Dawqdaq 11:4 - Akha

⁴ Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer nuima paer-eu arnan keuvle ngae, Pyurshuir myawqganq gardanr maqtsoeq-a. Aerkhawf, tsaq-awr dawr-eu jeq-aq, Shir-eu jeq-anr nae bibuq-ir nya-eu mae.

Dawqdaq 11:4 ပူးပေါင်းရင်းမြစ်များ

Aˇ dahˬ 7:1

Noˇaˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ nymˇ kʼahˬ zaˬ dawˬ tawˆ luꞈ sheuˬ-awˇ, saˇ baoˬ laꞈ kʼoeˇ uˇ leˇ-awˬ. Miˇ tsaˬ heu kʼoeˇ taˆ yaw tsaˬ yaw dawˇ jeˬ mˇ-eu tsawˇ haˬ nawˇ tiˬ gʼaˬ jawˇ-eu tehꞈ meh lehˇ ngaˇ siˬ duˬ ma.

Yawˇbaˆ 20:28

Aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ, Miˬyehˇ nui ma pehˇ-eu jeˬ laꞈ kʼoeˇ ya cawˆ-iˇ jiˇ tehꞈ-a.

Dawqdaq 10:2

Maˬ tsaˬ maˬ dawˇ-eu laꞈ kʼoeˇ laˆ za-euˬ pyuˇ shuiˇ gaˇ dahˇ maˬ tsoeˬ-a. Ehˇ kʼawꞈ, yaw tsaˬ yaw dawˇ jeˬ-aˬ, shiˇ gaˇ ka kʼoꞈ nya-eu meh.

Dawqdaq 12:28

Yaw tsaˬ yaw dawˇ jeˬ-aˬ, dehꞈ-eu gaˇ ma pyeuꞈ-awˇ, yaw haiˬ jeˬ-aˬ, shiˇ-eu gaˇ dahˬ meh.

Dawqdaq 6:34

Myaˆ naˆ-eu kʼaˬ dzeˇ zaˬ gʼaˬ-euˬ nui naꞈ, laꞈ poˆ poˆ gʼaˬ-eu maˬ baw-a.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 7:19

Sahˬpaˬ Miˬyehˇ nui ma pehˇ-eu jeˬ shehˆ tehˬ leꞈ ngeh, pyuˇ hawˇ-eu shuiˇ neh maˬ ka kʼoꞈ nya-eu baˬ da neh, pyuˇ hawˇ-eu shuiˇ deuˬ-ahˇ yaw jawꞈ yaw laꞈ biˬ dzeh-eu loꞈ-ehˇ, gaˇ ma doe ni byaˆ dzeh taˬ tehꞈ-a. Aˬ yawꞈ maꞈ loˬ-eu jeˬ gʼaˇ duˬ hawˇ-eu uˬ maˆ dehˆ laˇ-eu gʼaˇ duˬ, pyuˇ hawˇ-eu shuiˇ gaˇ dahˇ maˬ tsoeˬ-ehˇ pyeuꞈ-iˇ tehꞈ-a. Pyuˇ hawˇ-eu shuiˇ baˬ da neh, aˬ yawꞈ maꞈ iˬ baˇ mˇ-euˬ meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Lormav 5:17

Tsawˇ haˬ tiˬ gʼaˬ iˬ baˇ mˇ-euˬ miˇ neh, tsawˇ haˬ kʼoeˇ gʼaˬ baˬ da neh miˇ tsaˬ kʼoeˇtaˆ shiˇ-eu jeˬ uˆ lahˇ le-euˬ meh. Ehˇ kʼawꞈ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ neh mˇ-euˬ jeˬ-aˬ, kʼoeˇ naˆ maˬ tseˇ gʼaˬ kʼaˆ dzehˬ-eu meh. Huiˬ dui myaˬ dui dui-eu Miˬyehˇ-euˬ guiˬ lahˬ hawˇ-eu, Miˬyehˇ-ahˇ tsaˬ leˇ tsahˇ leˇ-eu jeˬ yawꞈ ngehꞈ-ehˇ za taˬ-euˬ tsawˇ haˬ dawˬ tawˆ luꞈ, Yeˬsuˇ Ka li baˬ da neh yaw dehꞈ-ehˇ ya uˆ lahˇ tehꞈ-a.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.