Dawqdaq 11:11 - Akha

¹¹ Yaw sui yaw dawˇ deuˬ dawˬ ngehˬ gʼeh nehˬ ngeh, meuˬ meuˬ lah-ehˇ poeˬ dui dui leˇ-eu meh. Ehˇ kʼawꞈ, haiˬ-eu tsawˇ haˬ-euˬ kʼaˬ meh baˬ da neh, meuˬ kʼoeˇ meuˬ cawˆ-iˇ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Dawrcoeni ghae-eu tsawrhaq-euq guiqlanq-euq baqda’nae, Meuq meuqlan-aer ciqpoeq-eu jeq za-eu mae. Aerkhawf, tsawrcawv-euq khaqmae-euq baqda’nae, Meuq khoermeuq yabyav-ir-eu mae.

Dawqdaq 11:11 ပူးပေါင်းရင်းမြစ်များ

Aˇ dahˬ 45:8

Teu baˬ da neh, ngaˬ-ahˇ heu gaˇ bi oe-euˬ gʼaˬ-aˬ, naw maꞈ maˬ ngeuˇ-a. Miˬyehˇ meh. Sahˬ paˬ-euˬ gaˇ mˇ-eu yaw huiˬ yaw mahˇ deuˬ kʼoeˇ taˆ, Miˬyehˇ neh ngaˬ-ahˇ aˬ cawˬ naˆ maˬ tseˇ huiˬ dzehˬ-eu gʼaˬ bi geuꞈ laꞈ-euˬ meh. Ngaˇ-aˬ, miˇ kʼahˬ heu kʼahˬ kʼahˬ lah ni-ahˇ ya haw ya pyaˆ-awˇ, Iˇjiˇtuˆ miˇ kʼahˬ-ahˇ ya uˆ lahˇ-eu gʼaˬ pyeuꞈ-eu ma.

2 Saˬmeuˬlaˆ 20:1

Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

Yawˇbaˆ 22:30

Nawˇ iˬ baˇ maˬ mˇ ni yaw tsaˬ yaw dawˇ jeˬ mˇ naˇ, aˬ yawꞈ nawˬ-ahˇ ka kʼoꞈ tehꞈ-a.”

Dawqdaq 11:10

Yaw tsaˬ yaw dawˇ tsawˇ haˬ guiˬ lahˬ za ngeh, meuˬ meuˬ lah-ehˇ laˬ kʼaˬ cehˇ-awˇ, haiˬ-eu tsawˇ haˬ deuˬ shiˇ ngeh, laˬ kʼaˬ cehˇ-awˇ guˇ-eu meh.

Dawqdaq 11:12

Aˬ cawˬ-ahˇ ja bu ja doeˇ-eu tsawˇ haˬ gaˇ dahˇ maˬ tsoeˬ-a. Tsawˇ gahˇ ahˇ-eu tsawˇ haˬ ciˬ cuˇ ni jawˇ-eu meh.

Dawqdaq 14:34

Tsawˇ jeuˬ bi huiˬ bi mahˇ laˇ-eu zaˬ siˬ tsawˇ gahˇ pyeuꞈ-awˇ, tsawˇ jeuˬ byoˆ le ni mˇ-eu gʼaˬ iˬ baˇ meh.

Dawqdaq 28:2

Miˇ kʼahˬ zaˬ deuˬ iˬ baˇ mˇ myaˬ-eu miˇ kʼahˬ-aˬ, tiˬ kʼehˬ maˬ taˬ ni dzoeˬ dzaˬ paˇ laˇ-eu meh. Ehˇ kʼawꞈ, nui ma-ahˇ noeˬ-awˇ, zaˬ siˬ tsawˇ gahˇ byah-eu deuˬ dzoeˬ dzaˬ-eu miˇ kʼahˬ-aˬ, nui ma gm-awˇ ziꞈ dah ni jaˆ-eu meh.

Dawqdaq 29:8

Aˬ cawˬ gʼaˇ duˬ maˬ shaˇ noeˬ-eu tsawˇ haˬ, meuˬ meuˬ lah-ehˇ laˆ shaˬ nya-awˇ, zaˬ siˬ tsawˇ gahˇ ahˇ-eu tsawˇ haˬ iˬ dehˬ iˬ ceh laˆ byoˆ nya-eu meh.

Dawˬ tsoˆ 9:15

Meuˬ kʼoeˇ meuˬ laꞈ kʼoeˇ iˇ shaˬ shaˬ dui dui-eu tsawˇ gahˇ ahˇ-eu tsawˇ haˬ tiˬ gʼaˬ jawˇ-awˇ, aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ meuˬ kʼoeˇ meuˬ-ahˇ ka kʼoꞈ-euˬ meh. Ehˇ kʼawꞈ, tsawˇ haˬ kʼoeˇ gʼaˬ-euˬ guiˬ lahˬ-ahˇ tiˬ gʼaˬ-iˬ maˬ noeˬ keuˆ-a.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.