Dawˬmehˬ 34:3 - Akha

³ Yuˇdaˆ miˇ kʼahˬ laꞈ oˆ dzaˬ maˬ ehˇ, Zoˇlaˆ meuˬ-ahˇ neh Yeˬliˇkoˇ meuˬ-ahˇ keuˆ ni jaˆ-eu deh ga maˬ ehˇ, daoˇ aˇ bawˇ dehꞈ-eu meuˬ maˬ ehˇ, mehˬ nehˬ-euˬ meh.

Dawˬmehˬ 34:3 ပူးပေါင်းရင်းမြစ်များ

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Aˇ dahˬ 14:2

Sawˇdoˬ sahˬ paˬ Beˇlaˬ, Gawˇmawˇlaˆ sahˬ paˬ Beuˬshaˬ, Aˬdaˬmaˬ sahˬ paˬ Shiˇ -nahˬ, Zeˬbaiˬ sahˬ paˬ Shehˬmiˇbaˬ hawˇ-eu Beˬlaˬ sahˬ paˬ, heu ngaˬ gʼaˬ-ahˇ guiˇ deuˆ-euˬ meh.

Aˇ dahˬ 14:8

Kʼoeˇ naˇ, Sawˇdoˬ sahˬ paˬ, Gawˇmawˇlaˆ sahˬ paˬ, Aˬdaˬmaˬ sahˬ paˬ, Zeˬbaiˬ sahˬ paˬ, Beˬlaˬ sahˬ paˬ kʼoeˇ deuˬ-aˬ, aˬ yawꞈ maꞈ-euˬ guiˇ maꞈ deuˬ-ahˇ Siˇdmˬ deh ga ga ma-ahˇ sheuˬ ka taˬ-awˇ, guiˇ deuˆ-eu gʼaˇ duˬ lehˬ hmˬ taˬ-euˬ meh.

Aˇ dahˬ 19:22

Yaw kawˇ ma-ehˇ cehˆ coeˬ coeˬ gʼeh-awˬ. Nawˇ kʼoeˇ gaˇ maˬ cehˆ keuˆ kʼoeˇ keuˆ ni, ngaˇ tiˬ jeˬ-iˬ maˬ jahˇ te siˬ.” Meuˬ kʼoeˇ meuˬ-ahˇ Lawˇtaˬ neh meuˬ meuˬ zaˬ lehˇ kuˇ-euˬ miˇ neh, Zoˇlaˆ meuˬ lehˇ myahˇ nehˬ-euˬ meh.

2 Laˬsaˬbaˬ 28:15

Aˬ yawꞈ maꞈ neh deuˆ za laꞈ-euˬ myawˬ deuˬ yuˇ-awˇ, aˬ yawꞈ maꞈ neh nyehꞈ laꞈ-euˬ tsawˇ haˬ deuˬ-ahˇ dm gʼaˬ dm lmˇ bi biˇ nehˬ-eu gʼaˇ duˬ, aˬ yawꞈ maꞈ-ahˇ laˆ tsoeˬ-eu aˬ yuiꞈ aˬ tsu kʼoeˇ oeˬ gʼaˬ-ahˇ tseˇ doˆ-euˬ meh. Aˬ yuiꞈ aˬ tsu kʼoeˇ oeˬ gʼaˬ-aˬ, tsawˇ haˬ kʼoeˇ deuˬ-ahˇ, mehˬ tsoeˬ deuˬ, sehˬ nawˆ deuˬ hawˇ-eu dzaˬ dzaˬ dawˇ dawˇ biꞈ loꞈ nehˬ-awˇ, maˇ kʼehˬ maˇ naˇ deuˬ-ahˇ saˬ loˬ tsiˇ lehꞈ-awˇ laˆ saˆ nehˬ-euˬ meh. Gaˇ ma maˬ cah nya-ehˇ pyeuꞈ-iˇ-euˬ deuˬ-ahˇ mahˬ tahˬ laˆ bi dziˬ-awˇ, nyehꞈ laꞈ-euˬ tsawˇ haˬ kʼoeˇ deuˬ dawˬ tawˆ luꞈ-ahˇ, Yuˇdaˆ miˇ kʼahˬ-euˬ miˇ kaˬ-ahˇ jaˆ-eu daoˇ aˇ bawˇ-euˬ meuˬ lehˇ kuˇ-eu Yeˬliˇkoˇ meuˬ-ahˇ sheuˬ ha kʼoꞈ nehˬ-iˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Saˬmaˬliˆ meuˬ-ahˇ gʼoꞈ leˇ-euˬ meh.

Bawˇtsahˬ 34:3

Naw maꞈ miˇ kʼahˬ laꞈ oˆ paw pyawˬ-euˬ miˇ kaˬ-aˬ, Ziˇnaˆ bawˇ tsahˬ bawˇ dahˇ-ahˇ neh Eˬdoˬ miˇ kʼahˬ-euˬ miˇ kaˬ-ahˇ keuˆ ni meh. Laꞈ oˆ paw pyawˬ miˇ kaˬ kʼoeˇ-aˬ, Shiˇ-eu Iˬ ma laˆ shaˆ lah dahˬ paw coeˇ-ahˇ neh aˇ dahˬ beh-eu meh.

Yaˇ kʼaˬ daˇ 1:16

Moˇseˬ-euˬ aˬ mawˬ-euˬ zaˬ deuˬ uˆ deuˬ pyeuꞈ-eu Kaˬnaˆ tsawˇ haˬ deuˬ-aˬ, Saˬloˬ aˇ bawˇ bawˇ yaˇ-euˬ meuˬ pyeuꞈ-eu Yeˬliˇkoˇ meuˬ-ahˇ neh Yuˇdaˆ miˇ kʼahˬ laꞈ kʼoeˇ Aˬlaˬdaˇ meuˬ-euˬ laꞈ oˆ paw deˬ ko ni gʼeh-eu miˇ kʼahˬ-ahˇ, Yuˇdaˆ tsawˇ haˬ deuˬ nehˬ-ehˇ iˇ gʼeh-awˇ, Aˬmaˬlehˇ tsawˇ haˬ deuˬ nehˬ-ehˇ jawˇ-iˇ-euˬ meh.

Yaˇ kʼaˬ daˇ 3:13

Eˇgaˬloˬ-aˬ, Aˬmoˬ tsawˇ haˬ deuˬ hawˇ-eu Aˬmaˬlehˇ tsawˇ haˬ deuˬ nehˬ-ehˇ gm leˇ-awˇ, Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-awˇ, Saˬloˬ aˇ bawˇ bawˇ yaˇ-euˬ meuˬ pyeuꞈ-eu Yeˬliˇkoˇ meuˬ-ahˇ deuˆ za geuꞈ-euˬ meh.