Dawqdaq 10:12 - Akha

¹² Bye-eu jeˬ iˬ dehˬ iˬ ceh bi doˆ laˇ-awˇ, gʼoeˇ-eu gaˬ-eu jeˬ yaw lehˬ dawˬ tawˆ luꞈ-ahˇ dehˬ kaˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Byae-eu jeq-aq, iqdaeq iqcae bi dovlar-eu mae. Aerkhawf, gaq-eu jeq-aq, yawbanq yawlaeq dawqtawv luf-anr daeqkaq-eu mae.

Dawqdaq 10:12 ပူးပေါင်းရင်းမြစ်များ

Dawqdaq 15:18

Nui ma yaw suˬ deuˬ iˬ dehˬ iˬ ceh laˆ doˆ-awˇ, nui ma yaw mahˇ deuˬ nui jaˆ laˆ byoˆ-eu meh.

Dawqdaq 16:27

Haiˬ-eu tsawˇ haˬ aˬ cawˬ-ahˇ mˇ coeˬ-eu toˆ-awˇ, aˬ yawꞈ maꞈ-euˬ dawˬ miˬ dzaˬ doꞈ-eu meh.

Dawqdaq 17:9

Yaw lehˬ jeˬ-ahˇ iˬ baˇ pyehˬ nya-eu tsawˇ haˬ, gʼoeˇ-eu tsawˇ haˬ bi myaˬ laˇ-awˇ, yaw lehˬ ja poˆ poˆ-eu tsawˇ haˬ, gʼawˬ-iˇ gʼehˇ-iˇ ni mˇ-eu meh.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Dawqdaq 29:22

Nui ma yaw suˬ deuˬ iˬ dehˬ iˬ ceh hawˇ-eu shaˬ zahˬ gʼawˬ mya jeˬ hehˇ ahˇ laꞈ nya-eu meh.

Dawqdaq 30:33

Mawˇ neˇ aˬ coeˇ-ahˇ kawˆ naˇ, tawˇ baˆ doˆ le-eu meh. Aˬ cawˬ-euˬ naˇ mehˇ-ahˇ kʼoˆ naˇ, naˇ mehˇ shiˬ yoeˇ le-eu meh. Aˬ cawˬ-ahˇ nui ma laˆ pehˇ naˇ, yawˬ ha shaˬ laˇ-eu meh.

Yaˬkoˆ 4:1

Naw maꞈ yaw kaˬ iˬ dehˬ iˬ ceh myaˬ-eu jeˬ aˬ gaˇ neh doˆ le-euˬ ta. Naw maꞈ-euˬ gʼawˇ mawˇ laꞈ kʼoeˇ aˬ myah luꞈ ceh luꞈ-eu jeˬ pyeuꞈ-eu byawˬ gʼa mo gʼa-eu nui kʼahˇ-ahˇ neh doˆ le-euˬ meh.

Yaˬkoˆ 5:20

heu loꞈ-ehˇ siˬ nya-awˬ. Iˬ baˇ zaˬ tiˬ gʼaˬ yawˬ ha-euˬ yaw lehˬ-ahˇ noeˬ poˆ leˇ ni sheuˬ pyawˇ nehˬ-euˬ tsawˇ haˬ aˬ geu gʼaˬ maˬ kaˬ, iˬ baˇ zaˬ kʼoeˇ gʼaˬ-euˬ saꞈ laˇ-ahˇ shiˇ-eu jeˬ laꞈ kʼoeˇ neh ka kʼoꞈ-awˇ, myaˬ dui dui-eu iˬ baˇ gʼaˇ duˬ iˬ baˇ pyehˬ nehˬ-eu jeˬ bi keuˆ le-eu meh.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.