Dawqdaq 1:25 - Akha

²⁵ ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Nawmaf, ngaq-euq maeqbawq dawqtawv luf-anr byaerdzae-awr, Maeqpar-eu dawq-anr maq hageuf-eu mirnae,

Dawqdaq 1:25 ပူးပေါင်းရင်းမြစ်များ

2 Laˬsaˬbaˬ 33:10

Maˬnaˇseˬ hawˇ-eu aˬ yawꞈ-euˬ tsawˇ haˬ deuˬ-ahˇ kʼoeˇ loꞈ-ehˇ maˬ dehꞈ-eu gʼaˇ duˬ Sahˬpaˬ Miˬyehˇ ehˇ nehˬ kʼawꞈ, aˬ yawꞈ maꞈ maˬ naˇ haˬ geuꞈ-a.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Jaceuq 107:11

Baoˬ huiˬ-eu Miˬyehˇ-euˬ dawˬ-ahˇ aˬ yawꞈ maꞈ puiˬ-awˇ, aˬ yawꞈ mehˬ nehˬ tsoˆ nehˬ gaˇ maˬ naˇ haˬ-eu miˇ neh, kʼoeˇ loꞈ-ehˇ ya daˬ-eu meh.

Jaceuq 81:11

Ehˇ kʼawꞈ, ngaˬ-euˬ ehˇ dawˬ-ahˇ ngaˬ-euˬ tsawˇ haˬ deuˬ maˬ naˇ haˬ-a. Ngaˬ-euˬ ehˇ dawˬ Iˇsaˬleˬlaˆ maˬ geuꞈ-a.

Dawqdaq 1:30

ja sawˇ nehˬ-euˬ dawˬ-ahˇ maˬ naˇ haˬ-ehˇ, dawˬ mehˬ dawˬ tsoˆ maˬ naˇ haˬ-eu miˇ neh,

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Dawqdaq 5:12

Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

Yeˬlaˬmiˇ 35:17

Kʼoeˇ miˇ neh, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ neh, naw maꞈ kʼoeˇ taˆ bi keuˆ le ma lehˇ saˇ jaˇ dzaˬ taˬ-euˬ luˬ-iˇ seˇ-iˇ-eu jeˬ, nymˬ-mˇ bi keuˆ le ma. Ngaˇ naw maꞈ-ahˇ dawˬ ngehˬ cawˬ ngeh naw maꞈ maˬ naˇ haˬ-ehˇ, ngaˇ kuˇ ngeh naw maꞈ oˬ maˬ toˬ-eu miˇ neh, ngaˇ kʼoeˇ loꞈ-ehˇ jahˇ ma.”

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Dawˬmehˬ 1:45

Kʼoeˇ ngeh, ‘Caw ba nehˬ laꞈ-awˬ’ lehˇ Sahˬpaˬ Miˬyehˇ-ahˇ naw maꞈ guˇ-awˇ shaˇ-euˬ meh. Ehˇ kʼawꞈ, naw maꞈ guˇ gaˇ aˬ yawꞈ maˬ naˇ haˬ ni, maˬ gaˬ-euˬ geuꞈ-awˇ jawˇ-euˬ meh.

1 Saˬmeuˬlaˆ 8:18

Aˇ yamˬ kʼoeˇ yamˬ keuˆ laˇ ngeh jawˇ, naw maꞈ-euˬ nui kʼahˇ byah laˇ ni yawˬ haˇ yawˬ ha tseˇ doˆ-euˬ sahˬ paˬ baˬ da neh, nui ma cawˆ dui dui nya lehˇ naw maꞈ ya ehˇ tehꞈ-a. Ehˇ kʼawꞈ, naw maꞈ nui ma cawˆ-awˇ toˇ-eu dawˬ-ahˇ, Sahˬpaˬ Miˬyehˇ maˬ paˇ naˇ haˬ nehˬ laꞈ-aˇ.”