Dawˬmehˬ 6:19 - Akha

¹⁹ Aˬ yawꞈ neh saˇ jaˇ dzaˬ taˬ-euˬ loꞈ-ehˇ, naw maꞈ-ahˇ muiˇ-eu deuˬ-ahˇ naw maꞈ teh doˆ tehꞈ-a.

Dawˬmehˬ 6:19 ပူးပေါင်းရင်းမြစ်များ

Doˆ-iˇ 23:27

“Naw maꞈ-ahˇ laˆ tsoeˬ-eu tsawˇ haˬ deuˬ ngaˬ-ahˇ guˆ-iˇ ni ngaˇ jahˇ ma. Naw maꞈ-ahˇ guiˇ deuˆ-eu tsawˇ haˬ-ahˇ ngaˇ laˆ bahˬ laˆ baˆ nehˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, naw maꞈ jawˇ gaˇ neh ya cehˆ byoˆ ni ngaˇ jahˇ nehˬ ma.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Dawˬmehˬ 6:18

Naw maꞈ yaw muiˬ paˬ-ehˇ ya dehꞈ dzaˬ ni, Sahˬpaˬ Miˬyehˇ neh muiˬ meh tsaˬ meh lehˇ ehˇ taˬ-euˬ jeˬ-ahˇ mˇ-awˬ. Naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ baw le za le-eu miˇ kʼahˬ kʼoeˇ kʼahˬ naw maꞈ za tehꞈ-a.

Dawˬmehˬ 6:20

“ ‘Zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ ya caw teh meh loˇ. Aˬ jeˬ miˇ neh aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ dawˬ biꞈ laꞈ taˬ’ lehˇ, aˬ kaˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ tehꞈ-a. Kʼoeˇ ngeh, heu loꞈ-ehˇ ehˇ mehˬ nehˬ-awˬ.