Dawˬmehˬ 9:19 - Akha

¹⁹ Sahˬpaˬ Miˬyehˇ nui ma pehˇ-eu jeˬ-ahˇ ngaˇ guˆ dui dui-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ paˬ-ehˇ aˬ yawꞈ nui ma pehˇ laˇ taˬ-euˬ meh. Ehˇ kʼawꞈ, ngaˬ-euˬ shaˇ dawˬ-ahˇ aˬ yawꞈ tiˬ poˆ paˇ naˇ haˬ nehˬ laꞈ-euˬ meh.

Dawˬmehˬ 9:19 ပူးပေါင်းရင်းမြစ်များ

Jaceuq 106:19

Siˇnaˆ gawˬ jawˬ-ahˇ shuiˇ mawˇ neˇ mawˇ kawˇ tehˆ-awˇ, aˬ yawꞈ maꞈ uˬ duˬ tahˬ-euˬ meh.

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 32:14

Kʼoeˇ ngeh, Sahˬpaˬ Miˬyehˇ nui ma noeˬ paˇ-awˇ, aˬ yawꞈ neh noeˬ tsehˆ taˬ-euˬ luˬ-iˇ seˇ-iˇ-eu jeˬ, aˬ yawꞈ-euˬ tsawˇ haˬ deuˬ kʼoeˇ taˆ maˬ bi keuˆ le ni, bi dzeuˇ-iˇ-euˬ meh.

Doˆ-iˇ 33:17

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ ngaˬ-ahˇ kʼaˇ shaˇ-eu loꞈ-ehˇ ngaˇ mˇ ma. Aˬ jeˬ miˇ neh ehˇ naˇ, nawˬ-ahˇ ngaˇ yaw muiˬ paˬ-ehˇ siˬ nya-awˇ, nui ma tsaˬ-eu ma.”

Doˆ-iˇ 34:10

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nymˬ-mˇ ngaˇ Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-eu ma. Miˇ tsaˬ heu kʼoeˇ taˆ tsawˇ jeuˬ tiˬ jeuˬ-iˬ maˬ ya mawˇ haw-euˬ kʼaˆ jeˬ-ehˇ gʼeh-eu jeˬ, aˬ yawꞈ maꞈ mehˬ shi ngaˇ jahˇ mehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, huiˬ dui dui-eu gaˇ deuˬ mˇ nya gaˇ, aˬ yawꞈ maꞈ dawˬ tawˆ luꞈ ya mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ mehˬ shi zahˬ dui dui leˇ paˬ-ehˇ gʼeh-eu jeˬ mˇ mehˬ nehˬ-eu lehˇ, ngaˇ lehˬ hmˬ taˬ-euˬ ma.

Bawˇtsahˬ 11:2

Iˇsaˬleˬlaˆ tsawˇ haˬ deuˬ Moˇseˬ-ahˇ caw ba le-awˬ lehˇ guˇ-awˇ, Moˇseˬ Sahˬpaˬ Miˬyehˇ-ahˇ guiˬ lahˬ shaˇ ngeh, miˬ dzaˬ kʼoeˇ miˆ-iˇ-euˬ meh.

Dawˬmehˬ 10:10

“Yaw beh poˆ loꞈ-ehˇ, gawˬ jawˬ kʼoeˇ taˆ oeˬ tseˇ nah oeˬ tseˇ miˇ ngaˇ jawˇ-euˬ ma. Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, naw maꞈ-ahˇ maˬ laˆ luˬ maˬ laˆ seˇ-eu gʼaˇ duˬ nui ma tsaˬ-euˬ meh.

Dawˬmehˬ 11:17

Naw maꞈ kʼoeˇ loꞈ-ehˇ mˇ naˇ, Sahˬpaˬ Miˬyehˇ naw maꞈ-ahˇ nui ma pehˇ laˇ-awˇ, uˬ yehˇ maˬ bi yehˇ le-eu miˇ neh, naw maꞈ-euˬ miˇ tsaˬ gui-iˇ-awˇ, maˬ ka dzaˬ maˬ ka dawˇ nya ni pyeuꞈ-iˇ tehꞈ-a. Kʼoeˇ ngeh, aˬ yawꞈ naw maꞈ-ahˇ muiˬ-eu miˇ kʼahˬ biꞈ laꞈ-euˬ kʼawꞈ, gʼawˬ myahˇ maˬ gʼeh-ehˇ naw maꞈ ya luˬ ya seˇ-iˇ tehꞈ-a.

Dawˬmehˬ 9:20

Aˬloˬ-ahˇ gʼeh, sehꞈ paˬ-ehˇ Sahˬpaˬ Miˬyehˇ nui ma pehˇ laˇ taˬ-euˬ meh. Kʼoeˇ miˇ neh, Aˬloˬ gʼaˇ duˬ kʼawꞈ, kʼoeˇ ngeh jawˇ ngaˇ guiˬ lahˬ shaˇ nehˬ-euˬ ma.

Dawˬmehˬ 9:8

Siˇnaˆ gawˬ jawˬ-ahˇ jawˇ ngeh kʼawꞈ, naw maꞈ-ahˇ bi laˆ luˬ bi laˆ seˇ gaˇ keuˆ ni Sahˬpaˬ Miˬyehˇ nui ma pehˇ laˇ ni naw maꞈ mˇ-euˬ meh.

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.