Dawˬmehˬ 6:7 - Akha

⁷ Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.

Dawˬmehˬ 6:7 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Yawˇbaˆ 8:10

Ehˇ kʼawꞈ, aˇ hu tsawˇ gahˇ ahˇ-eu tsawˇ haˬ deuˬ neh nawˬ-ahˇ bi mehˬ-awˇ, aˬ yawꞈ maꞈ ehˇ gaˇ naˇ haˬ geuꞈ-awˬ.

Jaceuq 119:13

Nawˬ neh biꞈ laꞈ-euˬ zahˇ dawˬ kʼoꞈ dawˬ dawˬ tawˆ luꞈ, ngaˇ gui poˆ poˆ ma.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Jaceuq 129:8

Kʼaˇ iˇ kʼaˇ laˇ tsehˆ-eu deuˬ laꞈ kʼoeˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ ehˇ-eu maˬ jawˇ-ehˇ, “Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ dawˬ ngehˬ gʼeh nehˬ-eu ma” lehˇ ehˇ-eu maˬ jawˇ-a.

Jaceuq 37:30

Tsawˇmuiˬtiˬgʼaˬ-euˬkʼaˬmeh-ahˇ, tsawˇgahˇahˇ-eu dawˬdoˆle-awˇ, mehˬlaˇneh kʼaˇngehˬ-euˬdawˬdeuˬ, tsaˬ-eu dawˇ-eu dawˬ pyeuꞈ-eu meh.

Jaceuq 71:17

Nyiˇ ngeh neh nawˇ ngaˬ-ahˇ mehˬ nehˬ tsoˆ nehˬ laꞈ-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, iˬ nah keuˆ ni ngaˇ ja luꞈ ma.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 6:22

Nawˇ gaˇ ma cah ngeh, dawˬ kʼoeˇ deuˬ nawˬ-ahˇ mehˬ nehˬ-awˇ, nawˇ yuꞈ kʼaˆ ngeh nawˬ-ahˇ loꞈ piˇ-awˇ, nawˇ noeˬ laˇ ngeh, nawˬ-ahˇ dawˬ ja ja cawˬ tehꞈ-a.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Luˇkaꞈ 6:45

Tsawˇ haˬ yaw muiˬ-aˬ, yawˬ ha-euˬ nui ma laꞈ kʼoeˇ jeˬ hmˬ taˬ-euˬ yaw muiˬ jeˬ yuˇ doˆ laꞈ-awˇ, tsawˇ haˬ yaw haiˬ-aˬ, yawˬ ha-eu nui ma laꞈ kʼoeˇ shaˇ dawˆ taˬ-euˬ yaw haiˬ jeˬ beuˬ doˆ laꞈ-eu meh. Aˬ jeˬ miˇ neh ehˇ naˇ, nui ma laꞈ kʼoeˇ kʼaˇ ahˇ-eu jeˬ, kʼaˬ meh-ahˇ ngehˬ doˆ laꞈ-eu meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 11:19

Naw maꞈ-euˬ zaˬ deuˬ-ahˇ zahˇ dawˬ kʼoꞈ dawˬ kʼoeˇ deuˬ mehˬ nehˬ tsoˆ nehˬ-awˬ. Naw maꞈ iˇ kahˇ jawˇ ngeh maˬ ehˇ, gaˇ mahˇ kaˬ gaˇ iˇ ngeh maˬ ehˇ, gʼaˬ naˬ naˬ ngeh maˬ ehˇ, gaˇ mˇ ngeh maˬ ehˇ, zahˇ dawˬ kʼoꞈ dawˬ gaˇ kawˆ ja uˇ ja uˇ-ehˇ jawˇ-awˬ.

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.

Luˇta 2:12

Nawˇ kʼoeˇ loꞈ-ehˇ mˇ-eu baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ aˬ dahˇ uˬ moˆ, nawˇ tah uˇ laˇ-eu loꞈ-ehˇ, aˬ yawꞈ nawˬ-ahˇ guiˬ lahˬ tiˬ byah tiˬ loꞈ biꞈ laꞈ luꞈ-uˇ.”

Luˇta 2:4

Tiˬ kʼehˬ keuˆ laˇ naˇ, Behˬlehˬhehˬ meuˬ-ahˇ neh deh yaˇ-ahˇ Bawˇza oe keuˆ-awˇ, “Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ” lehˇ cehˇ yehˬ-eu deuˬ-ahˇ aˬ yawꞈ dawˬ cawˬ puˬ nehˬ ngeh, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ aˬ yawꞈ maꞈ aˬ yawꞈ-ahˇ paˇ ehˇ kʼoˬ nehˬ-euˬ meh.

Luˇta 4:11

Aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ luꞈ-eu tsawˇ haˬ deuˬ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma. Nawˬ-euˬ nymˇ-ahˇ jawˇ uˇ le-euˬ zaˬ miˬ zaˬ heu gʼaˬ-ahˇ, Sahˬpaˬ Miˬyehˇ gʼawˬ shaˬ gaˬ nehˬ-awˇ, Yaˬkoˆ gʼaˇ duˬ zaˬ gʼawˬ mya ni bi jawˇ le-euˬ Laˬkeˬlaˇ hawˇ-eu Leˇaˬ loꞈ-ehˇ bi pyeuꞈ laˇ luꞈ-uˇ. Eˇpaˬlaˇ aˇ jeuˬ aˇ ca deuˬ laꞈ kʼoeˇ, nawˇ-aˬ, smˇ muiˬ muiˬ dui dui laˇ-awˇ, Behˬlehˬhehˬ meuˬ laꞈ kʼoeˇ tsawˇ myahˇ doˆ luꞈ-uˇ.