Dawˬmehˬ 34:9 - Akha

⁹ Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

Dawˬmehˬ 34:9 ပူးပေါင်းရင်းမြစ်များ

1 Sahˬpaˬ 3:12

Nawˬ neh kʼaˇ shaˇ-euˬ jeˬ ngaˇ mˇ nehˬ ma. Aˇ hu ba neh tiˬ gʼaˬ-iˬ maˬ za haw-ehˇ, aˬ kaˇ kaˇ ziˇ keuˆ ni tiˬ gʼaˬ-iˬ maˬ paˇ za nya-eu zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu nui gahˇ deuˬ, nawˬ-ahˇ ngaˇ biꞈ ma.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

2 Sahˬpaˬ 2:15

Yeˬliˇkoˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ ngaˬ tseˇ gʼaˬ aˬ yawꞈ-ahˇ mawˇ-awˇ, “Eˇliˇyaˆ-euˬ baoˬ Eˇliˇshehˇ kʼoeˇ taˆ keuˆ le-euˬ nga” lehˇ ehˇ-awˇ, aˬ yawꞈ-euˬ mehˬ shi le-awˇ miˇ tsa awˆ byaˆ-euˬ meh.

2 Sahˬpaˬ 2:9

Kʼoeˇ gaˇ, Eˇliˇshehˇ-ahˇ Eˇliˇyaˆ ehˇ nehˬ-eu, “Aˇ nyaꞈ maˬ ya gʼawˬ-iˇ mi naˆ-ehˇ, nawˬ-ahˇ ngaˇ aˬ jeˬ ya jahˇ nehˬ yaꞈ nmˇ.” Eˇliˇshehˇ ehˇ-eu, “Nawˬ-euˬ dah zaˇ ngaˇ gaˇ mˇ yaꞈ nya ni, nawˬ-euˬ baoˬ ngaˬ-euˬ kʼoeˇ taˆ bi keuˆ le-awˬ.”

1 Laˬsaˬbaˬ 29:23

Kʼoeˇ naˇ, Sahˬpaˬ Miˬyehˇ neh laˆ saˆ taˬ-euˬ nuiˇ mahˬ pyeuꞈ-eu aˬ yawꞈ aˬ daˬ Daˬbiˇ-euˬ dzoeˬ dzaˬ nuiˇ mahˬ-ahˇ Sawˇlaˬmoˬ nuiˇ-awˇ, sahˬ paˬ keuˆ leˇ-euˬ meh. Aˬ yawꞈ-aˬ, baoˬ huiˬ-eu sahˬ paˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ jeuˬ lah ni aˬ yawꞈ-euˬ dawˬ-ahˇ naˇ haˬ geuꞈ-euˬ meh.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 28:3

Ngaˬ neh dm gʼaˬ dm lmˇ guꞈ-eu jeˬ-ahˇ taꞈ leˇ-eu zaˬ siˬ tsawˇ gahˇ kʼaˇ biꞈ taˬ-euˬ tsawˇ haˬ dawˬ tawˆ luꞈ kuˇ uiˬ-awˇ, ngaˬ-euˬ gaˇ bi mˇ-eu lehˇ, Aˬloˬ-euˬ gʼawˇ mawˇ ngaˬ-ahˇ a nehˬ-eu gʼaˇ duˬ, Aˬloˬ-ahˇ dm gʼaˬ dm lmˇ guꞈ nehˬ-awˬ lehˇ ehˇ nehˬ-awˬ.

Doˆ-iˇ 31:3

Laꞈ myawˬ laꞈ muˆ mˇ-eu jeˬ-ahˇ taꞈ leˇ-eu noeˬ doˆ mˇ doˆ nya-eu zaˬ siˬ tsawˇ gahˇ dawˬ tawˆ luꞈ, aˬ yawꞈ-ahˇ ngaˇ biꞈ gʼaˬ-euˬ ma.

Iˇsaˬyaˇ 11:2

Sahˬpaˬ Miˬyehˇ-euˬ Yaw sahˇ pyeuꞈ-eu, zaˬ siˬ nui gahˇ hawˇ-eu noeˬ siˬ noeˬ mawˇ nya-eu jeˬ biꞈ-eu yaw sahˇ, nui noeˬ nui duˇ hawˇ-eu baoˬ biꞈ-eu yaw sahˇ, tsawˇ gahˇ hawˇ-eu Sahˬpaˬ Miˬyehˇ-ahˇ guˆ-eu nui ma biꞈ-eu yaw sahˇ, aˬ yawꞈ kʼoeˇ taˆ keuˆ le tehꞈ-a.

Daˬyeˬlaˇ 6:3

Kʼoeˇ smˇ gʼaˬ laꞈ kʼoeˇ, Daˬyeˬlaˇ gʼaˬ aˬ cawˬ naˆ maˬ tseˇ gaˇ mˇ nya dzehˬ-eu meh. Aˬ yawꞈ bym dui nya dui dui-eu miˇ neh, miˇ kʼahˬ kʼahˬ lah ni kʼoeˇ taˆ bi haw bi pyaˆ-eu gʼaˇ duˬ sahˬ paˬ shaˇ noeˬ-euˬ meh.

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

Gawˇlawˇsehˇ 2:3

Aˬ yawꞈ-aˬ, zaꞈ taˬ-euˬ pyuˇ pahˬ shuiˇ pahˬ-ahˇ duˇ-eu Miˬyehˇ-euˬ zaˬ siˬ tsawˇ gahˇ deuˬ-ahˇ pah dzeh-eu mawˬ tawꞈ kahˬ pyeuꞈ-eu meh.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.