Dawˬmehˬ 9:4 - Akha

⁴ “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ tsawˇ haˬ kʼoeˇ deuˬ-ahˇ teh doˆ gʼaˬ ngeh, miˇ kʼahˬ kʼoeˇ kʼahˬ naw maꞈ za geuˇ-eu miˇ neh, naw maꞈ-ahˇ aˬ yawꞈ sheuˬ uˇ nehˬ laꞈ-euˬ meh lehˇ naw maꞈ yawˬ haˇ yawˬ ha taˬ ehˇ. Kʼoeˇ loꞈ-ehˇ maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu miˇ neh, naw maꞈ gʼaˇ duˬ Sahˬpaˬ Miˬyehˇ aˬ yawꞈ maꞈ-ahˇ teh doˆ-euˬ jeˬ pyeuꞈ-eu meh.

Dawˬmehˬ 9:4 ပူးပေါင်းရင်းမြစ်များ

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Yeˬsaˬgeˬlaˇ 36:22

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ heu, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ mˇ-eu lehˇ gʼeh-eu heu-aˬ, naw maꞈ baˬ da neh mˇ-eu maˬ ngeuˇ. Naw maꞈ kʼaˇ iˇ kʼaˇ laˇ gaˇ laˆ cawˆ luꞈ-eu ngaˬ-euˬ muiˬ-eu shawˇ-eu tsawˇ myahˇ baˬ da neh mˇ-eu ma.

Yeˬsaˬgeˬlaˇ 36:32

Iˇsaˬleˬlaˆ tsawˇ jeuˬ-oˇ, naw maꞈ baˬ da neh ngaˇ heu loꞈ-ehˇ mˇ-eu gʼeh-eu maˬ ngeuˇ lehˇ, naw maꞈ bi siˬ duˬ mawꞈ miˇ-a. Naw maꞈ neh dehꞈ doeˇ-euˬ aˇ poeˬ, daˬ ga-awˇ shaꞈ dawˇ-eu jeˬ naw maꞈ bi daˬ mawꞈ miˇ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Uˬ duˬ 18:3

Naw maꞈ jawˇ yaꞈ-euˬ Iˇjiˇtuˆ miˇ kʼahˬ-ahˇ jawˇ-eu tsawˇ haˬ deuˬ loꞈ-ehˇ taˬ gʼeh. Ngaˇ naw maꞈ-ahˇ bi jawˇ-eu lehˇ gʼeh-eu Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ loꞈ-ehˇ taˬ mˇ.

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

1 Gawˇliˬtu 4:4

Ngaˬ-euˬ siˬ nya-eu nui ma shawˇ jehˆ ni jaˆ luꞈ ma. Heu loꞈ-ehˇ ehˇ ngeh, ngaˇ iˬ baˇ tiˬ pawꞈ-iˬ maˬ ahˇ lehˇ ehˇ mawꞈ-eu maˬ ngeuˇ. Ngaˬ-euˬ yaw lehˬ-ahˇ pyehˆ tseˇ-eu gʼaˬ-aˬ, Sahˬpaˬ Miˬyehˇ meh.

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

Dawˬmehˬ 12:31

Aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ ngeh, Sahˬpaˬ Miˬyehˇ maˬ haw nahˇ-eu nui daˆ daˆ laˇ paˬ-ehˇ gʼeh-eu jeˬ aˬ yawꞈ maꞈ mˇ-eu meh. Aˬ yawꞈ maꞈ-euˬ zaˬ deuˬ-ahˇ lawˇ duˬ kʼoeˇ taˆ miˬ dzaˬ-ahˇ dzah puiˆ-awˇ lawˇ-eu jeˬ kʼawꞈ, aˬ yawꞈ maꞈ mˇ-eu meh.

Dawˬmehˬ 31:27

Aˬ yawꞈ maꞈ nui ma aˇ naˆ ni gʼahˇ-awˇ, puiˬ mawꞈ-eu nui ma aˇ naˆ ni ahˇ-eu ngaˇ siˬ nya ma. Ngaˇ yaw dehꞈ dehꞈ luꞈ-eu aˇ yamˬ laꞈ kʼoeˇ, aˬ yawꞈ maꞈ Sahˬpaˬ Miˬyehˇ-ahˇ puiˬ-euˬ meh. Ngaˇ shiˇ dzeuˇ naˇ, kʼoeˇ naˆ maˬ tseˇ aˬ yawꞈ maꞈ paˇ puiˬ tehꞈ-a.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

2 Tiˆmoˇseˬ 1:9

Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.