Dawqdaq 10:25 - Akha

²⁵ Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Jaqlaer laerzeuv yawkawr-aer bawbyov ghae-eu lof-aer, Tsawrcawv deuq maqpar dzaeqlar-ar. Aerkhawf, tsaq-awr dawr-eu tsawrhaq-aq, Li-eu maqbawni dawqpaeq zif taef-a.

Dawqdaq 10:25 ပူးပေါင်းရင်းမြစ်များ

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Yawˇbaˆ 20:8

Yuꞈ maˆ maˆ-eu hawˇ-eu uˬ ciꞈ paw yaw sahˇ laꞈ kʼoeˇ ya mawˇ-eu loꞈ-ehˇ, aˬ yawꞈ byoˆ kʼaꞈ-iˇ-awˇ, tiˬ jawˇ-iˬ maˬ paˇ ya mawˇ meh.

Yawˇbaˆ 21:18

jaˬ lehˇ neh bi hehˇ dzaˬ gʼeh-euˬ gʼo yoeˬ loꞈ-ehˇ bi baw byoˆ gʼeh-awˇ, jaˬ lehˇ lehˇ ma neh bi baw ha gʼeh-euˬ kʼaˬ lehˇ loꞈ-ehˇ jahˇ nehˬ-euˬ jaˆ ta loˇ.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 15:5

aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Jaceuq 58:10

Haiˬ-eu tsawˇ haˬ deuˬ-ahˇ kʼehˬ nehˬ kʼaˆ nehˬ gaˇ ya mawˇ ngeh, yaw tsaˬ yaw dawˇ tsawˇ haˬ laˬ kʼaˬ cehˇ-awˇ, haiˬ-eu tsawˇ haˬ deuˬ-euˬ shiˬ laꞈ kʼoeˇ, aˬ kuiˇ tsawˬ puꞈ-awˇ cah tehꞈ-a.

Jaceuq 58:9

Aˬ yawꞈ maꞈ-ahˇ maˬ siˬ leˇ mi naˆ-ehˇ, yaˇ moꞈ loꞈ-ehˇ bi myaˬ dzeh jiˇ tehꞈ-a. Miˬyehˇ nui ma pehˇ-eu laꞈ kʼoeˇ, aˬ yawꞈ maꞈ yaw dehꞈ-ehˇ jawˇ gaˇ myaˬ dzeh nehˬ tehꞈ-a.

Dawqdaq 1:27

Shaˬ zahˬ jaˬ lehˇ lehˇ ma oe-awˇ, guˆ-eu gaˆ-eu jaˬ lehˇ lehˇ zeuˆ keuˆ le ngeh, naw maꞈ laˇ baˇ-iˇ tehꞈ-a.

Dawqdaq 10:30

Yaw tsaˬ yaw dawˇ deuˬ ziꞈ dah ni ya jawˇ kʼawꞈ, yaw haiˬ deuˬ jawˇ duˬ dah kʼaˇ maˬ za-a.

Dawqdaq 12:3

Yaw haiˬ jeˬ mˇ-awˇ nymˇ dahˬ maˬ laˆ ziꞈ nya-a. Ehˇ kʼawꞈ, yaw tsaˬ yaw dawˇ deuˬ-euˬ dawˬ pehˬ duˬ puˇ, ziꞈ dah ni jaˆ-eu meh.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

1 Tiˆmoˇseˬ 6:19

Kʼoeˇ loꞈ-ehˇ mˇ-eu kʼoeˇ-aˬ, aˬ kaˇ kaˇ ziˇ gʼaˇ duˬ ziꞈ dah ni gʼeh-eu pyuˇ shuiˇ myawˬ gahˬ jeˬ hmˬ taˬ gaˇ duˇ-awˇ, maˇ maˇ ni gʼeh-eu dehꞈ-eu jeˬ-ahˇ aˬ yawꞈ maꞈ za tehꞈ-a.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.