Dawqdaq 1:32 - Akha

³² Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqjeq mirnae aernar-aq, Maqdzaw-euq zaq-aq, maq narhaq geuf-eu mirnae yashir-awr; Aqdzawq argan-aq, khar daefmawf-eu lof-aer daef-eu mirnae yacawv-ir taef-a.

Dawqdaq 1:32 ပူးပေါင်းရင်းမြစ်များ

Jaceuq 69:22

Aˬ yawꞈ maꞈ-euˬ mehˬ shi shaˇ dahˇ taˬ-euˬ dzaˬ kʼmˬ dawˇ gʼawˆ deuˬ, aˬ yawꞈ maꞈ ya luˬ ya seˇ-iˇ-eu gaˇ kawˆ pyeuꞈ luꞈ-uˇ. Aˬ yawꞈ maꞈ neh gʼeh-euˬ muiˬ-eu shawˇ-eu bawˬ-iˬ deuˬ, aˬ yawꞈ maꞈ teˬ le byoˆ le-eu gaˇ kawˆ pyeuꞈ luꞈ-uˇ.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Dawqdaq 14:16

Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.

Dawqdaq 2:18

Aˬ yawꞈ-euˬ nymˇ-ahˇ nawˇ iˇ naˇ, shiˇ-eu gaˇ ma-ahˇ cah gaˇ duˇ tehꞈ-a.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Dawqdaq 8:5

Dawˇ ga deuˬ-oˇ, siˬ laˇ gahˇ laˇ-awˬ. Aˬ dzawˬ aˇ gah deuˬ-oˇ, nui ma-ahˇ noeˬ-awˬ.

Dawqdaq 9:18

Aˬ yawꞈ-euˬ nymˇ-ahˇ kʼaˇ le-eu deuˬ ya shiˇ-awˇ, kʼaˇ le uˇ-euˬ tsawˇ haˬ deuˬ shiˇ-eu miˇ kʼahˬ-ahˇ jawˇ luꞈ-eu gaˇ kawˆ, aˬ yawꞈ maꞈ maˬ siˬ nya-a.

Iˇsaˬyaˇ 66:4

Kʼoeˇ baˬ da neh aˬ yawꞈ maꞈ guˆ-eu jeˬ pyeuꞈ-eu, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le ma. Ngaˇ kuˇ ngeh aˬ yawꞈ maꞈ oˬ maˬ toˬ-ehˇ, ngaˬ-euˬ dawˬ-ahˇ maˬ naˇ haˬ-euˬ miˇ neh, kʼoeˇ loꞈ-ehˇ jahˇ nehˬ ma. Ngaˬ-euˬ mehˬ shi aˬ yawꞈ maꞈ yaw haiˬ jeˬ mˇ-awˇ, ngaˇ nui ma maˬ tsaˬ-eu jeˬ-ahˇ tseˇ geuꞈ-euˬ meh.”

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Aˬmoˆ 6:1

Aˬ cawˬ-euˬ ziꞈ duˬ gʼoe duˬ huiˬ-eu mahˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ pyeuꞈ-eu, Ziˇoˬ gawˬ jawˬ kʼoeˇ taˆ saˇ lehˆ ni dehꞈ luꞈ-eu deuˬ hawˇ-eu, tiˬ gaˇ-iˬ guˆ kʼaˇ maˬ za ma lehˇ noeˬ-eu Saˬmaˬliˆ meuˬ laꞈ kʼoeˇ jawˇ luꞈ-eu deuˬ-oˇ, naw maꞈ gʼaˇ duˬ aˇ naˆ ni guˆ kʼaˇ za-eu nga.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Dawˬmehˬ 28:17

“Nawˬ-euˬ dzaˬ la gʼo cehˇ hawˇ-eu kʼoeˇ neh jahˇ-euˬ kaˬ muˇ deuˬ-ahˇ Sahˬpaˬ Miˬyehˇ yaˬ kʼehˇ yaˬ nehˬ tehꞈ-a.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 12:8

Aˬ yawꞈ-euˬ zaˬ deuˬ-ahˇ diˬ-eu loꞈ-ehˇ naw maꞈ-ahˇ maˬ diˬ naˇ, naw maꞈ-aˬ, aˬ yawꞈ-euˬ zaˬ maˇ maˇ ni maˬ ngeuˇ-a. Gʼoˆ baˬ laꞈ nyiˇ-euˬ zaˬ-ahˇ duˇ-eu meh.

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.