Dawqdaq 10:22 - Akha

²² Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Ya’we Miqyaer-euq guiqlanq-euq baqda’nae smrmuiq muiqlar ngae, Aqyawf, nuima cawv paq-aer ghae-eu jeq maq lanqnaeq-a.

Dawqdaq 10:22 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 13:2

Aˬbyaˬ-aˬ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, myaˬ dui dui-awˇ, pyuˇ shuiˇ jaˆ dui dui-eu smˇ muiˬ aˬ da tiˬ gʼaˬ pyeuꞈ-eu meh.

Aˇ dahˬ 14:23

‘Aˬbyaˬ-ahˇ ngaˬ neh smˇ muiˬ laˆ muiˬ nehˬ-euˬ ma’ lehˇ aˬ kaˇ tiˬ nah nawˇ maˬ ya ehˇ-eu gʼaˇ duˬ, saˬ kahˇ saˬ lah tiˬ lah-ahˇ neh sehˬ nawˆ aˇ caˆ tiˬ caˆ-ahˇ keuˆ ni, nawˬ-euˬ mˇ myawˬ tiˬ jeˬ-iˬ ngaˇ maˬ yuˇ.

Aˇ dahˬ 24:35

Sahˬpaˬ Miˬyehˇ-aˬ, ngaˬ-euˬ baw leˬ-ahˇ guiˬ lahˬ yaw kʼaˆ-ehˇ biꞈ-awˇ, smˇ muiˬ muiˬ dui dui-eu tsawˇ haˬ bi pyeuꞈ laˇ-euˬ meh. Myaˬ dui dui-eu yawˇ yawˇ maꞈ, ciˬ myehꞈ ciꞈ maꞈ hawˇ-eu, mawˇ neˇ mawˇ maꞈ deuˬ maˬ ehˇ, pyuˇ deuˬ shuiˇ deuˬ maˬ ehˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kʼaˆ deuˬ maˬ ehˇ, law taw hawˇ-eu mahˬ tahˬ laˆ deuˬ maˬ ehˇ, ngaˬ-euˬ baw leˬ-ahˇ aˬ yawꞈ biꞈ-euˬ meh.

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 26:13

Tiˬ kʼoꞈ taꞈ-ehˇ tiˬ kʼoꞈ aˬ yawꞈ mˇ za shaˇ za-awˇ, smˇ muiˬ muiˬ dui dui laˇ-euˬ meh.

1 Sahˬpaˬ 21:19

Sahˬpaˬ Miˬyehˇ pyeuꞈ-eu ngaˇ aˬ yawꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw sahˇ gʼaˬ-ahˇ sehꞈ-euˬ uˬ taꞈ, aˬ gaꞈ yaˇ kmˇ kʼawꞈ nawˇ paˇ tsaˬ geuꞈ-eu lehˇ gʼeh te loˇ’ lehˇ ngaˇ ehˇ-eu meh lehˇ ehˇ nehˬ-awˬ. ‘Naˬboˆ-euˬ shiˬ-ahˇ aˬ kuiˬ myeuꞈ-euˬ tsahˇ-ahˇ, nawˬ-euˬ shiˬ-ahˇ kʼawꞈ aˬ kuiˬ myeuꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

2 Laˬsaˬbaˬ 25:9

Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ Aˬmaˬziˇ ehˇ nehˬ-eu, “Toˆ-ehˇ ngeuˇ naˇ ngaˬ neh aˬ yawꞈ maꞈ gʼaˇ duˬ biꞈ taˬ-euˬ pyuˇ kʼoeˇ deuˬ aˬ joˆ-ehˇ jahˇ nmˇ.” Miˬyehˇ gʼaˇ duˬ ngehˬ dah-eu kʼoeˇ gʼaˬ ehˇ-eu, “Kʼoeˇ myaˆ maˬ tseˇ Sahˬpaˬ Miˬyehˇ nawˬ-ahˇ biꞈ kʼoꞈ nehˬ laꞈ nya tehꞈ-a.”

2 Laˬsaˬbaˬ 32:27

Sahˬ paˬ Heˬsaˬgiˇ smˇ muiˬ muiˬ dui dui laˇ-awˇ, tsawˇ haˬ yawˬ gʼaˬ na luꞈ aˬ yawꞈ-ahˇ taˬ huiˬ taˬ mahˇ-euˬ meh. Aˬ yawꞈ-euˬ shuiˇ deuˬ pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, yaw saw gʼawˬ mya jeˬ hawˇ-eu aˇ poeˬ kʼaˆ-eu mˇ myawˬ deuˬ bi jaˆ-eu gʼaˇ duˬ, myawˬ gahˬ taˬ-eu nymˇ deuˬ aˬ yawꞈ tsoˆ-euˬ meh.

