Dawqdaq 1:1 - Akha

¹ Daˬbiˇ-euˬ aˬ li Iˇsaˬleˬlaˆ sahˬ paˬ Sawˇlaˆmoˬ-euˬ dawˬ daˬ deuˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Daqbir-euq zaqyo Irsaqleqlav-euq sanqpaq Sorlaqmoq-euq dawqdaq deuq-aq:

Dawqdaq 1:1 ပူးပေါင်းရင်းမြစ်များ

1 Sahˬpaˬ 2:12

Sawˇlaˬmoˬ gʼaˬ aˬ yawꞈ aˬ da-euˬ dah zaˇ sahˬ paˬ geuꞈ-awˇ, ziꞈ dah ni uˆ lahˇ-euˬ meh.

1 Sahˬpaˬ 5:12

Kʼoeˇ naˇ, Sahˬpaˬ Miˬyehˇ Sawˇlaˬmoˬ-ahˇ saˇ jaˇ ziꞈ-awˇ, aˬ yawꞈ-ahˇ zaˬ siˬ tsawˇ gahˇ biꞈ-euˬ meh. Kʼoeˇ ngeh, sahˬ paˬ Hiˇlamˬ hawˇ-eu sahˬ paˬ Sawˇlaˬmoˬ nui ma taꞈ leˇ-awˇ, aˬ yawꞈ nyaꞈ saˇ jaˇ dzaˬ taꞈ-euˬ meh.

1 Laˬsaˬbaˬ 22:9

Ehˇ kʼawꞈ, aˬ yawꞈ ngaˬ-ahˇ heu loꞈ-ehˇ saˇ jaˇ dzaˬ-euˬ meh. ‘Sahˬ paˬ geuꞈ-awˇ saˇ lehˆ ni miˇ kʼahˬ-ahˇ ya uˆ lahˇ-eu nawˬ-euˬ aˬ li tiˬ li jawˇ le tehꞈ-a. Aˬ jeˬ miˇ neh ehˇ naˇ, muiˇ-eu deuˬ nehˬ-ehˇ aˬ yawꞈ guiˇ maˬ ya deuˆ-ehˇ, miˇ kʼahˬ saˇ lehˆ ni aˬ yawꞈ ya uˆ lahˇ-eu gʼaˇ duˬ ngaˇ jahˇ ma. Aˬ yawꞈ-ahˇ Sawˇlaˬmoˬ lehˇ ya myahˇ tehꞈ-a. Aˬ jeˬ miˇ neh ehˇ naˇ, aˬ yawꞈ uˆ lahˇ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ laꞈ kʼoeˇ guˆ-eu gaˆ-eu jeˬ maˬ jaˆ-ehˇ, nui saˇ oꞈ-awˇ, coꞈ ngehˇ ni jaˆ ni ngaˇ jahˇ ma.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Laˬsaˬbaˬ 29:23

Kʼoeˇ naˇ, Sahˬpaˬ Miˬyehˇ neh laˆ saˆ taˬ-euˬ nuiˇ mahˬ pyeuꞈ-eu aˬ yawꞈ aˬ daˬ Daˬbiˇ-euˬ dzoeˬ dzaˬ nuiˇ mahˬ-ahˇ Sawˇlaˬmoˬ nuiˇ-awˇ, sahˬ paˬ keuˆ leˇ-euˬ meh. Aˬ yawꞈ-aˬ, baoˬ huiˬ-eu sahˬ paˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ jeuˬ lah ni aˬ yawꞈ-euˬ dawˬ-ahˇ naˇ haˬ geuꞈ-euˬ meh.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Dawqdaq 10:1

Heu-aˬ, Sawˇlaˬmoˬ-euˬ dawˬ daˬ deuˬ meh. Nui ma-ahˇ noeˬ-eu aˬ li-aˬ, aˬ da-ahˇ nui saˇ bi oꞈ-awˇ, aˬ dzawˬ dzawˬ-eu aˬ li-aˬ, aˬ ma-ahˇ shaˬ zahˬ ciˬ pi-eu meh.

Dawqdaq 22:21

dawˬ heu deuˬ nawˬ-ahˇ mehˬ nehˬ laꞈ tehꞈ-a. Kʼoeˇ naˇ, nawˬ-ahˇ yaw tsaˬ yaw dawˇ jeˬ gaˇ kawˆ naˇ haˬ ngeh, nawˇ ehˇ duˬ nya tehꞈ-a. -1-

Dawqdaq 25:1

Dawˬ daˬ heu deuˬ-aˬ, Yuˇdaˆ sahˬ paˬ Heˬsaˬgiˇ-euˬ saˇ naˇ-ahˇ gaˇ mˇ-eu deuˬ neh boꞈ doˆ taˬ-euˬ Sawˇlaˬmoˬ neh daˬ taˬ yaꞈ-euˬ dawˬ daˬ deuˬ meh.

Dawˬ tsoˆ 1:1

Heu-aˬ, Yeˬluˇsaˬlehˬ meuˬ-ahˇ sahˬ paˬ geuꞈ-euˬ Daˬbiˇ-euˬ aˬ li pyeuꞈ-eu zaˬ siˬ tsawˇ gahˇ byah-eu dawˬ mehˬ dawˬ tsoˆ tsoˆ-eu gʼaˬ-euˬ dawˬ deuˬ meh.

Dawˬ tsoˆ 12:9

Dawˬ mehˬ dawˬ tsoˆ tsoˆ-eu gʼaˬ zaˬ siˬ tsawˇ gahˇ ahˇ-eu tehꞈ maˬ ngeuˇ-a. Aˬ yawꞈ siˬ nya-eu jeˬ aˬ tsawˬ-ahˇ mehˬ nehˬ tsoˆ nehˬ-eu meh. Aˇ hu-euˬ dawˬ daˬ deuˬ-ahˇ aˬ yawꞈ poˆ tseˇ doˆ-awˇ, tsaˬ-eu maˬ tsaˬ-eu pyehˆ tseˇ duˬ taˬ-euˬ meh.

Yoˇhaˬ 16:25

“Ngaˇ yaw jeˬ ma jeˬ ja ja-ehˇ, gaˇ kawˆ heu deuˬ naw maꞈ-ahˇ mehˬ nehˬ-euˬ ma. Ehˇ kʼawꞈ, ngaˇ yaw jeˬ ma jeˬ maˬ paˇ ja ni, Aˬda gaˇ kawˆ naw maꞈ-ahˇ dawˇ coe ni ya ehˇ nehˬ-eu aˇ nah keuˆ le tehꞈ-a.