Dawˬmehˬ 34:1 - Akha

¹ Mawˇbaˆ miˇ kʼahˬ deh ga-ahˇ neh Neˬboˬ gawˬ jawˬ-ahˇ Moˇseˬ daˆ leˇ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ uˬ duˬ daˆ keuˆ leˇ-euˬ meh. Kʼoeˇ gaˇ jawˇ-awˇ, miˇ kʼahˬ kʼoeˇ kʼahˬ kʼahˬ lah ni, Sahˬpaˬ Miˬyehˇ aˬ yawꞈ-ahˇ mehˬ nehˬ-euˬ meh. Laꞈ taˆ paw Daˬ meuˬ-ahˇ keuˆ ni jaˆ-eu Giˇlaˆ miˇ kʼahˬ maˬ ehˇ,

Dawˬmehˬ 34:1 ပူးပေါင်းရင်းမြစ်များ

Aˇ dahˬ 13:14

Lawˇtaˬ doˆ-iˇ dzeuˇ ngeh jawˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ jawˇ gaˇ jawˇ-awˇ miˇ ma oeˬ coeˇ oeˬ pyawˬ-ahˇ haw gʼeh-iˬ sheˇ.

Aˇ dahˬ 14:14

Lawˇtaˬ-ahˇ aˬ cawˬ nyehꞈ gʼeh-euˬ gaˇ kawˆ Aˬbyaˬ ya gaˬ ngeh, aˬ yawꞈ nehˬ-ehˇ jawˇ-eu guiˇ kʼaˇ deuˆ nya-eu tsawˇ haˬ deuˬ kuˇ uiˬ-euˬ meh. Guiˇ deuˆ-eu tsawˇ haˬ dawˬ tawˆ luꞈ smˬ yaˇ tseˇ yehꞈ gʼaˬ doˆ laˇ-awˇ, sahˬ paˬ kʼoeˇ oeˬ gʼaˬ-euˬ mehˬ nah Daˬ meuˬ-ahˇ keuˆ ni caw teh-euˬ meh.

Yeˬsaˬgeˬlaˇ 40:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ Iˇsaˬleˬlaˆ miˇ kʼahˬ laꞈ kʼoeˇ sheuˬ gʼeh-awˇ, gawˬ jawˬ yaw goˇ tiˬ jawˬ kʼoeˇ taˆ ciˬ taˬ nehˬ laꞈ-euˬ meh. Ngaˬ-euˬ mehˬ shi nymˇ tiˬ deuˬ jaˆ-awˇ, meuˬ-ahˇ duˇ gaˇ ya mawˇ-euˬ ma.

Bawˇtsahˬ 21:20

Baˬmo-ahˇ neh naˇ, Mawˇbaˆ miˇ kʼahˬ-ahˇ jaˆ-eu deh kʼawꞈ-ahˇ aˬ yawꞈ maꞈ iˇ-euˬ meh. Deh kʼawꞈ kʼoeˇ kʼawꞈ-aˬ, bawˇ tsahˬ bawˇ dahˇ dawˬ peh jaˆ-eu Piˇsaˬgaˬ gawˬ jawˬ uˬ du-euˬ laꞈ oˆ paw dzeˇ jaˆ-eu meh.

Bawˇtsahˬ 23:14

Piˇsaˬgaˬ gawˬ jawˬ uˬ du jaˆ-eu Zoˇpymˬ deh yaˇ-ahˇ, Baˬlamˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ kʼawꞈ, lawˇ duˬ shiꞈ hmˬ aˬ yawꞈ tsoˆ-awˇ, aˬ yawꞈ hmˬ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ meh.

Bawˇtsahˬ 27:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬbaˬleˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh luꞈ-eu miˇ kʼahˬ-ahˇ haw gʼeh-awˬ.

Dawˬmehˬ 3:27

Piˇsaˬgaˬ gawˬ jawˬ uˬ du daˆ leˇ-awˇ, laꞈ taˆ paw pyawˬ-ahˇ maˬ ehˇ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, nahˇ ma ga kʼehˬ paw pyawˬ-ahˇ maˬ ehˇ, haw gʼeh-awˬ. Kʼaˇ ya mawˇ-eu jeˬ-ahˇ yaw duˬ duˬ-ehˇ haw-awˬ. Aˬ jeˬ miˇ neh ehˇ naˇ, Yawˇdaˬ lawˇ baˬ kʼoeˇ paw baˬ-ahˇ nawˇ maˬ paˇ ya le tsehˆ meh.

