Dawqdaq 11:20 - Akha

²⁰ Nui ma maˬ shawˇ-eu deuˬ-ahˇ Sahˬpaˬ Miˬyehˇ nui daˆ daˆ-awˇ, shawˇ jehˆ ni dehꞈ-eu deuˬ-ahˇ aˬ yawꞈ nui kʼahˇ shiˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nuima birpyawv-aer ghae-eu tsawrhaq deuq-anr, Ya’we Miqyaer nuidav dav-eu mae. Aerkhawf, Miqyaer, aerkhar maqza-eu tsawrhaq, Yawqha-euq garma-anr can-eu gar, nuikhanr shir-eu mae.

Dawqdaq 11:20 ပူးပေါင်းရင်းမြစ်များ

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Jaceuq 101:4

Maˬ sui maˬ dawˇ-eu jeˬ-ahˇ ngaˇ gaˇ jaw jaw-awˇ, yaw haiˬ jeˬ-ahˇ ngaˇ myaˆ maˬ haw cawˬ.

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 140:13

Yaw tsaˬ yaw dawˇ tsawˇ haˬ deuˬ nawˬ-ahˇ aˬ diˇ ja ceuˬ-awˇ, nawˬ-euˬ mehˬ shi aˬ yawꞈ maꞈ ya dehꞈ tehꞈ-a.

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Dawqdaq 12:22

Jaˬ myawꞈ myawꞈ-eu mehˬ laˇ-ahˇ Sahˬpaˬ Miˬyehˇ nui daˆ daˆ-awˇ, saˇ jaˇ ziꞈ-eu deuˬ-ahˇ aˬ yawꞈ nui kʼahˇ shiˇ meh.

Dawqdaq 13:6

Muiˬ-eu jaˬ-eu tsawˇ haˬ yaw tsaˬ yaw dawˇ jeˬ neh bi ciˬ tuˇ-awˇ, haiˬ-eu tsawˇ haˬ iˬ baˇ neh bi nawˬ lah-eu meh.

Dawqdaq 14:9

Aˬ dzawˬ aˇ gah iˬ baˇ-ahˇ maˬ yahˇ-ehˇ, yaw sui yaw dawˇ deuˬ iˬ baˇ-ahˇ yahˇ pawˇ-eu meh.

Dawqdaq 15:26

Yaw haiˬ deuˬ-euˬ nui noeˬ-ahˇ Sahˬpaˬ Miˬyehˇ nui daˆ daˆ-awˇ, yaw sui yaw dawˇ deuˬ-euˬ dawˬ aˬ yawꞈ-ahˇ laˬ kʼaˬ bi cehˇ-eu meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 16:17

Tsawˇ muiˬ-euˬ gaˇ jawˬ yaw haiˬ-ahˇ gaˇ jaw jaw-awˇ, yawˬ ha gaˇ ma yawˬ ha yahˇ-awˇ cah naˇ, yawˬ ha-euˬ saꞈ laˇ-ahˇ haw piˇ gaˇ duˇ-eu meh.

Dawqdaq 21:29

Yaw tsaˬ yaw dawˇ deuˬ ziꞈ dah ni gʼeh-awˇ, yaw haiˬ deuˬ aˬ cawˬ jah laˇ ni ya jahˇ gʼeh-eu meh.

Dawqdaq 3:32

Yawˬ haiˬ jeˬ mˇ-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, Yaw tsaˬ yaw dawˇ tsawˇ haˬ-ahˇ aˬ yawꞈ jah coeˇ-eu meh.

Dawqdaq 6:14

nui ma laꞈ gʼoꞈ-ahˇ yaw haiˬ jeˬ shaˇ sawˇ luꞈ-awˇ, iˬ dehˬ iˬ ceh poˆ-eu maˬ naˬ leˇ-a.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Dawqdaq 9:7

Kʼahˬ sehˇ jehˆ-eu tsawˇ haˬ-ahˇ dzaw paˇ-eu gʼaˬ, dawˬ doeˇ ya daˬ-awˇ, aˬ dzawˬ aˇ gah-ahˇ mehˬ paˇ-eu gʼaˬ, laˆ tahˬ laˆ naˇ laˇ gaˇ ya daˬ tehꞈ-a.