Dawˬmehˬ 4:43 - Akha

⁴³ Luˇbeˬ tsawˇ jeuˬ gʼaˇ duˬ, bawˇ tsahˬ bawˇ dahˇ deh ga yaw goˇ-ahˇ jaˆ-eu Beˬzeˬlaˇ meuˬ meh. Gaˆ tsawˇ jeuˬ gʼaˇ duˬ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ meh. Maˬnaˇseˬ tsawˇ jeuˬ gʼaˇ duˬ, Baˬshaˬ miˇ kʼahˬ-ahˇ jaˆ-eu Goˬlaˬ meuˬ meh.

Dawˬmehˬ 4:43 ပူးပေါင်းရင်းမြစ်များ

1 Sahˬpaˬ 4:13

Beˬgeˬbeuˬ-aˬ, Giˇlaˆ miˇ kʼahˬ Laˬmoˆ meuˬ, Giˇlaˆ miˇ kʼahˬ-ahˇ jaˆ-eu Maˬnaˇseˬ-euˬ zaˬ deuˬ uˆ deuˬ pyeuꞈ-eu Yaˬiˇlaˆ aˇ jeuˬ aˇ ca deuˬ jawˇ-eu pu deuˬ hawˇ-eu, Baˬshaˬ miˇ kʼahˬ-ahˇ jaˆ-eu Aˬgawˆ gahˬ kaˬ ahˇ leˇ-ehˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, lahˇ kʼehˬ-ahˇ guiˬ shuiˇ laˇ gʼoˆ jahˇ ahˇ taˬ-euˬ meuˬ meuˬ ma koꞈ tseˇ meuˬ-ahˇ haw-eu pyaˆ-eu gʼaˬ geuꞈ-euˬ meh.

1 Laˬsaˬbaˬ 6:63

Kʼoeˇ loꞈ-ehˇ duˇ ni, Luˇbeˬ miˇ kʼahˬ, Gaˆ miˇ kʼahˬ, Zeˬbuˬluˬ miˇ kʼahˬ heu deuˬ laꞈ kʼoeˇ jaˆ-eu meuˬ tseˇ nyiꞈ meuˬ, Meˬlaˬliˇ aˇ jeuˬ aˇ ca aˬ yawꞈ ca yawꞈ-ahˇ biˇ nehˬ-euˬ meh.

1 Laˬsaˬbaˬ 6:66

Kawˇhaˆ aˇ jeuˬ aˇ ca tiˬ paˆ na deuˬ-ahˇ, Eˇpaˬleˬ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu jeˬ zaˬ gaˆ kʼahˬ deuˬ biˇ nehˬ-euˬ meh.

1 Laˬsaˬbaˬ 6:71

Geˬlaˬshoˬ aˇ jeuˬ-ahˇ biˇ oꞈ nehˬ-euˬ meuˬ deuˬ hawˇ-eu jeˬ zaˬ gaˆ kʼahˬ deuˬ-aˬ, heu deuˬ pyeuꞈ-eu meh. Nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Baˬshaˬ gahˬ kaˬ-ahˇ jaˆ-eu Goˬlaˬ meuˬ, Aˬshaˇtaˬyoˇ meuˬ hawˇ-eu, meuˬ kʼoeˇ nyiˬ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

1 Laˬsaˬbaˬ 6:80

Gaˆ miˇ kʼahˬ laꞈ kʼoeˇ, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ,

Dawˬmehˬ 4:42

Tsawˇ haˬ tiˬ gʼaˬ na, yawˬ ha nehˬ-ehˇ nui ma laˆ naˇ taˬ-euˬ maˬ jaˆ-eu tsawˇ haˬ-ahˇ maˬ noeˬ maˬ duˇ-ehˇ laˆ tahˬ-awˇ bi shiˇ ngeh, meuˬ kʼoeˇ deuˬ-ahˇ cehˆ uˇ leˇ naˇ, buˬ-iˇ law-iˇ-eu meh. Meuˬ kʼoeˇ deuˬ laꞈ kʼoeˇ, tiˬ meuˬ na-ahˇ aˬ yawꞈ cehˆ uˇ leˇ naˇ, sehꞈ gaˇ maˬ ya daˬ-a.

Dawˬmehˬ 4:44

Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-euˬ jeˬ, Iˇsaˬleˬlaˆ tsawˇ haˬ deuˬ-ahˇ Moˇseˬ biꞈ nehˬ-euˬ meh.

Yawˇshuˆ 20:8

Yawˇdaˬ lawˇ baˬ nahˇ maˬ doˆ kʼehˬ paw baˬ-ahˇ, Yeˬliˇkoˇ meuˬ-euˬ nahˇ maˬ doˆ kʼehˬ paw, bawˇ tsahˬ bawˇ dahˇ deh ga yaw goˇ-ahˇ jaˆ-eu Luˇbeˬ miˇ kʼahˬ Beˬzeˬlaˇ meuˬ, Gaˆ miˇ kʼahˬ Giˇlaˆ gahˬ kaˬ-ahˇ jaˆ-eu Goˬlaˬ meuˬ, heu deuˬ-ahˇ aˬ yawꞈ maꞈ tseˇ doˆ-euˬ meh.

Yawˇshuˆ 21:27

Leˬbiˇ tsawˇ jeuˬ Geˬlaˬshoˬ aˇ jeuˬ-ahˇ, nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ meuˬ nyiˬ meuˬ biꞈ-euˬ meh. Meuˬ kʼoeˇ nyiˬ meuˬ-aˬ, Baˬshaˬ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Goˬlaˬ meuˬ hawˇ-eu, Biˇshaˬteˬlaˬ meuˬ meh. Meuˬ kʼoeˇ nyiˬ meuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.

Yawˇshuˆ 21:36

Luˇbeˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Beˬzeˬlaˇ meuˬ, Yaˬhaˇ meuˬ,

Yawˇshuˆ 21:38

Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh.