Dawqdaq 11:24 - Akha

²⁴ Tsawˇ haˬ tiˬ gʼaˬ na, tsawˇ tsiˇ maˬ tsiˇ ni gamꞈ nehˬ kʼawꞈ, smˇ muiˬ paˇ muiˬ dzehˬ laˇ-eu meh. Tiˬ gʼaˬ na tsawˇ tsiˇ tsiˇ-awˇ laꞈ tuˆ tsiˇ kʼawꞈ, iˇ shaˬ shaˬ le-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Tsawrhaq tiqghaq nav-aq, Bifdov ghae-eu khawf, javmyaq lar-eu mae. Tiqghaq nav-aq, tsawrtsir tsir paq-aer maqghae-eu gar keuvni, Tsir-eu khawf, irshaq shaq-ir-eu mae.

Dawqdaq 11:24 ပူးပေါင်းရင်းမြစ်များ

2 Laˬsaˬbaˬ 31:10

Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawqdaq 11:23

Yaw tsaˬ yaw dawˇ tsawˇ haˬ-euˬ nui kʼahˇ-aˬ, yaw muiˬ jeˬ-ahˇ aˇ saˬ saˬ-awˇ, haiˬ-eu tsawˇ haˬ-euˬ noeˬ tmˬ duˬ-aˬ, nui ma laˆ jaˆ-eu jeˬ-ahˇ aˇ saˬ saˬ-eu meh.

Dawqdaq 11:25

Aˬ cawˬ-ahˇ biꞈ-eu tsawˇ haˬ baw le za le tehꞈ-a. Aˬ cawˬ-ahˇ caw ba-eu tsawˇ haˬ, yawˬ ha-ahˇ paˇ bi caw ba kʼoꞈ tehꞈ-a.

Dawqdaq 13:7

Smˇ muiˬ geuꞈ-eu iˇ shaˬ deuˬ jawˇ-eu loꞈ-ehˇ, iˇ shaˬ geuꞈ-eu smˇ muiˬ deuˬ jawˇ-eu meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 28:27

Iˇ shaˬ zaˬ-ahˇ caw ba nehˬ-awˬ. Nawˇ tiˬ jawˇ-iˬ maˬ shaˬ le-aˇ. Yaw shaˬ zaˬ-ahˇ nawˇ myaˆ haw maˬ cawˬ nehˬ naˇ, aˬ cawˬ yaˬ kʼehˇ yaˬ-eu dawˬ doeˇ maˬ daˬ jiˇ coeˇ-a.

Dawqdaq 28:8

Nawˇ aˬ cawˬ-ahˇ jiˇ jeuˬ sawˇ-awˇ, yawˬ ha-ahˇ taꞈ-eu jeˬ tehꞈ-ehˇ shaˇ noeˬ-eu miˇ neh, smˇ muiˬ smˇ baw pyeuꞈ laˇ-eu meh. Ehˇ kʼawꞈ ni, nawˇ kʼoeˇ loꞈ-ehˇ mˇ naˇ, nawˬ-euˬ pyuˇ shuiˇ myawˬ gahˬ kʼoeˇ deuˬ, shaˬ zaˬ zahˬ zaˬ-ahˇ gʼawˬ shaˬ gaˬ nya-eu tsawˇ haˬ tiˬ gʼaˬ-euˬ laꞈ-ahˇ ahˇ leˇ jiˇ tehꞈ-a.

Dawˬ tsoˆ 11:6

Siˬ yoeˬ kʼaˇ sehˬ-euˬ dehꞈ laˇ meh lehˇ maˬ ehˇ tsehˆ nya-ehˇ, aˬ geu ngeh yamˬ-ahˇ sehˬ-euˬ muiˬ dzehˬ-eu gaˇ kawˆ maˬ siˬ duˬ nya-eu miˇ neh, uˬ shawˬ paw tehꞈ-ehˇ maˬ sehˬ ni, uˬ ciꞈ paw kʼawꞈ sehˬ-awˬ.

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Maˬlaˬkiˇ 3:8

Ngaˇ naw maꞈ-ahˇ naˇ haˬ nyaˇ. Tsawˇ haˬ tiˬ gʼaˬ Miˬyehˇ-ahˇ mehˇ shuiˇ shuiˇ-eu tsaˬ tehꞈ-a loˇ. Maˬ tsaˬ-a. Ehˇ kʼawꞈ, naw maꞈ ngaˬ-ahˇ mehˇ shuiˇ shuiˇ luꞈ meh. ‘Aˬ joˆ-ehˇ shuiˇ taˬ’ lehˇ naw maꞈ ehˇ mawꞈ tehꞈ-a. Tseˇ bymˇ tiˬ bymˇ biꞈ-eu laꞈ kʼoeˇ maˬ ehˇ, ngaˬ-ahˇ damˬ-eu jeˬ laꞈ kʼoeˇ maˬ ehˇ, naw maꞈ ngaˬ-ahˇ mehˇ shuiˇ shuiˇ-euˬ meh.

Luˇkaꞈ 6:38

Aˬ cawˬ-ahˇ biꞈ-awˬ. Naw maꞈ aˬ cawˬ-ahˇ biꞈ naˇ, Miˬyehˇ naw maꞈ-ahˇ biˬ laꞈ tehꞈ-a. Miˬyehˇ naw maꞈ-ahˇ biꞈ nehˬ laꞈ ngeh, byah dui dui-eu cehˇ pehˬ-ahˇ neh pehˬ-awˇ, dehˬ teuˇ zuˆ teuˇ-eu uˬ taꞈ, pu cu cu ni tawˆ ahˇ-awˇ, naw maꞈ-euˬ pehˇ kʼahˬ pehˇ dahˬ-ahˇ shehˆ ahˇ nehˬ laꞈ tehꞈ-a. Naw maꞈ neh aˬ cawˬ-ahˇ kʼaˇ biꞈ nehˬ-euˬ myaˆ ni, Miˬyehˇ naw maꞈ-ahˇ biꞈ nehˬ laꞈ tehꞈ-a.”

Dawˬmehˬ 15:10

Tsawˇ tsiˇ maˬ tsiˇ ni, nui ma keuˆ-eu laꞈ kʼoeˇ aˬ yawꞈ-ahˇ biꞈ nehˬ-awˬ. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ tehꞈ-a.