Dawˬmehˬ 4:6 - Akha

⁶ Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

Dawˬmehˬ 4:6 ပူးပေါင်းရင်းမြစ်များ

1 Sahˬpaˬ 4:34

Sawˇlaˬmoˬ zaˬ siˬ tsawˇ gahˇ ahˇ dui dui-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ ya gaˬ jiˇ-euˬ miˇ neh, tsawˇ haˬ pyehˬ gʼeh-awˇ, Sawˇlaˬmoˬ-euˬ dawˬ-ahˇ bi naˇ haˬ geuꞈ-iˇ-euˬ meh.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 19:7

SahˬpaˬMiˬyehˇ-euˬ Zahˇdawˬ-aˬ, byah dui dui-eu Zahˇdawˬpyeuꞈ-awˇ, nui ma-ahˇgʼaˬbi ahˇ-eu meh. SahˬpaˬMiˬyehˇbiꞈ-euˬdawˬ-aˬ, jah coeˇdui dui-eu dawˬpyeuꞈ-awˇ, maˬsiˬmaˬnya-eu tsawˇhaˬ-ahˇ, zaˬsiˬtsawˇgahˇbiꞈlahˬ-eu meh.

Jaceuq 19:8

SahˬpaˬMiˬyehˇ-euˬ zahˇkʼoꞈ-aˬ, tsaˬ-eu dawˇ-eu zahˇkʼoꞈpyeuꞈ-awˇ, naˇhaˬgeuꞈ-eu tsawˇhaˬdeuˬ-ahˇ, laˬkʼaˬcehˇ-eu jeˬ biꞈ-eu meh. SahˬpaˬMiˬyehˇbiꞈ-euˬdawˬ-aˬ, shawˇjehˆni gʼeh-eu dawˬpyeuꞈ-awˇ, myaˆnuiˆbi mawˇshawˇlaˇ-eu meh.

Dawqdaq 1:4

Maˬ bym maˬ byehˆ-eu deuˬ-ahˇ bi bym bi byehˆ laˇ nya-awˇ, zaˬ guˬ deuˬ-ahˇ gaˇ dahˇ tsoeˬ-eu tsawˇ haˬ bi pyeuꞈ laˇ nya-eu meh.

Dawqdaq 1:5

Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 14:34

Tsawˇ jeuˬ bi huiˬ bi mahˇ laˇ-eu zaˬ siˬ tsawˇ gahˇ pyeuꞈ-awˇ, tsawˇ jeuˬ byoˆ le ni mˇ-eu gʼaˬ iˬ baˇ meh.

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Iˇsaˬyaˇ 42:21

Sahˬpaˬ Miˬyehˇ ka kʼoꞈ-eu nui ma keuˆ-eu miˇ neh, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ bi goˇ-awˇ, aˬ yawꞈ-euˬ tsawˇ haˬ deuˬ zahˇ dawˬ kʼoꞈ dawˬ-ahˇ taˬ huiˬ gaˇ, aˬ yawꞈ haw mawꞈ mawˇ mawꞈ-eu meh.

Yeˬlaˬmiˇ 8:9

Zaˬ siˬ tsawˇ gahˇ ahˇ-eu deuˬ ya shaꞈ dawˇ tehꞈ-a. Baw gʼaꞈ-ahˇ teuˆ lahˇ-euˬ loꞈ-ehˇ ya shaˬ tehꞈ-a. Ngaˬ-euˬ zahˇ dawˬ kʼoꞈ dawˬ-ahˇ byehˇ dzeh gʼaˬ-euˬ-aˬ, zaˬ siˬ tsawˇ gahˇ aˬ geu jeˬ paˇ ahˇ nmˇ.

Yeˬsaˬgeˬlaˇ 5:5

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ haw sheˇ. Aˬ yawꞈ-ahˇ ngaˇ miˇ tsaˬ-euˬ gʼahˇ ceh bi jaˆ-awˇ, aˬ cawˬ miˇ kʼahˬ deuˬ aˬ yawꞈ-euˬ tiˬ jawˬ bi jaˆ-euˬ ma.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Daˬyeˬlaˇ 4:9

Mah loˬ ja maw nya-eu deuˬ dawˬ tawˆ kʼoeˇ taˆ huiˬ dzehˬ-eu Beˬteˬshaˬzaˬ-oˇ, muiˬ-eu shawˇ-eu miˬ yehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, kʼaˇ zaꞈ taˬ-euˬ jeˬ dawˬ tawˆ luꞈ nawˇ siˬ nya meh lehˇ ngaˇ jah ma. Ngaˇ yuꞈ maˆ heu loꞈ-ehˇ maˆ-euˬ ma. Dawˬ tsuiꞈ tiˬ poˆ yuˇ doˆ nehˬ laꞈ sheˇ.

Hawˇseˬ 8:12

Zahˇ dawˬ kʼoꞈ dawˬ aˇ muiˇ aˇ seh, aˬ yawꞈ maꞈ-ahˇ boꞈ mehˬ nehˬ kʼawꞈ, maˬ gaˬ maˬ mawˇ haw-euˬ loꞈ-ehˇ, myaˆ haw maˬ cawˬ ni byehˇ tehꞈ-a.

Maˬlaˬkiˇ 3:12

Kʼoeˇ naˇ, miˇ kʼahˬ tsawˇ jeuˬ dawˬ tawˆ luꞈ, naw maꞈ-ahˇ guiˬ lahˬ huiˬ-eu tsawˇ jeuˬ lehˇ kuˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ miˇ kʼahˬ-aˬ, jawˇ muiˬ dui dui-eu miˇ kʼahˬ meh.”

Dawˬmehˬ 29:9

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, baw le za le ni, dawˬ ma saˇ jaˇ dawˬ heu deuˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ-awˬ.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.