Dawˬmehˬ 34:4 - Akha

⁴ Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

Dawˬmehˬ 34:4 ပူးပေါင်းရင်းမြစ်များ

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Bawˇtsahˬ 20:12

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ-ahˇ Sahˬpaˬ Miˬyehˇ nui ma maˬ saˇ-ehˇ ehˇ-eu, “Naw nyaꞈ-aˬ, ngaˬ-ahˇ jah-eu maˬ byah maˬ loꞈ-euˬ laꞈ kʼoeˇ, Iˇsaˬleˬlaˆ tsawˇ haˬ heu myaˆ ni gʼeh-eu mehˬ shi, ngaˬ-euˬ muiˬ-eu shawˇ-eu baoˬ-ahˇ yaw zeu maˬ baw-eu miˇ neh, tsawˇ haˬ heu deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ naw nyaꞈ maˬ paˇ ya sheuˬ uˇ gʼeh meh.”

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Dawˬmehˬ 1:37

Naw maꞈ baˬ da neh, ngaˬ-ahˇ kʼawꞈ Sahˬpaˬ Miˬyehˇ nui ma pehˇ-awˇ, heu loꞈ-ehˇ ehˇ-eu meh. ‘Moˇseˬ nawˇ kʼawꞈ miˇ kʼahˬ kʼoeˇ kʼahˬ-ahˇ maˬ ya uˇ leˇ-a.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 32:52

Miˇ kʼahˬ kʼoeˇ kʼahˬ-ahˇ gaˇ mahˇ kaˬ gaˇ neh nawˇ ya haw mawˇ tehꞈ-a. Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ-euˬ miˇ kʼahˬ laꞈ kʼoeˇ nawˇ maˬ ya le uˇ-a.”

Yawˇshuˆ 21:43

Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh.

Yaˇ kʼaˬ daˇ 1:16

Moˇseˬ-euˬ aˬ mawˬ-euˬ zaˬ deuˬ uˆ deuˬ pyeuꞈ-eu Kaˬnaˆ tsawˇ haˬ deuˬ-aˬ, Saˬloˬ aˇ bawˇ bawˇ yaˇ-euˬ meuˬ pyeuꞈ-eu Yeˬliˇkoˇ meuˬ-ahˇ neh Yuˇdaˆ miˇ kʼahˬ laꞈ kʼoeˇ Aˬlaˬdaˇ meuˬ-euˬ laꞈ oˆ paw deˬ ko ni gʼeh-eu miˇ kʼahˬ-ahˇ, Yuˇdaˆ tsawˇ haˬ deuˬ nehˬ-ehˇ iˇ gʼeh-awˇ, Aˬmaˬlehˇ tsawˇ haˬ deuˬ nehˬ-ehˇ jawˇ-iˇ-euˬ meh.