Dawqdaq 10:29 - Akha

²⁹ Yaw sui yaw dawˇ deuˬ-ahˇ Sahˬpaˬ Miˬyehˇ haw piˇ-awˇ, yaw haiˬ jeˬ mˇ-eu deuˬ-ahˇ aˬ yawꞈ laˆ cawˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Ya’we Miqyaer-euq garma-aq, Dawrcoeni ghae-eu tsawrhaq deuq-euq gharduq ghaq pyeuf-awr, Yawlaeq yawca jeq mr-eu deuq-anr, lavcawv-eu jeq pyeuf-eu mae.

Dawqdaq 10:29 ပူးပေါင်းရင်းမြစ်များ

Yawˇbaˆ 31:3

Mˇ lehˬ shaˇ lehˬ-euˬ tsawˇ haˬ deuˬ kʼoeˇ taˆ, luˬ-iˇ seˇ-iˇ-eu jeˬ aˬ yawꞈ bi keuˆ le-euˬ meh.

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 36:12

Haiˬ-eu deuˬ coˬ-iˇ gaˇ haw sheˇ. Aˬyawꞈmaꞈ maˬtuˇlaˇcoeˇ-ehˇ, miˇtsa coˬdzeh-awˇ ga luꞈ meh.

Jaceuq 37:20

Ehˇkʼawꞈ haiˬ-eu deuˬya shiˇmeh. SahˬpaˬMiˬyehˇ-ahˇmuiˇ-eu deuˬ, aˇyehˆloꞈ-ehˇya juˬ-iˇ-awˇ, uˬkʼoeˬloꞈ-ehˇya byoˆ-iˇmeh.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Jaceuq 92:7

Haiˬ-eu tsawˇ haˬ deuˬ yaˇ moꞈ mehˇ laˇ gaˇ duˇ-awˇ, maˬ tsaˬ maˬ dawˇ-eu tsawˇ haˬ deuˬ baw le za le kʼawꞈ, dawˬ tawˆ luꞈ ya luˬ ya seˇ-iˇ jiˇ tehꞈ-a.

Dawqdaq 11:7

Haiˬ-eu tsawˇ haˬ shiˇ ngeh, aˬ yawꞈ neh noeˬ tmˬ-euˬ jeˬ guiˇ byoˆ jiˇ-eu meh. Pyuˇ shuiˇ myawˬ gahˬ-ahˇ nui ma huiˬ-eu jeˬ, aˇ saˬ saˬ laˇ ngeh yawꞈ ngehꞈ meh.

Dawqdaq 13:6

Muiˬ-eu jaˬ-eu tsawˇ haˬ yaw tsaˬ yaw dawˇ jeˬ neh bi ciˬ tuˇ-awˇ, haiˬ-eu tsawˇ haˬ iˬ baˇ neh bi nawˬ lah-eu meh.

Dawqdaq 21:15

Dawˇ coe ni yaˇ kʼaˬ daˇ ngeh, tsawˇ muiˬ laˬ kʼaˬ cehˇ-awˇ, tsawˇ doeˇ nui ma suˬ saˬ-eu meh.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.