Dawˬmehˬ 4:9 - Akha

⁹ Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 4:9 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Doˆ-iˇ 10:2

zahˬ leˇ paˬ-ehˇ gʼeh-eu gaˇ heu deuˬ mˇ mehˬ nehˬ-eu laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˬ neh aˬ joˆ-ehˇ laˆ shaˬ laˆ zahˬ nehˬ-euˬ gaˇ kawˆ, naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ naw maꞈ dzawˇ nehˬ nya ni maˬ ehˇ, sahˬ paˬ kʼoeˇ gʼaˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma gʼahˇ ni ngaˇ jahˇ nehˬ taˬ-euˬ ma. Ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ, naw maꞈ dawˬ tawˆ luꞈ ya siˬ ya mawˇ tehꞈ-a.”

Doˆ-iˇ 23:13

“Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼaˇ ehˇ nehˬ-eu jeˬ-ahˇ, naw maꞈ naˇ haˬ geuꞈ-awˬ. Miˬyehˇ nui gʼaˬ-ahˇ naw maꞈ uˬ duˬ maˬ ya tahˬ shaˇ-a. Aˬ yawꞈ-euˬ tsawˇ myahˇ-ahˇ tehꞈ-ehˇ kʼawꞈ maˬ ya kuˇ-a.

Dawqdaq 1:8

Ngaˬ li-oˇ, nawˬ da dawˬ mehˬ dawˬ tsoˆ tsoˆ gaˇ naˇ haˬ geuꞈ-awˇ, nawˬ ma neh mehˬ nehˬ laꞈ-euˬ dawˬ-ahˇ taˬ byehˇ.

Dawqdaq 23:26

Ngaˬ li-oˇ, nui ma laꞈ kʼoeˇ ngaˬ-ahˇ haw tsoˆ taˬ-awˇ, ngaˬ-euˬ dehꞈ jeˬ dehꞈ kawˆ-ahˇ dzaw geuꞈ-awˬ.

Dawqdaq 3:21

Ngaˬ li-oˇ, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ ziꞈ dah ni tuˆ teh taˬ-awˇ, nawˬ-euˬ laꞈ-ahˇ neh taˬ bi iˇ doˆ.

Dawqdaq 7:1

Ngaˬ li-oˇ, ngaˬ neh kʼaˇ ehˇ-euˬ jeˬ juiˇ uiˬ taˬ-awˬ. Pyuˇ shuiˇ jeˬ hmˬ taˬ-eu loꞈ-ehˇ, ngaˬ neh mehˬ nehˬ tsoˆ nehˬ-euˬ dawˬ deuˬ jeˬ hmˬ taˬ-awˬ.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Iˇsaˬyaˇ 42:20

Iˇsaˬleˬlaˆ-oˇ, nawˬ neh mawˇ-euˬ jeˬ maˬ gui jiˇ coeˇ-a. Ehˇ kʼawꞈ, dawˬ tsuiꞈ gʼoˆ nya ma loˇ. Naw maꞈ gaˬ-eu naˬ bawˇ tsoꞈ kʼawꞈ, gaˬ duˬ taˬ-euˬ aˬ jeˬ jaˆ te.”

Yeˬlaˬmiˇ 17:21

Aˬ yawꞈ maꞈ maˬ shiˇ-ehˇ dehꞈ mawꞈ naˇ, jawˇ nah ngeh nah-ahˇ myawˬ ma ya baꞈ maˬ ya pi-a lehˇ ehˇ nehˬ-awˬ. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ neh myawˬ maˬ ya sha ahˇ-a.

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 11:19

Naw maꞈ-euˬ zaˬ deuˬ-ahˇ zahˇ dawˬ kʼoꞈ dawˬ kʼoeˇ deuˬ mehˬ nehˬ tsoˆ nehˬ-awˬ. Naw maꞈ iˇ kahˇ jawˇ ngeh maˬ ehˇ, gaˇ mahˇ kaˬ gaˇ iˇ ngeh maˬ ehˇ, gʼaˬ naˬ naˬ ngeh maˬ ehˇ, gaˇ mˇ ngeh maˬ ehˇ, zahˇ dawˬ kʼoꞈ dawˬ gaˇ kawˆ ja uˇ ja uˇ-ehˇ jawˇ-awˬ.

Dawˬmehˬ 12:1

“Heu-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ kʼoeˇ kʼahˬ laꞈ kʼoeˇ kʼaˇ jawˇ kʼoeˇ keuˆ ni, naw maꞈ ya caw teh-eu zahˇ sahˇ kʼoꞈ deuˬ meh. Zahˇ dawˬ kʼoꞈ dawˬ heu deuˬ-ahˇ naˇ haˬ sheˇ.

Dawˬmehˬ 16:3

Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.

Dawˬmehˬ 17:19

Sahˬpaˬ Miˬyehˇ-ahˇ taˬ huiˬ taˬ mahˇ nya laˇ-awˇ, kʼoeˇ gaˇ kʼaˇ boꞈ taˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ-eu laꞈ kʼoeˇ caw teh nya laˇ ni, sahˬ boꞈ paˇ dmˬ kʼoeˇ aˬ yawꞈ dawˬ peh bi jaˆ-awˇ, ziˇ jiˇ leˇ ngeh keuˆ ni ya gui meh.

