Dawqdaq 1:19 - Akha

¹⁹ Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Javlarni maerjuir juir-awr mr-eu tsawrhaq yawqghaq navluf-euq garma-aq heulof-aer mae; Mrmyawq khoer, yawsanr ghaq-euq daefzir yurgeuf lar-eu mae.

Dawqdaq 1:19 ပူးပေါင်းရင်းမြစ်များ

Yawˇbaˆ 31:39

kʼoeˇ gaˇ mˇ za-euˬ hawˬ ngaˇ dzaˬ-awˇ, mˇ-euˬ deuˬ-ahˇ bi mehꞈ-euˬ ngeuˇ lawˬ naˇ,

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Dawqdaq 1:20

Naˇ haˬ sheˇ, meuˬ-eu gaˇ ma doe ni zaˬ siˬ tsawˇ gahˇ guˇ luꞈ meh. Lehˆ kawˆ doe ni yaw kʼaˆ-ehˇ guˇ luꞈ meh.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawqdaq 29:24

Smˇ kʼoeˬ nehˬ-ehˇ cawˬ cawˬ-eu tsawˇ haˬ yawˬ haˇ yawˬ ha muiˇ gaˇ duˇ-eu meh. Dawˇ coe ni ehˇ doˆ naˇ, kʼehˬ-eu kʼaˆ-eu jeˬ-ahˇ ya daˬ-awˇ, maˬ ehˇ doˆ ni zaꞈ byoˆ naˇ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ-eu meh.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Haˬbaˬkuˆ 2:9

Yawˬ ha nymˇ jiˇ smˇ muiˬ muiˬ ni, maˬ sui maˬ dawˇ gaˇ poˆ za-awˇ, guˆ-eu gaˆ-eu jeˬ-ahˇ dzeuˇ ni, yaw goˇ-ahˇ bahˬ sheu-euˬ tsawˇ haˬ, yaw kʼaˆ-ehˇ ya noeˬ shaˬ tehꞈ-a.

1 Tiˆmoˇseˬ 3:3

Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

Yawˇshuˆ 7:21

Aˬ dui maꞈ neh guiˇ deuˆ za-euˬ myawˬ deuˬ laꞈ kʼoeˇ, Baˬbuˇloˬ miˇ kʼahˬ-ahˇ guꞈ-euˬ muiˬ dui dui-eu pehˇ kʼahˬ pehˇ mahˇ tiˬ kahˇ, pyuˇ tiˬ jawꞈ-i dzehˬ ni hawˇ-eu, smˬ kaˇ ehˇ gʼaˬ ni byah-eu shuiˇ shuiˇ kahˬ tiˬ kahˬ ngaˇ mawˇ-euˬ ma. Kʼoeˇ deuˬ-ahˇ ngaˇ geuꞈ mawꞈ dui dui-eu miˇ neh, yuˇ taˬ-awˇ bi jaˆ-euˬ ma. Pyuˇ kʼoeˇ-ahˇ dawˬ dah dah saˬ bi jaˆ-awˇ, myawˬ kʼoeˇ deuˬ-ahˇ ngaˬ-eu sehˬ gʼawˆ laꞈ kʼoeˇ duˬ pahˬ taˬ-euˬ gaˇ nawˇ ya mawˇ tehꞈ-a.”

Yawˇshuˆ 7:25

Kʼoeˇ naˇ, “Aˬ jeˬ miˇ neh nawˇ nga maꞈ kʼoeˇ taˆ shaˬ-eu zahˬ-eu jeˬ bi keuˆ le teˬ. Nymˬ-mˇ, Sahˬpaˬ Miˬyehˇ nawˬ-euˬ kʼoeˇ taˆ shaˬ-eu zahˬ-eu jeˬ bi keuˆ le tehꞈ-a” lehˇ, Yawˇshuˆ ehˇ-eu meh. Kʼoeˇ ngeh, tsawˇ haˬ dawˬ tawˆ luꞈ Aˬkaˬ-ahˇ kʼaˬ lo neh biˬ sehꞈ-euˬ meh. Aˬ yawꞈ-euˬ miˬ sawˇ zaˬ deuˬ hawˇ-eu aˬ yawꞈ-euˬ myawˬ gahˬ dawˬ tawˆ luꞈ-ahˇ kʼawꞈ, aˬ yawꞈ maꞈ kʼaˬ lo neh biˬ-awˇ, miˬ dzaˬ dzah puiˆ-euˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.