Dawˬmehˬ 4:44 - Akha

⁴⁴ Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-euˬ jeˬ, Iˇsaˬleˬlaˆ tsawˇ haˬ deuˬ-ahˇ Moˇseˬ biꞈ nehˬ-euˬ meh.

Dawˬmehˬ 4:44 ပူးပေါင်းရင်းမြစ်များ

2 Sahˬpaˬ 17:37

Ngaˬ neh naw maꞈ gʼaˇ duˬ boꞈ taˬ-euˬ zahˇ dawˬ kʼoꞈ dawˬ deuˬ hawˇ-eu, ngaˬ-euˬ ehˇ dawˬ-ahˇ naw maꞈ aˬ myah luꞈ naˇ haˬ geuꞈ-awˬ. Miˬyehˇ nui deuˬ-euˬ dawˬ naw maꞈ taˬ naˇ haˬ geuꞈ.

Uˬ duˬ 27:34

Heu deuˬ-a, Iˇsaˬleˬlaˆ tsawˇ haˬ deuˬ gʼaˇ duˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ biꞈ nehˬ-euˬ zahˇ dawˬ kʼoꞈ dawˬ deuˬ pyeuꞈ-eu meh.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Bawˇtsahˬ 36:13

Heu-aˬ, Yeˬliˇkoˇ meuˬ kʼoeˇ paw paˆ, Yawˇdaˬ lawˇ baˬ nui baˬ paw jaˆ-eu Mawˇbaˆ miˇ kʼahˬ deh ga laꞈ kʼoeˇ, Moˇseˬ-ahˇ gʼoe-awˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ pyeuꞈ-eu meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Dawˬmehˬ 1:5

Yawˇdaˬ lawˇ baˬ nahˇ ma doˆ kʼehˬ paw jaˆ-eu Mawˇbaˆ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ jawˇ luꞈ ngeh, Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu mehˬ nehˬ tsoˆ nehˬ-euˬ jeˬ gaˇ kawˆ, aˬ yawꞈ maꞈ-ahˇ Moˇseˬ mehˬ duˬ nehˬ-euˬ meh. Aˬ yawꞈ ehˇ-eu,

Dawˬmehˬ 27:26

“ ‘Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-eu jeˬ dawˬ tawˆ luꞈ-ahˇ maˬ naˇ haˬ geuꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 27:3

Zahˇ dawˬ kʼoꞈ dawˬ heu deuˬ hawˇ-eu mehˬ nehˬ tsoˆ nehˬ-euˬ dawˬ heu deuˬ dawˬ tawˆ luꞈ, kʼaˬ lo kʼoeˇ deuˬ kʼoeˇ taˆ ya boꞈ taˬ meh. Nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ nawˇ jawˇ uˇ keuˆ leˇ-awˇ,

Dawˬmehˬ 27:8

Laꞈ nyiˇ paw miˇ tsaˬ maˇ taˬ-euˬ kʼaˬ lo kʼoeˇ deuˬ kʼoeˇ taˆ, Miˬyehˇ-euˬ zahˇ dawˬ kʼoꞈ dawˬ aˬ yawꞈ dawˬ yawꞈ yaw muiˬ paˬ-ehˇ mawˇ shawˇ laˇ ni ya boꞈ taˬ meh.”

Dawˬmehˬ 33:4

Moˇseˬ neh aˬ dui-ahˇ biꞈ-euˬ, aˬ dui gʼaˇ duˬ poeˬ dui dui-eu, Zahˇ dawˬ kʼoꞈ dawˬ-ahˇ caw teh ma.

Dawˬmehˬ 4:43

Luˇbeˬ tsawˇ jeuˬ gʼaˇ duˬ, bawˇ tsahˬ bawˇ dahˇ deh ga yaw goˇ-ahˇ jaˆ-eu Beˬzeˬlaˇ meuˬ meh. Gaˆ tsawˇ jeuˬ gʼaˇ duˬ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ meh. Maˬnaˇseˬ tsawˇ jeuˬ gʼaˇ duˬ, Baˬshaˬ miˇ kʼahˬ-ahˇ jaˆ-eu Goˬlaˬ meuˬ meh.

Dawˬmehˬ 4:45

Iˇjiˇtuˆ miˇ kʼahˬ laꞈ kʼoeˇ neh aˬ yawꞈ maꞈ doˆ laˇ-awˇ, Behˬpyawˇ meuˬ-euˬ nui baˬ paw Yawˇdaˬ lawˇ baˬ nahˇ ma doˆ kʼehˬ paw pyawˬ-ahˇ jaˆ-eu deh kʼawꞈ-ahˇ aˬ yawꞈ maꞈ jawˇ luꞈ ngeh, zahˇ dawˬ kʼoꞈ dawˬ heu deuˬ aˬ yawꞈ maꞈ-ahˇ aˬ yawꞈ biꞈ nehˬ-euˬ meh. Jawˇ duˬ kʼoeˇ tsahˇ-aˬ, Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬ paˬ Siˇhoˬ-euˬ miˇ kʼahˬ laꞈ kʼoeˇ jaˆ-eu meh. Moˇseˬ hawˇ-eu Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-awˇ, aˬ yawꞈ-ahˇ guiˇ deuˆ gʼaˬ-euˬ meh.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.