Dawˬmehˬ 5:29 - Akha29 Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a. အခန်းကိုကြည့်ပါ။ |
Dawˬmehˬ 5:29
43 ပူးပေါင်းရင်းမြစ်များ
“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.
Naw maꞈ hawˇ-eu naw maꞈ-euˬ zaˬ deuˬ uˆ deuˬ ehˇ kʼaˇ maˬ za ni yaw muiˬ paˬ-ehˇ ya dehꞈ dzaˬ-eu gʼaˇ duˬ, ngaˬ neh naw maꞈ-ahˇ dawˬ kʼaˇ biꞈ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ jeˬ hawˇ-eu, Sahˬpaˬ Miˬyehˇ nui ma tsaˬ-eu jeˬ-ahˇ naw maꞈ ya mˇ-eu meh.
Siˇnaˆ gawˬ jawˬ-ahˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi naw maꞈ yawꞈ ngeh nah, aˬ yawꞈ ngaˬ-ahˇ ehˇ-eu, ‘Iˇsaˬleˬlaˆ tsawˇ haˬ deuˬ kuˇ uiˬ-awˬ. Aˬ yawꞈ maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ ngaˬ-euˬ ehˇ dawˬ naˇ haˬ geuꞈ-awˇ, aˬ yawꞈ maꞈ-euˬ zaˬ deuˬ ngaˬ-ahˇ guˆ ni, aˬ yawꞈ maꞈ mehˬ nehˬ tsoˆ nehˬ nya-eu gʼaˇ duˬ, aˬ yawꞈ maꞈ-ahˇ ngaˬ-euˬ dawˬ bi gaˬ mawꞈ nya’ lehˇ ehˇ-eu meh. Aˬ yawꞈ neh ehˇ-euˬ dawˬ kʼoeˇ dawˬ-ahˇ naw maꞈ taˬ ngehˇ.
Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”
Iˇsaˬleˬlaˆ tsawˇ haˬ deuˬ-oˇ, zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ-awˇ, caw teh-awˬ. Kʼoeˇ loꞈ-ehˇ jahˇ naˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ yaw muiˬ paˬ-ehˇ ya dehꞈ dzaˬ-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ baoˬ huiˬ-eu tsawˇ jeuˬ pyeuꞈ laˇ tehꞈ-a.
Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.
ကြော်ငြာတွေ