Dawqdaq 11:13 - Akha

¹³ Mehˬ boeˬ myaˬ-eu tsawˇ haˬ zaꞈ taˬ-euˬ jeˬ ja doˆ-awˇ, jah coeˇ-eu tsawˇ haˬ maˬ ja paˬ-ehˇ gʼeh-eu jeˬ zaꞈ taˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Maeqboeq myaq-eu tsawrhaq-aq, Zaftaq-euq jeq jaja-aer can-eu mae. Aerkhawf, sarjax zif-eu tsawrhaq-aq, Maq japaq-aer ghae-eu jeq zaftaq nya-eu mae.

Dawqdaq 11:13 ပူးပေါင်းရင်းမြစ်များ

Dawqdaq 10:19

Dawˬ ja myaˬ gaˇ, iˬ baˇ doˆ laˇ-awˇ, dawˬ tmˇ cuiˆ-eu tsawˇ haˬ yaw gahˇ meh.

Dawqdaq 11:12

Aˬ cawˬ-ahˇ ja bu ja doeˇ-eu tsawˇ haˬ gaˇ dahˇ maˬ tsoeˬ-a. Tsawˇ gahˇ ahˇ-eu tsawˇ haˬ ciˬ cuˇ ni jawˇ-eu meh.

Dawqdaq 12:23

Yaw gahˇ deuˬ tsawˇ gahˇ ciˬ zaꞈ-awˇ, dawˇ ga deuˬ lawˇ behˇ baꞈ doˆ-eu meh.

Dawqdaq 14:5

Saˇ jaˇ jawˇ-eu tsawˇ kaˬ jaˬ myawꞈ maˬ myawꞈ-a. Saˇ jaˇ maˬ jawˇ-eu tsawˇ kaˬ saꞈ gʼawˇ gaˇ jaˬ myawꞈ ahˇ-eu meh.

Dawqdaq 19:11

Nui ma-ahˇ noeˬ-eu tsawˇ haˬ nui pehˇ laꞈ nyiˇ maˬ bi mawˇ-ehˇ, iˬ dehˬ iˬ ceh oˇ dzeuˇ-eu jeˬ, aˬ yawꞈ-euˬ kʼahˬ sehˇ meh.

Dawqdaq 20:19

Duˬ peuˬ ngawˬ naˇ aˇ lawˇ doˆ-eu miˇ neh, dawˬ ja myaˬ-eu tsawˇ haˬ-ahˇ yahˇ-awˬ.

Dawqdaq 25:9

Nawˬ-euˬ dawˬ peh jawˇ-eu tsawˇ haˬ nehˬ-ehˇ noeˬ beu duˬ jaˆ laˇ naˇ, aˬ cawˬ-ahˇ maˬ siˬ leˇ mi naˆ-ehˇ ciˬ cuˇ ni laˆ tsaˬ geuꞈ-awˬ.

Yeˬlaˬmiˇ 38:27

Kʼoeˇ naˇ, yaw huiˬ yaw mahˇ dawˬ tawˆ luꞈ ngaˬ-ahˇ naˇ haˬ laˇ-awˇ, sahˬ paˬ neh kʼaˇ ehˇ nehˬ laꞈ-euˬ loꞈ-ehˇ ngaˇ ehˇ kʼoꞈ nehˬ-euˬ ma. Sahˬ paˬ nga nyaꞈ dawˬ ngehˬ cawˬ-euˬ gaˇ, tsawˇ haˬ tiˬ gʼaˬ-iˬ maˬ ya gaˬ-euˬ miˇ neh, aˬ yawꞈ maꞈ tiˬ jeˬ-iˬ maˬ ehˇ nya-a.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.

1 Tiˆmoˇseˬ 5:13

Tiˬ nymˇ saˇ-iˬ tiˬ nymˇ cah cah-ehˇ aˇ yamˬ gʼa jiˇ-eu jeˬ aˬ yawꞈ maꞈ mˇ nya laˇ-eu meh. Kʼoeˇ naˆ maˬ tseˇ doeˇ-eu jeˬ pyeuꞈ-eu, aˬ cawˬ gaˇ kawˆ maˬ ja paˬ-ehˇ gʼeh-eu jeˬ-ahˇ keuˆ ni ja ja-ehˇ cah-eu jeˬ-ahˇ mˇ nya laˇ-eu meh.

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Yawˇshuˆ 2:20

Ehˇ kʼawꞈ, nga nyaꞈ neh mˇ yaꞈ-euˬ gaˇ kawˆ heu tsawˇ haˬ tiˬ gʼaˬ na-ahˇ nawˇ ehˇ nehˬ naˇ, nawˬ neh nga nyaꞈ-ahˇ bi dzaˬ laꞈ-euˬ saˇ jaˇ-ahˇ nga maꞈ maˬ ziꞈ.”