Dawˬmehˬ 4:32 - Akha

³² “Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.

Dawˬmehˬ 4:32 ပူးပေါင်းရင်းမြစ်များ

Aˇ dahˬ 1:27

Kʼoeˇ naˇ, tsawˇ haˬ zaˬ-ahˇ Miˬyehˇ beh-euˬ meh. Tsawˇ haˬ zaˬ-ahˇ aˬ yawꞈ beh ngeh, aˬ yawꞈ-ahˇ duˇ ni beh-euˬ meh. Zaˬ miˬ zaˬ hawˇ-eu kʼaˬ dzeˇ zaˬ aˬ yawꞈ beh-euˬ meh.

2 Saˬmeuˬlaˆ 7:23

Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, aˬ cawˬ tsawˇ jeuˬ-euˬ zaˬ kʼaˆ geuꞈ luꞈ ngeh nawˬ neh ka kʼoꞈ nehˬ laꞈ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ tiˬ jeuˬ-iˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ, huiˬ dui dui-eu gaˇ deuˬ hawˇ-eu, zahˬ leˇ paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˬ-euˬ tsawˇ myahˇ doˆ luꞈ meh. Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ tsawˇ haˬ deuˬ mehˬ hu paw laˇ luꞈ ngeh, aˬ cawˬ tsawˇ jeuˬ hawˇ-eu aˬ yawꞈ maꞈ-euˬ miˬyehˇ deuˬ-ahˇ nawˇ teh dzeh-euˬ meh.

Yawˇbaˆ 8:8

Aˇ hu-euˬ zaˬ siˬ tsawˇ gahˇ-ahˇ tiˬ poˆ paˇ haw sheˇ. Aˬ dui-euˬ aˬ poeˬ aˬ bawˇ deuˬ neh ehˇ duˬ taˬ yaꞈ-euˬ jeˬ-ahˇ shaˇ noeˬ haw sheˇ.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Doˆ-iˇ 34:10

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nymˬ-mˇ ngaˇ Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-eu ma. Miˇ tsaˬ heu kʼoeˇ taˆ tsawˇ jeuˬ tiˬ jeuˬ-iˬ maˬ ya mawˇ haw-euˬ kʼaˆ jeˬ-ehˇ gʼeh-eu jeˬ, aˬ yawꞈ maꞈ mehˬ shi ngaˇ jahˇ mehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, huiˬ dui dui-eu gaˇ deuˬ mˇ nya gaˇ, aˬ yawꞈ maꞈ dawˬ tawˆ luꞈ ya mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ mehˬ shi zahˬ dui dui leˇ paˬ-ehˇ gʼeh-eu jeˬ mˇ mehˬ nehˬ-eu lehˇ, ngaˇ lehˬ hmˬ taˬ-euˬ ma.

Iˇsaˬyaˇ 45:12

Miˇ tsaˬ tahˬ kʼawˇ heu-ahˇ beh-awˇ, tsawˇ haˬ beh-awˇ bi jawˇ-euˬ gʼaˬ ngaˇ ma. Ngaˬ-euˬ baoˬ-ahˇ gʼoe-awˇ, mˬ toˆ pyeh taˬ-euˬ gʼaˬ ngaˇ ma. Nahˇ ma, ba la, aˬ guiˇ dawˬ tawˆ luꞈ-ahˇ, ngaˇ nyehꞈ tehˬ taˬ-euˬ ma.

Yawˇlaˆ 1:2

Tsawˇ mawˬ tsawˇ kʼaˆ deuˬ naˇ haˬ-awˬ. Yuˇdaˆ miˇ kʼahˬ laꞈ kʼoeˇ jawˇ-eu, yawˬ gʼaˬ yawˬ na luꞈ naˇ haˬ-awˬ. Naw maꞈ-euˬ ziˇ laꞈ kʼoeˇ maˬ ehˇ, aˬ poeˬ aˬ bawˇ-euˬ ziˇ maˬ ehˇ, heu loꞈ-ehˇ gʼeh-eu gaˇ kawˆ heu, puˬ haw mawˇ haw-euˬ jaˆ meh loˇ.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 30:4

Nawˬ-euˬ tsawˇ haˬ tiˬ paˆ na deuˬ-aˬ, mˬ dzeˇ miˇ dzeˇ keuˆ ni kaˬ gaˇ cehˆ byaˆ taˬ-euˬ kʼawꞈ, aˬ yawꞈ paˇ sheuˬ kʼoꞈ uiˬ laꞈ tehꞈ-a.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Dawˬmehˬ 4:7

“Aˇ naˆ ni huiˬ-eu tsawˇ jeuˬ maˬ kaˬ, aˬ yawꞈ maꞈ loˬ ngeh caw ba nehˬ nya-eu aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ loꞈ-ehˇ gʼeh-eu miˬ yehˇ maˬ jawˇ-a. Aˬ yawꞈ-ahˇ aˬ dui loˬ-awˇ kʼaˇ shaˇ ngeh, aˬ dui-euˬ shaˇ dawˬ naˇ haˬ nehˬ laꞈ-eu meh.