Dawˬmehˬ 8:12 - Akha

¹² Naw maꞈ kʼaˇ dzaˬ mawꞈ-eu jeˬ jaˆ kuꞈ laˇ-awˇ, naw maꞈ jawˇ-eu gʼaˇ duˬ nymˇ yaw muiˬ deuˬ tsoˆ gʼaˬ-awˇ,

Dawˬmehˬ 8:12 ပူးပေါင်းရင်းမြစ်များ

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Dawˬ tsoˆ 2:4

Huiˬ dui dui-eu gaˇ deuˬ ngaˇ mˇ-euˬ ma. Ngaˇ jawˇ-eu gʼaˇ duˬ nymˇ gʼawˬ mya nymˇ tsoˆ-awˇ, aˬ gaꞈ yaˇ kmˇ gʼawˬ mya kmˇ mˇ haw-euˬ ma.

Yeˬsaˬgeˬlaˇ 11:3

Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Haˬgaiˇ 1:4

“Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ luꞈ ngeh, naw maꞈ nymˇ muiˬ tsoˆ-awˇ ya jawˇ ta loˇ.

Luˇkaꞈ 17:28

Kʼoeˇ loꞈ-ehˇ duˇ ni, Lawˇtaˬ-euˬ ziˇ-ahˇ keuˆ le-euˬ jeˬ kʼawꞈ, aˇ nah kʼoeˇ nah-ahˇ tiˬ poˆ paˇ keuˆ le tehꞈ-a. Aˬ yawꞈ maꞈ dzaˬ-eu dawˇ-eu, ahˬ laꞈ zeuˇ laꞈ mˇ-eu, ka dzaˬ ka dawˇ-eu, nymˇ tsoˆ jiˇ shaˇ-eu, heu deuˬ-ahˇ maˬ naˬ leˇ ni mˇ luꞈ-eu meh.

Dawˬmehˬ 28:47

Yawˬ jeˬ na luꞈ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ-euˬ meh. Ehˇ kʼawꞈ, aˬ yawꞈ-euˬ gaˇ-ahˇ nawˇ laˬ kʼaˬ tiˬ cehˇ maˬ mˇ-a.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 6:10

“Naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ neh maˬ tsoˆ-euˬ, dzaˬ ngeh maˬ jiˇ dawˇ ngeh maˬ shuꞈ-eu meuˬ meuˬ ma deuˬ jaˆ-eu miˇ kʼahˬ, naw maꞈ-ahˇ aˬ yawꞈ biꞈ nehˬ laꞈ tehꞈ-a.

Dawˬmehˬ 8:13

naw maꞈ-euˬ mawˇ neˇ hawˇ-eu yawˇ deuˬ maˬ ehˇ, naw maꞈ-euˬ pyuˇ hawˇ-eu shuiˇ deuˬ maˬ ehˇ, naw maꞈ-euˬ myawˬ gahˬ deuˬ maˬ ehˇ, jaˆ myaˬ laˇ ngeh,