Dawˬmehˬ 9:22 - Akha

²² “Taˬbeˬlaˬ, Maˬsah, Giˇbyoˆhaˬtaˬbaˬ lehˇ kuˇ-eu jawˇ duˬ kʼoeˇ deuˬ-ahˇ jawˇ ngeh kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma pehˇ ni naw maꞈ mˇ-euˬ meh.

Dawˬmehˬ 9:22 ပူးပေါင်းရင်းမြစ်များ

Jaceuq 78:17

Ehˇ kʼawꞈ, Miˬyehˇ-ahˇ aˬ yawꞈ maꞈ maˬ tsehˆ leˇ ni puiˬ-awˇ, kʼaˇ shuiꞈ deh ga laꞈ kʼoeˇ Huiˬ dui Mahˇ dui dui-eu gʼaˬ-ahˇ aˬ yawꞈ maꞈ puiˬ-euˬ meh.

Doˆ-iˇ 17:2

Aˬ yawꞈ maꞈ nui ma cawˆ-eu laꞈ kʼoeˇ, Moˇseˬ-ahˇ iˬ baˇ taˬ-awˇ, “Nga maꞈ dawˇ-eu gʼaˇ duˬ iˇ cuꞈ biꞈ nehˬ laꞈ-awˬ” lehˇ ehˇ nehˬ-euˬ meh. Moˇseˬ gʼeh, “Aˬ jeˬ miˇ neh naw maꞈ ngaˬ-ahˇ iˬ baˇ taˬ te. Aˬ jeˬ miˇ neh naw maꞈ Sahˬpaˬ Miˬyehˇ-ahˇ lawˬ haw te” lehˇ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Bawˇtsahˬ 11:34

Jawˇ duˬ kʼoeˇ tsahˇ-ahˇ, Giˇbyoˆ Haˬtaˬbaˬ lehˇ kuˇ-euˬ meh. Aˬ jeˬ miˇ neh ehˇ naˇ, shaˬ jiˇ-ahˇ mehˇ juiˇ juiˇ-eu tsawˇ haˬ deuˬ-ahˇ kʼoeˇ gaˇ duˬ pahˬ-euˬ meh.

Bawˇtsahˬ 16:46

Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”

Dawˬmehˬ 33:8

Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.