Dawˬmehˬ 5:18 - Akha

¹⁸ “Aˬ cawˬ-euˬ miˬ zaˬ yo zaˬ-ahˇ nawˇ maˬ ya bahˬ-a.

Dawˬmehˬ 5:18 ပူးပေါင်းရင်းမြစ်များ

2 Saˬmeuˬlaˆ 11:4

Daˬbiˇ tsawˇ haˬ pyehˬ gʼeh-awˇ, zaˬ miˬ zaˬ kʼoeˇ gʼaˬ-ahˇ bi sheuˬ laˬ-iˇ-awˇ, yuꞈ taꞈ jawˇ taꞈ-euˬ meh. (Zaˬ miˬ zaˬ kʼoeˇ gʼaˬ ba la mawˇ le gʼaˬ-awˇ, aˬ yawˇ yawꞈ mˇ shawˇ gʼaˬ-euˬ tiˬ dehˬ pyeuꞈ-eu meh.) Kʼoeˇ loꞈ-ehˇ yuꞈ taꞈ jawˇ taꞈ gʼaˬ-awˇ, zaˬ miˬ zaˬ kʼoeˇ gʼaˬ gʼoꞈ-iˇ-euˬ meh.

Doˆ-iˇ 20:14

“Aˬ cawˬ-euˬ miˬ zaˬ-ahˇ nawˇ maˬ ya bahˬ maˬ ya muˆ-a.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Maꞈtehˬ 19:18

A yawꞈ ehˇ-eu, “Zahˇ dawˬ kʼoꞈ dawˬ aˬ geu deuˬ-ahˇ ya caw teh ta.” Yeˬsuˇ ehˇ-eu, “Tsawˇ haˬ taˬ sehꞈ. Aˬ cawˬ-euˬ miˬ zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ.

Maˬkuˆ 10:19

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Tsawˇ haˬ taˬ sehꞈ. Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Jaˬ myawꞈ taˬ myawꞈ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Luˇkaꞈ 18:20

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Tsawˇ haˬ taˬ sehꞈ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Lormav 13:9

“Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Tsawˇ haˬ taˬ sehꞈ. Smˇ kʼoeˬ taˬ kʼoeˬ. Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ ehˇ taˬ-euˬ zahˇ dawˬ kʼoꞈ dawˬ heu deuˬ uˬ taꞈ, zahˇ dawˬ kʼoꞈ dawˬ nui deuˬ dawˬ tawˆ luꞈ, “Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ” lehˇ ehˇ-eu dawˬ heu dawˬ laꞈ kʼoeˇ ahˇ jiˇ-eu meh.