2 Laˬsaˬbaˬ 32:29

Kʼoeˇ uˬ taꞈ, yawˇ deuˬ, mawˇ neˇ deuˬ hawˇ-eu pyuˇ shuiˇ myawˬ gahˬ gʼawˬ mya ni Miˬyehˇ neh aˬ yawꞈ-ahˇ paˇ biꞈ-euˬ miˇ neh, meuˬ gʼawˬ mya meuˬ aˬ yawꞈ tsoˆ-euˬ meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Jaceuq 37:22

SahˬpaˬMiˬyehˇgʼawˬshaˬgaˬ-awˇ, guiˬlahˬbiꞈ-euˬtsawˇhaˬdeuˬ-aˬ, miˇkʼahˬza-awˇya dehꞈtehꞈ-a. SahˬpaˬMiˬyehˇmaˬhaw nahˇ-ehˇ, yaˬkʼehˇyaˬnehˬ-euˬtsawˇhaˬ-aˬ, teh dzeh nehˬgaˇya daˬtehꞈ-a.

Dawqdaq 14:24

Zaˬ siˬ tsawˇ gahˇ ahˇ-eu deuˬ shuiˇ uˬ kʼoˆ za-awˇ, aˬ dzawˬ aˇ gah-euˬ shaˬ bymˇ yaw lehˬ yaw ca tehꞈ meh.

Dawqdaq 20:21

Yaw awˬ yaw yaˇ-ehˇ za-euˬ jeˬ biˇ, tsawˇ haˬ-ahˇ guiˬ lahˬ maˬ biꞈ-a.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Dawqdaq 8:21

ngaˬ-ahˇ gaˬ-eu deuˬ-ahˇ smˇ muiˬ bi muiˬ laˇ-awˇ, aˬ yawꞈ maꞈ-euˬ nymˇ-ahˇ pyuˇ shuiˇ myawˬ gahˬ bi byah laˇ-eu ma.

Daˬyeˬlaˇ 1:15

Aˇ nah byah laˇ ngeh jawˇ, sahˬ paˬ-euˬ hawˇ nymˇ-ahˇ dzaˬ-eu dzaˇ deuˬ-ahˇ dzaˬ-euˬ zaˬ guˬ deuˬ naˆ maˬ tseˇ, aˬ yawꞈ maꞈ shiˬ shaˬ muiˬ dzehˬ gaˇ ya mawˇ-euˬ meh.

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”

Dawˬmehˬ 26:10

Kʼoeˇ miˇ neh, Sahˬpaˬ Miˬyehˇ neh ngaˬ-ahˇ biꞈ laꞈ-euˬ dzaˬ la gʼo cehˇ hawˇ-eu aˇ siˬ aˇ lu deuˬ laꞈ kʼoeˇ, keuˆ beh beh le-euˬ deuˬ aˬ yawꞈ jawˇ gaˇ ngaˇ yuˇ laꞈ-euˬ ma’ lehˇ, nawˇ ya ehˇ meh. “Kʼoeˇ naˇ, Sahˬpaˬ Miˬyehˇ mehˬ shi kʼaˆ puˬ ciˬ taˬ-awˇ uˬ duˬ ya tahˬ meh.

Dawˬmehˬ 28:11

Nawˬ-ahˇ biꞈ -eu gʼaˇ duˬ, nawˬ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ deuˬ hawˇ-eu jeˬ zaˬ deuˬ-ahˇ, Sahˬpaˬ Miˬyehˇ bi myaˬ bi behˇ laˇ-awˇ, nawˬ-ahˇ dzaˬ la gʼo cehˇ bi za le tehꞈ-a.

Yawˇshuˆ 6:18

Ya laˆ luˬ ya laˆ seˇ nehˬ-eu mˇ myawˬ kʼoeˇ deuˬ tiˬ jeˬ-iˬ naw maꞈ maˬ ya yuˇ geuꞈ-a. Naw maꞈ yuˇ naˇ, shaˬ-eu zahˬ-eu jeˬ hawˇ-eu luˬ-iˇ seˇ-iˇ-eu jeˬ Iˇsaˬleˬlaˆ tsawˇ haˬ deuˬ-euˬ sehˬ gʼawˆ kʼoeˇ taˆ keuˆ le ni naw maꞈ jahˇ gaˇ duˇ-eu meh.