Dawqdaq 11:31 - Akha

³¹ Yaw tsaˬ yaw dawˇ tsawˇ haˬ deuˬ, miˇ tsaˬ kʼoeˇ taˆ dehꞈ ngeh guiˬ lahˬ za naˇ, haiˬ-eu tsawˇ haˬ deuˬ kʼehˬ-eu kʼaˆ-eu jeˬ-ahˇ maˬ ya daˬ-ehˇ aˬ gaˇ iˇ nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Hawsher-eq, tsaq-awr dawr-eu tsawrhaq deuq, Mirtsaq-euq khoertav daef ngae, Yawqha nae mr-euq jeq-euq baqda’nae yadaq nar-aq, Miqyaer-anr yawzeu maqbaw-eu tsawrcawv hawr-eu Iqbaxzaq ngeurdzaeq arnavni parya daq nmr-mq?

Dawqdaq 11:31 ပူးပေါင်းရင်းမြစ်များ

2 Saˬmeuˬlaˆ 22:21

Ngaˬ-euˬ yaw tsaˬ yaw dawˇ baˬ da, Sahˬpaˬ Miˬyehˇ guiˬ lahˬ biꞈ-awˇ, ngaˬ-euˬ aˬ laꞈ yaw shawˇ miˇ neh, yaw muiˬ jeˬ biꞈ nehˬ laꞈ-euˬ meh.

2 Saˬmeuˬlaˆ 22:25

Ngaˇ yaw tsaˬ yaw dawˇ baˬ da neh, aˬ yawꞈ ngaˬ-ahˇ guiˬ lahˬ biꞈ-awˇ, ngaˇ iˬ baˇ maˬ mˇ-eu gaˇ kʼawˆ, aˬ yawꞈ siˬ luꞈ mawˇ luꞈ-eu meh.

1 Sahˬpaˬ 13:24

Aˬ yawꞈ mahˬ tahˬ laˆ dziˬ-awˇ gʼoꞈ-iˇ luꞈ ngeh, aˇ laˬ jaˬ shiˇ tiˬ mawˇ tahˬ puˬ-awˇ bi kawꞈ sehꞈ-euˬ meh. Gaˇ ma-ahˇ aˬ yawꞈ yaw shiˇ-ehˇ ga-awˇ, mahˬ tahˬ laˆ hawˇ-eu aˇ laˬ jaˬ shiˇ kʼoeˇ mawˇ aˬ yawꞈ dawˬ peh yawꞈ luꞈ-eu meh.

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Dawqdaq 13:21

Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Dawqdaq 26:10

Kʼaˇ puˬ kʼaˇ mawˇ le-eu aˬ dzawˬ aˇ gah-ahˇ myawˬ kʼehˇ kʼehˇ-eu baw leˬ-aˬ, kʼaˇ jawˇ kʼaˇ deuˬ-ahˇ laˆ shaˬ gaˇ duˇ tehꞈ-a.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Yeˬlaˬmiˇ 25:29

Laˆ luˬ laˆ seˇ-eu jeˬ, ngaˬ-euˬ meuˬ laꞈ kʼoeˇ ngaˇ mˇ dahˬ beh ma. Aˬ yawꞈ maꞈ kʼoeˇ taˆ kʼehˬ-eu kʼaˆ-eu jeˬ maˬ keuˆ le ni ya dzeuˇ-iˇ tehꞈ-a lehˇ aˬ yawꞈ maꞈ noeˬ ta loˇ. Maˬ ngeuˇ-a. Aˬ yawꞈ maꞈ kʼehˬ-eu kʼaˆ-eu jeˬ-ahˇ ya daˬ-eu yaw duˬ baw meh. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, guiˇ deuˆ-eu jeˬ bi keuˆ le-eu lehˇ gʼeh-eu ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 44:10

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ byehˇ-awˇ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ Leˬbiˇ tsawˇ haˬ kʼoeˇ deuˬ-ahˇ ngaˇ kʼehˬ nehˬ ma.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.