Dawqdaq 10:18 - Akha

¹⁸ Bye-eu jeˬ yuˇ zaꞈ taˬ-euˬ tsawˇ haˬ jaˬ myawꞈ myawꞈ-awˇ, yaw doeˇ ja byah-eu tsawˇ haˬ aˬ dzawˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Byae-eu jeq zaftaq-euq tsawrhaq-euq maeqboeq-aq, jaqmyawf myawf-awr, Yawdoer jakhawq-eu tsawrhaq-aq, aqdzawq argan mae.

Dawqdaq 10:18 ပူးပေါင်းရင်းမြစ်များ

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Jaceuq 15:3

dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

Jaceuq 5:9

Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Jaceuq 50:20

Yawˬ ha mehˇ nmˇ tsi tsi ni gʼeh gaˇ dawˬ doeˇ ngehˬ-awˇ, yaw lehˬ jeˬ kʼeuꞈ doˆ nehˬ-eu meh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Doˆ-iˇ 23:1

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

Yeˬlaˬmiˇ 6:28

Guiˬ shuiˇ hawˇ-eu shmˇ byaˆ gʼahˇ-eu loꞈ-ehˇ, aˬ yawꞈ maꞈ nui ma gʼahˇ-awˇ ngaˬ-ahˇ puiˬ-euˬ meh. Aˬ yawꞈ maꞈ yaw lehˬ mˇ doe- awˇ maˬ muiˬ-eu jeˬ ja byah-eu meh.

Yeˬlaˬmiˇ 9:4

Mehˇ nmˇ kʼaˇ ngeuˇ-eu deuˬ Yaˬkoˆ loꞈ-ehˇ tsawˇ gahˇ gahˇ-awˇ, cawˬ kʼaˇ ngeuˇ-eu jaˬ myawꞈ mehˇ shuiˇ myaˬ-eu miˇ neh, yawˬ ha-euˬ cawˬ-ahˇ ya yahˇ-awˇ, mehˇ nmˇ yaw kaˬ maˬ jah coeˇ-a.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.