Dawqdaq 10:21 - Akha

²¹ Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tsaq-awr dawr-eu tsawrhaq-euq maeqluq-aq, Tsawrhaq ghawqmya ni-anr bi dzaqdaev-eu mae. Aerkhawf, aqdzawq argan-aq, zaqsiq tsawrganr maqanr-eu mirnae yashir-eu mae.

Dawqdaq 10:21 ပူးပေါင်းရင်းမြစ်များ

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Jaceuq 37:30

Tsawˇmuiˬtiˬgʼaˬ-euˬkʼaˬmeh-ahˇ, tsawˇgahˇahˇ-eu dawˬdoˆle-awˇ, mehˬlaˇneh kʼaˇngehˬ-euˬdawˬdeuˬ, tsaˬ-eu dawˇ-eu dawˬ pyeuꞈ-eu meh.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Dawqdaq 10:11

Yaw tsaˬ yaw dawˇ tsawˇ haˬ-euˬ dawˬ, dehꞈ-eu saꞈ laˇ lawˇ gawˆ pyeuꞈ-awˇ, maˬ tsaˬ maˬ dawˇ-eu tsawˇ haˬ-euˬ dawˬ laꞈ kʼoeˇ, yaw haiˬ jeˬ toeˆ ahˇ taˬ-euˬ meh.

Dawqdaq 12:18

Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Dawqdaq 15:4

Dawˬ muiˬ maˬ shiˇ jaˆ gʼaˬ. Dawˬ doeˇ shaˆ shiˇ mehˬ dzaˬ.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawqdaq 5:12

Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Dawqdaq 5:2

Kʼoeˇ loꞈ-ehˇ jahˇ naˇ, nawˇ yaw muiˬ yaw doeˇ tseˇ paˆ nya laˇ-awˇ, nawˬ neh ngehˬ-euˬ dawˬ zaˬ siˬ tsawˇ gahˇ ahˇ tehꞈ-a.

Dawqdaq 5:23

Yawˬ ha-euˬ nui ma-ahˇ maˬ gʼaˬ leˇ-eu miˇ neh, shiˇ gaˇ ya keuˆ-awˇ, aˬ dzawˬ aˇ gah-euˬ bahˬ toˆ-aˬ, lmˬ bymˇ-ahˇ iˇ-eu gaˇ ma meh.

Dawqdaq 6:32

Aˬ cawˬ aˬ ma-ahˇ bahˬ-eu tsawˇ haˬ, tiˬ gʼaˬ-iˬ gaˇ dahˇ maˬ tsoeˬ-ehˇ, Yawˬ haˇ yawˬ ha laˆ cawˆ-eu meh.

Dawˬ tsoˆ 12:11

Zaˬ siˬ tsawˇ gahˇ ahˇ-eu deuˬ neh daˬ taˬ yaꞈ-euˬ dawˬ daˬ deuˬ-aˬ, yawˇ deuˬ-ahˇ gaˇ ma sheuˬ mehˬ-eu yawˇ bo-eu gʼaˬ-euˬ daˇ cuiˇ-ahˇ duˇ-awˇ, kʼaˇ poˆ uiˬ taˬ-eu dawˬ daˬ deuˬ-aˬ, shmˇ sehˬ neh deh myahˬ taˬ-euˬ loꞈ-ehˇ ziꞈ-eu meh. Dawˬ kʼoeˇ deuˬ-aˬ, aˬ dui dawˬ tawˆ luꞈ-ahˇ bo-eu yaw sahˇ pyeuꞈ-eu, yawˇ bo-eu yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Iˇsaˬyaˇ 5:13

Ngaˬ-euˬ tsawˇ haˬ deuˬ maˬ noeˬ siˬ maˬ noeˬ mawˇ nya-eu miˇ neh, aˬ cawˬ tsawˇ jeuˬ neh bi nyehꞈ gʼeh tehꞈ-a. Aˬ yawꞈ maꞈ-euˬ aˬ yuiꞈ aˬ tsu deuˬ hawˬ dzahˬ sehꞈ-awˇ, zaˬ lahˇ deuˬ iˇ cuꞈ mehꞈ sehꞈ tehꞈ-a.

Yeˬlaˬmiˇ 15:16

Nawˇ ngaˬ-ahˇ dawˬ ngehˬ cawˬ le ngeh, yawˬ dawˬ na luꞈ ngaˇ naˇ haˬ-euˬ ma. Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ nawˬ-euˬ zaˬ pyeuꞈ-awˇ, nawˬ-euˬ dawˬ baˬ da neh ngaˬ-euˬ nui ma laꞈ kʼoeˇ laˬ kʼaˬ cehˇ-eu jeˬ byah-eu ma.

Yeˬlaˬmiˇ 3:15

Ngaˬ-euˬ ehˇ dawˬ naˇ haˬ-awˇ uˆ lahˇ-eu aˬ yuiꞈ aˬ tsu deuˬ, naw maꞈ-ahˇ ngaˇ biꞈ ma. Zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ tiˬ byah ni ahˇ-eu laꞈ kʼoeˇ, naw maꞈ kʼoeˇ taˆ aˬ yawꞈ maꞈ uˆ lahˇ tehꞈ-a.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.