Dawˬmehˬ 6:24 - Akha

²⁴ Kʼoeˇ naˇ, zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ caw teh-awˇ, aˬ yawꞈ-ahˇ guˆ-awˬ lehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. Aˬ dui kʼoeˇ loꞈ-ehˇ jahˇ naˇ, aˬ dui-euˬ tsawˇ jeuˬ-ahˇ aˬ yawꞈ aˬ myah luꞈ haw piˇ-awˇ, bi baw bi za le tehꞈ-a.

Dawˬmehˬ 6:24 ပူးပေါင်းရင်းမြစ်များ

Jaceuq 41:2

Yawꞈmaꞈyaw dehꞈdehꞈ-eu jeˬ-ahˇ, SahˬpaˬMiˬyehˇhaw piˇtehꞈ-a. Miˇkʼahˬheu kʼahˬlaꞈkʼoeˇdehꞈngeh, SahˬpaˬMiˬyehˇguiˬlahˬbiꞈ-awˇ, muiˇ-eu deuˬ-euˬ aˬlaꞈlaꞈkʼoeˇ, maˬbi keuˆleˇni haw tehꞈ-a.

Jaceuq 41:3

Yuꞈzaˇkʼoeˇtaˆ naˇ-awˇga ngeh, SahˬpaˬMiˬyehˇngehˬgʼeh nehˬ-awˇ, jawˇsaˇpaˇbi doˆlaˇtehꞈ-a.

Jaceuq 66:9

Aˬ dui maꞈ-ahˇ aˬ yawꞈ bi dehꞈ laꞈ-awˇ, maˬ bi coˬ-iˇ laꞈ-a.

Doˆ-iˇ 20:20

Aˬ yawꞈ maꞈ-ahˇ Moˇseˬ ehˇ nehˬ-eu, “Taˬ guˆ. Aˬ jeˬ miˇ neh ehˇ naˇ, naw maꞈ-ahˇ lawˬ haw-eu gʼaˇ duˬ maˬ ehˇ, aˬ yawꞈ-ahˇ guˆ-eu baˬ da neh naw maꞈ iˬ baˇ maˬ ya mˇ-eu gʼaˇ duˬ maˬ ehˇ, Miˬyehˇ zaꞈ le-euˬ meh.”

Dawqdaq 22:4

Smˇ muiˬ muiˬ-awˇ tsawˇ myahˇ doˆ-eu uˬ taꞈ ziˇ baw ziˇ za nya ni, Sahˬpaˬ Miˬyehˇ ehˇ dawˬ naˇ haˬ-awˇ, nui ma nahˬ yu ni taˬ-awˬ.

Dawqdaq 9:12

Nawˇ zaˬ siˬ tsawˇ gahˇ ahˇ naˇ, nawˬ-euˬ gʼaˇ duˬ jiˇ jeuˬ jaˆ-awˇ, nawˇ dawˇ ga gaˬ naˇ, yawˬ haˇ yawˬ ha ya shaˬ ya zahˬ tehꞈ-a.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Lormav 10:5

Zahˇ dawˬ kʼoꞈ dawˬ-ahˇ gʼoe-eu baˬ da neh Miˬyehˇ-ahˇ tsaˬ leˇ tsahˇ leˇ-eu gaˇ kawˆ-ahˇ taꞈ leˇ-awˇ, “Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ ya dehꞈ tehꞈ-a” lehˇ, Moˇseˬ neh boꞈ taˬ-euˬ jaˆ-eu meh.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

Dawˬmehˬ 4:4

Ehˇ kʼawꞈ, naw maꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-eu tsawˇ haˬ deuˬ iˬ nah keuˆ ni dehꞈ luꞈ meh.

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Dawˬmehˬ 6:23

Aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ, aˬ dui maꞈ-ahˇ heu gaˇ sheuˬ keuˆ laꞈ-awˇ, miˇ kʼahˬ heu kʼahˬ biꞈ laꞈ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ neh aˬ dui-ahˇ aˬ yawꞈ sheuˬ doˆ laꞈ-euˬ meh.

Dawˬmehˬ 8:1

“Naw maꞈ yaw dehꞈ ya dehꞈ-awˇ, myaˬ laˇ behˇ laˇ-eu uˬ taꞈ, Sahˬpaˬ Miˬyehˇ neh naw maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ miˇ kʼahˬ-ahˇ naw maꞈ ya jawˇ ni, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ maˬ ngehˇ ni caw teh-awˬ.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.