Dawqdaq 11:23 - Akha

²³ Yaw tsaˬ yaw dawˇ tsawˇ haˬ-euˬ nui kʼahˇ-aˬ, yaw muiˬ jeˬ-ahˇ aˇ saˬ saˬ-awˇ, haiˬ-eu tsawˇ haˬ-euˬ noeˬ tmˬ duˬ-aˬ, nui ma laˆ jaˆ-eu jeˬ-ahˇ aˇ saˬ saˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsaq-awr dawr-eu tsawrhaq-aq, Yawmuiq jeq taef-aer geufmawf-eu mae. Aerkhawf, tsawrcawv nae noeqtmq taq-euq jeq-aq, Nuima paer-eu jeq-anr saqler-eu mae.

Dawqdaq 11:23 ပူးပေါင်းရင်းမြစ်များ

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:5

Nawˬ neh mehˬ nehˬ tsoˆ nehˬ laꞈ-euˬ dawˬ-ahˇ, ngaˇ saˇ jaˇ ziꞈ-awˇ caw teh ma.

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Dawqdaq 10:28

Yaw tsaˬ yaw dawˇ deuˬ noeˬ tmˬ-eu laˬ kʼaˬ cehˇ-eu jeˬ keuˆ le-awˇ, haiˬ-eu tsawˇ haˬ noeˬ tmˬ-eu jeˬ yawꞈ ngehꞈ meh.

Dawqdaq 11:24

Tsawˇ haˬ tiˬ gʼaˬ na, tsawˇ tsiˇ maˬ tsiˇ ni gamꞈ nehˬ kʼawꞈ, smˇ muiˬ paˇ muiˬ dzehˬ laˇ-eu meh. Tiˬ gʼaˬ na tsawˇ tsiˇ tsiˇ-awˇ laꞈ tuˆ tsiˇ kʼawꞈ, iˇ shaˬ shaˬ le-eu meh.

Dawqdaq 11:7

Haiˬ-eu tsawˇ haˬ shiˇ ngeh, aˬ yawꞈ neh noeˬ tmˬ-euˬ jeˬ guiˇ byoˆ jiˇ-eu meh. Pyuˇ shuiˇ myawˬ gahˬ-ahˇ nui ma huiˬ-eu jeˬ, aˇ saˬ saˬ laˇ ngeh yawꞈ ngehꞈ meh.

Dawqdaq 12:5

Yaw tsaˬ yaw dawˇ tsawˇ haˬ nui ma dawˇ-awˇ, haiˬ-eu tsawˇ haˬ-euˬ mehˬ bawˬ nui gʼoꞈ ahˇ-eu meh.

Dawqdaq 13:2

Dawˬ muiˬ tsawˇ muiˬ-ahˇ mˇ cu-awˇ, tsawˇ doeˇ nui kʼahˇ yaw cawˆ jeˬ tehꞈ meh.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Yeˬlaˬmiˇ 17:16

Ehˇ kʼawꞈ ni Sahˬpaˬ Miˬyehˇ-oˇ, aˬ yawꞈ maꞈ kʼoeˇ taˆ shaˬ zahˬ bi keuˆ le-awˬ lehˇ nawˬ-ahˇ ngaˇ maˬ shaˇ-aˬ. Aˬ yawꞈ maꞈ-ahˇ shaˬ zahˬ laˆ naꞈ nehˬ mawꞈ-eu nui ma ngaˬ-euˬ laꞈ kʼoeˇ maˬ ahˇ-eu nawˇ siˬ nya meh. Ngaˬ neh kʼaˇ ngehˬ kʼaˇ tmˇ-euˬ jeˬ dawˬ tawˆ luꞈ nawˇ siˬ nya jiˇ meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.