Dawqdaq 1:24 - Akha

²⁴ Naw maꞈ-ahˇ ngaˇ kuˇ kʼawꞈ, tiˬ gʼaˬ-iˬ maˬ naˇ haˬ nehˬ laꞈ-ehˇ, ngaˇ laꞈ liˆ liˆ gaˇ tiˬ gʼaˬ-iˬ maˬ haw cawˬ nehˬ laꞈ-eu uˬ taꞈ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Ngar, nawmaf-anr kur-euq khawf, nawmaf maq narhaq-aer, Ngar, aqlaf cawqja naeq-euq khawf, tiqghaq-iq maq hageuf-a.

Dawqdaq 1:24 ပူးပေါင်းရင်းမြစ်များ

2 Laˬsaˬbaˬ 33:10

Maˬnaˇseˬ hawˇ-eu aˬ yawꞈ-euˬ tsawˇ haˬ deuˬ-ahˇ kʼoeˇ loꞈ-ehˇ maˬ dehꞈ-eu gʼaˇ duˬ Sahˬpaˬ Miˬyehˇ ehˇ nehˬ kʼawꞈ, aˬ yawꞈ maꞈ maˬ naˇ haˬ geuꞈ-a.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Yawˇbaˆ 33:14

Tiˬ poˆ saˇ-iˬ tiˬ poˆ Miˬyehˇ dawˬ ngehˬ kʼawꞈ, aˬ yawꞈ-euˬ dawˬ-ahˇ tiˬ gʼaˬ-iˬ maˬ naˇ haˬ-a.

Jaceuq 31:20

Yaw doeˇmaˬbi jahˇ-eu gʼaˇduˬ, yawꞈmaꞈ-ahˇnawˇhaw piˇnehˬ-awˇ, dawˬdoeˇmaˬbi daˬ-eu gʼaˇduˬ, yawꞈmaꞈ-ahˇnawˇha lahˇ-eu meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Iˇsaˬyaˇ 65:12

Ngaˇ kuˇ ngeh naw maꞈ-euˬ naˬ bawˇ maˬ gaˬ leˇ-ehˇ, ngaˬ-euˬ dawˬ-ahˇ naw maꞈ maˬ naˇ haˬ-eu miˇ neh, naw maꞈ shaˆ shiˇ ya shiˇ tehꞈ-a. Ngaˬ-euˬ ehˇ dawˬ maˬ naˇ haˬ ni yaw haiˬ mˇ-eu gʼaˇ duˬ, naw maꞈ nui tsehˆ ahˇ taˬ-euˬ meh.

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Iˇsaˬyaˇ 66:4

Kʼoeˇ baˬ da neh aˬ yawꞈ maꞈ guˆ-eu jeˬ pyeuꞈ-eu, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le ma. Ngaˇ kuˇ ngeh aˬ yawꞈ maꞈ oˬ maˬ toˬ-ehˇ, ngaˬ-euˬ dawˬ-ahˇ maˬ naˇ haˬ-euˬ miˇ neh, kʼoeˇ loꞈ-ehˇ jahˇ nehˬ ma. Ngaˬ-euˬ mehˬ shi aˬ yawꞈ maꞈ yaw haiˬ jeˬ mˇ-awˇ, ngaˇ nui ma maˬ tsaˬ-eu jeˬ-ahˇ tseˇ geuꞈ-euˬ meh.”

Yeˬlaˬmiˇ 35:17

Kʼoeˇ miˇ neh, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ neh, naw maꞈ kʼoeˇ taˆ bi keuˆ le ma lehˇ saˇ jaˇ dzaˬ taˬ-euˬ luˬ-iˇ seˇ-iˇ-eu jeˬ, nymˬ-mˇ bi keuˆ le ma. Ngaˇ naw maꞈ-ahˇ dawˬ ngehˬ cawˬ ngeh naw maꞈ maˬ naˇ haˬ-ehˇ, ngaˇ kuˇ ngeh naw maꞈ oˬ maˬ toˬ-eu miˇ neh, ngaˇ kʼoeˇ loꞈ-ehˇ jahˇ ma.”

Yeˬlaˬmiˇ 44:16

“Sahˬpaˬ Miˬyehˇ-euˬ tsawˇ myahˇ uˬ moˆ nawˬ neh nga maꞈ-ahˇ ehˇ nehˬ laꞈ-euˬ jeˬ-ahˇ, nga maꞈ maˬ naˇ haˬ.

Yeˬlaˬmiˇ 7:13

Iˬ baˇ heu deuˬ dawˬ tawˆ luꞈ naw maꞈ mˇ-awˇ, naw maꞈ-ahˇ ngaˇ tiˬ poˆ saˇ-iˬ tiˬ poˆ dawˬ ngehˬ cawˬ kʼawꞈ, naw maꞈ naˬ bawˇ maˬ ciˬ kʼmˇ-a.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Gʼaˬkʼehˇ 4:30

Nawˬ-euˬ aˬ laꞈ cawˬ ja-eu laꞈ kʼoeˇ, naˇ-eu gawˇ-eu tsawˇ haˬ deuˬ-ahˇ bi taˬ leˇ-awˇ, nawˬ-euˬ muiˬ-eu shawˇ-eu Zaˬkʼaˆ pyeuꞈ-eu Yeˬsuˇ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ laꞈ.”

Lormav 10:21

Ehˇ kʼawꞈ, Iˇsaˬleˬlaˆ tawˇ jeuˬ gaˇ kawˆ aˬ yawꞈ heu loꞈ-ehˇ ehˇ taˬ-euˬ meh. “Ngaˬ-euˬ ehˇ dawˬ maˬ naˇ haˬ-ehˇ ngaˬ-ahˇ puiˬ luꞈ-eu tsawˇ jeuˬ-ahˇ ha geuꞈ-eu gʼaˇ duˬ, ngaˬ-euˬ aˬ laꞈ nah ga-ehˇ cawˬ ja taˬ-euˬ ma.”

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.