Dawˬmehˬ 32:49

“Yeˬliˇkoˇ meuˬ-euˬ tiˬ dawˇ heu baˬ-ahˇ jaˆ-eu Mawˇbaˆ miˇ kʼahˬ Aˬbaˬleˬ gawˬ jawˬ jaˆ gaˇ le-awˬ. Neˬboˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh-eu Kaˬnaˬ miˇ kʼahˬ-ahˇ haw gʼeh-awˬ.

Dawˬmehˬ 32:52

Miˇ kʼahˬ kʼoeˇ kʼahˬ-ahˇ gaˇ mahˇ kaˬ gaˇ neh nawˇ ya haw mawˇ tehꞈ-a. Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ-euˬ miˇ kʼahˬ laꞈ kʼoeˇ nawˇ maˬ ya le uˇ-a.”

Dawˬmehˬ 34:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

Yawˇshuˆ 19:47

Daˬ tsawˇ haˬ deuˬ-aˬ, aˬ yawꞈ maꞈ-euˬ miˇ kaˬ dawˬ tawˆ luꞈ-ahˇ deuˆ za geuꞈ-eu yaw shaˬ miˇ neh, Laˬiˇshaˆ meuˬ-ahˇ guiˇ deuˆ leˇ-euˬ meh. Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ ngeh, kʼoeˇ gaˇ jawˇ-eu tsawˇ haˬ dawˬ tawˆ luꞈ-ahˇ sehꞈ-awˇ, aˬ yawꞈ maꞈ-euˬ meuˬ geuꞈ-euˬ meh. Aˬ yawꞈ maꞈ kʼoeˇ gaˇ jawˇ duˬ dah-awˇ, aˬ yawꞈ maꞈ-euˬ aˬ da yaw dzahˇ gʼaˬ pyeuꞈ-eu Daˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Daˬ meuˬ lehˇ myahˇ paˇ nehˬ-euˬ meh.

Yawˇshuˆ 22:9

Kʼoeˇ naˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ heu deuˬ, aˬ yawꞈ maꞈ-euˬ miˇ kʼahˬ paw gʼoꞈ-iˇ-euˬ meh. Iˇsaˬleˬlaˆ tsawˇ jeuˬ nui deuˬ-ahˇ, Kaˬnaˬ miˇ kʼahˬ Shiˇloˬ meuˬ-ahˇ bi jawˇ yaꞈ-awˇ, Sahˬpaˬ Miˬyehˇ neh Moˇseˬ-ahˇ gʼoe-awˇ aˬ yawꞈ maꞈ-ahˇ biꞈ taˬ-euˬ loꞈ-ehˇ, aˬ yawꞈ maꞈ neh za-euˬ miˇ kʼahˬ pyeuꞈ-eu Giˇlaˆ miˇ kʼahˬ-ahˇ aˬ yawꞈ maꞈ gʼoꞈ-iˇ-euˬ meh.

Panmaeq 21:10

Yaw sahˇ Miˬyehˇ ngaˬ-ahˇ uˆ lahˇ le-awˇ, goˇ dui dui-eu gawˬ jawˬ uˬ du sheuˬ daˆ nehˬ laꞈ-euˬ meh. Muiˬ-eu shawˇ-eu Meuˬ meuˬ ma pyeuꞈ-eu Yeˬluˇsaˬlehˬ kʼoeˇ, mˬ-ahˇ Miˬyehˇ jawˇ gaˇ neh zaꞈ ka le luꞈ gaˇ aˬ yawꞈ ngaˬ-ahˇ mehˬ nehˬ laꞈ-euˬ meh.

Yaˇ kʼaˬ daˇ 18:29

Yaˬkoˆ-euˬ aˬ li aˬ yawꞈ maꞈ-euˬ aˬ da yaw dzahˇ gʼaˬ pyeuꞈ-eu Daˬ-euˬ tsawˇ myahˇ yuˇ-awˇ, Laˬiˇshaˆ meuˬ-ahˇ Daˬ meuˬ lehˇ myahˇ paˇ nehˬ-euˬ meh.