehˇ ehˇ nehˬ laꞈ sheˇ.” Aˬ yawꞈ maꞈ ehˇ-eu, “Deuˆ leˇ-awˬ. Sahˬpaˬ Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a.”

Yawˇbaˆ 34:30

Miˬyehˇ maˬ baw-eu tsawˇ haˬ deuˬ neh bi uˆ lahˇ-awˇ maˬ bi kʼehˬ ni, miˇ kʼahˬ tsawˇ jeuˬ deuˬ tiˬ jeˬ-iˬ maˬ jahˇ nya-a.

Yawˇbaˆ 8:13

Miˬyehˇ maˬ baw-eu tsawˇ haˬ deuˬ aˇ toꞈ kʼoeˇ deuˬ-ahˇ duˇ-eu meh. Miˬyehˇ-ahˇ ngehˇ naˇ aˬ yawꞈ maꞈ gʼaˇ duˬ noeˬ tmˬ kʼaˇ maˬ paˇ za meh.

Jaceuq 55:12

Muiˇ-eu deuˬ cehꞈ lehꞈ ka laˇ gaˇ ngaˇ daˬ coeˇ ma. Nui ma gʼawˬ-eu deuˬ aˬ jaꞈ jaꞈ gaˇ ngaˇ dzuˇ zaꞈ nya ma.

Dawqdaq 11:6

Yaw sui yaw dawˇ deuˬ yawˬ ha neh mˇ-euˬ yaw tsaˬ yaw dawˇ jeˬ neh bi ka kʼoꞈ-awˇ, saˇ jaˇ maˬ jawˇ-eu deuˬ yawˬ ha-euˬ nui kʼahˇ neh bi paꞈ cuꞈ-eu meh.

Dawqdaq 11:8

Yaw tsaˬ yaw dawˇ deuˬ guˆ-eu gaˆ-eu jeˬ-ahˇ ya dzeuˇ-iˇ kʼawꞈ, haiˬ-eu tsawˇ haˬ deuˬ maˬ dzeuˇ-iˇ nya-a.

Dawqdaq 16:29

Haiˬ-eu tsawˇ haˬ deuˬ yawˬ ha-euˬ cawˬ-ahˇ mehˇ shuiˇ shuiˇ-awˇ, cawˆ-iˇ-eu gaˇ ma-ahˇ sheuˬ gʼeh-eu meh.

Maꞈtehˬ 7:15

“Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ yahˇ-awˬ. Aˬ yawꞈ maꞈ-aˬ, laꞈ nyiˇ paw haw ngeh yawˇ zaˬ loꞈ-ehˇ nahˬ jawˆ ni gʼeh gaˇ duˇ kʼawꞈ, laꞈ kʼoeˇ paw haiˬ dui dui-eu kʼaˬ yehˇ pyeuꞈ-eu meh.

Maˬkuˆ 13:14

“‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Gʼaˬkʼehˇ 20:30

Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

1 Yoˇhaˬ 2:21

Naw maꞈ yaw tsaˬ yaw dawˇ jeˬ-ahˇ maˬ siˬ nya-eu baˬ da neh, ngaˇ naw maꞈ-ahˇ sahˬ bo boꞈ ahˇ laꞈ-eu maˬ ngeuˇ. Yaw tsaˬ yaw dawˇ kʼoeˇ-ahˇ naw maꞈ siˬnya-eu uˬ taꞈ, kʼoeˇ-euˬ laꞈ kʼoeˇ jaˬ myawꞈ myawꞈ-eu jeˬ maˬ doˆ laˇ-a lehˇ naw maꞈ siˬ nya-eu baˬ da neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu jeˬ pyeuꞈ-eu ma.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.