Dawˬmehˬ 29:29

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh zaꞈ taˬ-euˬ jeˬ jaˆ-eu meh. Ehˇ kʼawꞈ, aˬ yawꞈ-euˬ Zahˇ dawˬ kʼoꞈ dawˬ deuˬ aˬ dui-ahˇ pah mehˬ laꞈ-euˬ loꞈ-ehˇ, aˬ dui hawˇ-eu aˬ dui-euˬ zaˬ deuˬ mˬ maˬ maˬ byaˆ zaˇ ziˇ ya naˇ haˬ geuꞈ tehꞈ-a.

Dawˬmehˬ 31:19

“Caˇ dawˬ heu bymˇ nymˬ-mˇ boꞈ-awˬ. Iˇsaˬleˬlaˆ tsawˇ haˬ deuˬ-euˬ mehˬ shi saˇ kiˇ pyeuꞈ ni, caˇ dawˬ heu bymˇ aˬ yawꞈ maꞈ-ahˇ mehˬ nehˬ-awˬ.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Dawˬmehˬ 4:10

Siˇnaˆ gawˬ jawˬ-ahˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi naw maꞈ yawꞈ ngeh nah, aˬ yawꞈ ngaˬ-ahˇ ehˇ-eu, ‘Iˇsaˬleˬlaˆ tsawˇ haˬ deuˬ kuˇ uiˬ-awˬ. Aˬ yawꞈ maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ ngaˬ-euˬ ehˇ dawˬ naˇ haˬ geuꞈ-awˇ, aˬ yawꞈ maꞈ-euˬ zaˬ deuˬ ngaˬ-ahˇ guˆ ni, aˬ yawꞈ maꞈ mehˬ nehˬ tsoˆ nehˬ nya-eu gʼaˇ duˬ, aˬ yawꞈ maꞈ-ahˇ ngaˬ-euˬ dawˬ bi gaˬ mawꞈ nya’ lehˇ ehˇ-eu meh. Aˬ yawꞈ neh ehˇ-euˬ dawˬ kʼoeˇ dawˬ-ahˇ naw maꞈ taˬ ngehˇ.

Dawˬmehˬ 4:15

“Siˇnaˆ gawˬ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh, aˬ yawꞈ-euˬ gʼawˇ mawˇ seuˆ dzeuꞈ-ahˇ naw maꞈ maˬ ya mawˇ-aˬ. Kʼoeˇ miˇ neh, kʼaˬ dzeˇ zaˬ hawˇ-eu zaˬ miˬ zaˬ-ahˇ maˬ ehˇ, jeˬ zaˬ hawˇ-eu aˇ jiˇ-ahˇ maˬ ehˇ, miˇ tsaˬ-ahˇ joe joe-ehˇ cah-eu jeˬ hawˇ-eu ngaˬ shaˬ-ahˇ maˬ ehˇ, kʼoeˇ deuˬ-ahˇ duˇ leˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ tehˆ-eu laꞈ kʼoeˇ, naw maꞈ iˬ baˇ maˬ ya mˇ ni yawˬ haˇ yawˬ ha yahˇ-awˬ.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 6:12

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Dawˬmehˬ 6:20

“ ‘Zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ ya caw teh meh loˇ. Aˬ jeˬ miˇ neh aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ dawˬ biꞈ laꞈ taˬ’ lehˇ, aˬ kaˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ tehꞈ-a. Kʼoeˇ ngeh, heu loꞈ-ehˇ ehˇ mehˬ nehˬ-awˬ.

Dawˬmehˬ 6:7

Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.

Dawˬmehˬ 8:11

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ maˬ ya ngehˇ ni, yaw kʼaˆ-ehˇ yahˇ yahˇ-ehˇ dehꞈ-awˬ. Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ-ahˇ, tiˬ dawˬ-iˬ maˬ byehˇ dzeh ni caw teh-awˬ.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Yaˬkoˆ 2:22

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.

Yawˇshuˆ 1:18

Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”

Yawˇshuˆ 23:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ maˬ ngehˇ ni gaˬ-awˬ.

Yawˇshuˆ 4:21

Iˇsaˬleˬlaˆ tsawˇ haˬ deuˬ-ahˇ aˬ yawꞈ ehˇ nehˬ-eu, “Kʼaˬ lo heu deuˬ-euˬ dawˬ tsuiꞈ aˬ jeˬ-a lehˇ, aˬ kaˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ ngeh,

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.

Yaˇ kʼaˬ daˇ 3:7

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, Baˬlaˇ hawˇ-eu Aˬsheˇlaˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ meh.

Yaˇ kʼaˬ daˇ 8:34

Aˬ yawꞈ maꞈ-euˬ jawˬ jawˬ-ehˇ jawˇ luꞈ-eu muiˇ-eu deuˬ dawˬ tawˆ luꞈ-euˬ laꞈ-ahˇ neh aˬ yawꞈ maꞈ-ahˇ ka kʼoꞈ-euˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ maˬ tahˬ ni byehˇ-euˬ meh.