Dawqdaq 10:6 - Akha

⁶ Yaw tsaˬ yaw dawˇ tsawˇ haˬ-euˬ uˬ duˬ-ahˇ guiˬ lahˬ keuˆ-awˇ, maˬ tsaˬ ma dawˇ-eu tsawˇ haˬ-euˬ kʼaˬ meh-ahˇ, yaw haiˬ jeˬ myuˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsaq-awr dawr-eu tsawrhaq-euq uqduq-euq khoertav guiqlanq keuv-eu mae. Aerkhawf, tsawrcawv-euq khaqmae-anr-aq, Coeqler deuqler-eu jeq mymrluf-eu mae.

Dawqdaq 10:6 ပူးပေါင်းရင်းမြစ်များ

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Yawˇbaˆ 29:13

Noeˬ dui noeˬ duiˇ-euˬ tsawˇ haˬ deuˬ ngaˬ-ahˇ ya ja ceuˬ-awˇ, miˬ coeˬ miˬ ma deuˬ nui saˇ oꞈ ni ngaˇ caw ba nehˬ-euˬ ma.

Jaceuq 107:42

Yaw tsaˬ yaw dawˇ tsawˇ haˬ deuˬ kʼoeˇ gaˇ mawˇ ngeh laˬ kʼaˬ cehˇ kʼawꞈ, maˬ tsaˬ maˬ dawˇ-eu deuˬ ciˬ cuˇ ni jawˇ-eu meh.

Dawqdaq 10:11

Yaw tsaˬ yaw dawˇ tsawˇ haˬ-euˬ dawˬ, dehꞈ-eu saꞈ laˇ lawˇ gawˆ pyeuꞈ-awˇ, maˬ tsaˬ maˬ dawˇ-eu tsawˇ haˬ-euˬ dawˬ laꞈ kʼoeˇ, yaw haiˬ jeˬ toeˆ ahˇ taˬ-euˬ meh.

Dawqdaq 10:5

Yaw naꞈ-ehˇ cehˇ laˆ luiˆ-eu gʼaˬ dehꞈ dzaˬ-awˇ, cehˇ laˆ luiˆ yamˬ-ahˇ yuꞈ-eu gʼaˬ daˬ ga-eu meh.

Dawqdaq 11:26

Cehˇ poeˬ kʼaˆ laˇ gaˇ dawˬ-awˇ cehˇ maˬ ahˬ-eu gʼaˬ-ahˇ aˬ cawˬ yaˬ kʼehˇ yaˬ-awˇ, cehˇ ahˬ nehˬ-eu gʼaˬ-ahˇ aˬ cawˬ ja ceuˬ-eu meh.

Dawqdaq 24:25

Ehˇ kʼawꞈ, mˇ bahˬ-euˬ tsawˇ haˬ-ahˇ oꞈ-eu geuˇ-eu loꞈ-ehˇ kʼehˬ nehˬ-eu yaˇ kʼaˬ daˇ-eu gʼaˬ guiˬ lahˬ huiˬ-awˇ, aˬ cawˬ yaw zeu baw tehꞈ-a.

Dawqdaq 28:20

Yaw sui yaw dawˇ tsawˇ haˬ ya dzaˬ ya dawˇ dehˆ-awˇ, nui saˇ oꞈ gaˇ ya dehꞈ keuˆ tehꞈ-a. Ehˇ kʼawꞈ, tiˬ kʼehˇ kʼehˬ tehꞈ-ehˇ smˇ muiˬ muiˬ laˇ-eu jeˬ-ahˇ poˆ-eu tsawˇ haˬ shaˬ zahˬ maˬ dehꞈ dzeuˇ nya-a.

Dawqdaq 3:33

Haiˬ-eu tsawˇ haˬ deuˬ-euˬ nymˇ jiˇ-ahˇ Sahˬpaˬ Miˬyehˇ yaˬ kʼehˇ yaˬ-awˇ, yaw tsaˬ yaw dawˇ tsawˇ haˬ deuˬ-euˬ nymˇ jiˇ-ahˇ aˬ yawꞈ guiˬ lahˬ biꞈ-eu meh.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Dawˬmehˬ 28:2

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ naˇ haˬ geuꞈ naˇ, guiˬ lahˬ heu deuˬ dawˬ tawˆ luꞈ nawˇ za tehꞈ-a.