Dawqdaq 11:17 - Akha

¹⁷ Gʼawˬ shaˬ gaˬ nya-eu tsawˇ haˬ-aˬ, yawˬ ha-ahˇ muiˬ laˇ duˬ jaˆ-awˇ, gʼawˬ shaˬ maˬ gaˬ nya-eu tsawˇ haˬ-aˬ, yawˬ ha-ahˇ coeˬ laˇ duˬ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Ghawqshaq gaqnya-eu tsawrhaq-aq, Yawqha-euq nuima saflar-anr muiq-eu jeq mr-eu mae. Aerkhawf, ghawqshaq maq gaqnya-eu tsawrhaq-aq, Yawqha-euq shiqshaq-anr coeq-eu jeq mr-eu mae.

Dawqdaq 11:17 ပူးပေါင်းရင်းမြစ်များ

Yawˇbaˆ 20:16

Haiˬ-eu tsawˇ haˬ deuˬ neh kʼaˇ myoꞈ ahˇ-euˬ jeˬ doꞈ-ahˇ duˇ-awˇ, doꞈ kʼaˆ dui dui-eu aˇ lawˇ neh bi toˆ-euˬ loꞈ-ehˇ aˬ yawꞈ-ahˇ laˆ sehꞈ-eu meh.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawqdaq 22:9

Tsawˇ tsiˇ maˬ tsiˇ ni shaˬ zaˬ zahˬ zaˬ-ahˇ bi dzaˬ bi dawˇ-awˬ. Nawˇ guiˬ lahˬ za tehꞈ-a.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Maꞈtehˬ 5:7

“Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Luˇkaꞈ 6:38

Aˬ cawˬ-ahˇ biꞈ-awˬ. Naw maꞈ aˬ cawˬ-ahˇ biꞈ naˇ, Miˬyehˇ naw maꞈ-ahˇ biˬ laꞈ tehꞈ-a. Miˬyehˇ naw maꞈ-ahˇ biꞈ nehˬ laꞈ ngeh, byah dui dui-eu cehˇ pehˬ-ahˇ neh pehˬ-awˇ, dehˬ teuˇ zuˆ teuˇ-eu uˬ taꞈ, pu cu cu ni tawˆ ahˇ-awˇ, naw maꞈ-euˬ pehˇ kʼahˬ pehˇ dahˬ-ahˇ shehˆ ahˇ nehˬ laꞈ tehꞈ-a. Naw maꞈ neh aˬ cawˬ-ahˇ kʼaˇ biꞈ nehˬ-euˬ myaˆ ni, Miˬyehˇ naw maꞈ-ahˇ biꞈ nehˬ laꞈ tehꞈ-a.”

Piˇliˇpiˆ 4:17

Ngaˇ pyuˇ daˬ za gaˇ tehꞈ-ehˇ shaˇ noeˬ-eu maˬ ngeuˇ. Naw maꞈ-euˬ jeˬ ma-ahˇ jiˇ jeuˬ ahˇ dzehˬ laˇ ni kʼawꞈ shaˇ noeˬ-eu ma.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.