Dawˬmehˬ 33:8 - Akha

⁸ Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.

Dawˬmehˬ 33:8 ပူးပေါင်းရင်းမြစ်များ

2 Laˬsaˬbaˬ 23:6

Gaˇ mˇ-eu daˇ-eu piˇ ma deuˬ hawˇ-eu Leˬbiˇ tsawˇ haˬ deuˬ maˬ ngeuˇ naˇ, tsawˇ haˬ tiˬ gʼaˬ-iˬ Uˬ duˬ tahˬ nymˇ nymˇ ma-ahˇ maˬ ya uˇ leˇ-a. Piˇ ma deuˬ hawˇ-eu Leˬbiˇ tsawˇ haˬ deuˬ-aˬ, uˇ leˇ nya meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, gʼawˇ mawˇ a nehˬ taˬ-euˬ tsawˇ haˬ deuˬ pyeuꞈ-eu meh. Ehˇ kʼawꞈ, nui deuˬ-aˬ, Sahˬpaˬ Miˬyehˇ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ-awˇ laꞈ nyiˇ ya jawˇ meh.

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Eˇzaˬlaˬ 8:28

Aˬ yawꞈ maꞈ-ahˇ ngaˇ ehˇ nehˬ-euˬ, “Naw maꞈ-euˬ gʼawˇ mawˇ hawˇ-eu naw maꞈ neh nui ma keuˆ-awˇ damˬ taˬ-euˬ pyuˇ hawˇ-eu shuiˇ myawˬ guˇ heu deuˬ-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi muiˬ-eu shawˇ-eu jeˬ pyeuꞈ-eu meh.

Neˬhaˬmiˇ 7:65

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Jaceuq 106:16

Sahˬpaˬ Miˬyehˇ-euˬ muiˬ-eu shawˇ-eu zaˬ kʼaˆ pyeuꞈ-eu Moˇseˬ hawˇ-eu Aˬloˬ-ahˇ, kʼaˇ shuiꞈ deh yaˇ laꞈ kʼoeˇ aˬ yawꞈ maꞈ myaˆ naˆ-euˬ meh.

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Jaceuq 81:7

Nawˇ guˆ-eu gaˆ-eu jeˬ tahˬ puˬ-awˇ ngaˬ-ahˇ kuˇ ngeh, nawˬ-ahˇ ngaˇ ka kʼoꞈ nehˬ-euˬ ma. Ngaˬ-euˬ dzuˇ yaꞈ duˬ pyeuꞈ-eu mˬ jeˬ jaˬ lehˇ laꞈ kʼoeˇ jawˇ-awˇ, nawˬ-euˬ shaˇ dawˬ-ahˇ ngaˇ naˇ haˬ-euˬ ma. Meˬliˇbaˬ lawˇ gawˆ dawˬ peh, nawˬ-ahˇ ngaˇ lawˬ haw-euˬ ma.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Doˆ-iˇ 28:30

Ngaˇ jawˇ gaˇ Aˬloˬ laˇ ngeh bi hehˇ laꞈ-eu gʼaˇ duˬ, kʼahˬ-ahˇ dehˬ daˬ duˬ laꞈ kʼoeˇ Uˇleˬ hawˇ-eu Duˇmeˬ dawˆ ahˇ taˬ-awˬ. Iˇsaˬleˬlaˆ tsawˇ haˬ deuˬ kʼoeˇ taˆ ngaˇ nui ma aˬ joˆ-ehˇ taˬ-euˬ aˬ yawꞈ siˬ nya-awˇ mˇ nya ni, ngaˇ jawˇ gaˇ kʼaˇ laˇ ngeh, kʼahˬ-ahˇ dehˬ daˬ duˬ heu hmˬ aˬ yawꞈ ya dm tehꞈ-a.

Doˆ-iˇ 28:36

“Maˇ jawˆ ni gʼeh-eu shuiˇ neh, daˇ gʼawˆ tiˬ gʼawˆ jahˇ-awˇ, Sahˬpaˬ Miˬyehˇ-ahˇ a nehˬ taˬ-euˬ lehˇ toeˬ boꞈ taˬ-awˬ.

Uˬ duˬ 21:7

Meh maˬ laˇ geuꞈ haw-euˬ zaˬ miˬ zaˬ-ahˇ maˬ ehˇ, kʼaˬ dzeˇ zaˬ neh bi toeˬ ciˆ gʼaˬ-euˬ miˬ daꞈ-ahˇ maˬ ehˇ, miˬ kʼoꞈ-ahˇ maˬ ehˇ, piˇ ma geuꞈ-eu gʼaˬ maˬ ya sheuˬ-a. Aˬ jeˬ miˇ neh ehˇ naˇ, piˇ ma-aˬ, muiˬ-eu shawˇ-eu tsawˇ haˬ meh.

Uˬ duˬ 8:8

Kʼoeˇ naˇ, kʼahˬ-ahˇ dehˬ daˬ duˬ bi dm-awˇ, Uˇleˬ hawˇ-eu Duˇmeˬ dawˆ ahˇ nehˬ-euˬ meh.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Bawˇtsahˬ 20:13

Meˬliˇbaˬ lehˇ kuˇ-eu jawˇ duˬ kʼoeˇ tsahˇ-ahˇ Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ iˬ baˇ taˬ-eu dawˬ ngehˬ-awˇ, jawˇ duˬ kʼoeˇ tsahˇ-ahˇ, Sahˬpaˬ Miˬyehˇ muiˬ-eu shawˇ-eu gaˇ kawˆ aˬ yawꞈ maꞈ-ahˇ bi siˬ bi mawˇ-euˬ meh.

Bawˇtsahˬ 20:24

“Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Bawˇtsahˬ 27:21

Uˇleˬ hawˇ-eu Duˇmeˬ zmˬ-eu laꞈ kʼoeˇ ngaˬ-eu nui kʼahˇ-ahˇ siˬ nya-eu piˇ ma Eˇlaˬzaˬ-ahˇ aˬ yawꞈ ya gʼoe meh. Yawˬ jeˬ na luꞈ laꞈ kʼoeˇ, Eˇlaˬzaˬ neh mehˬ nehˬ tsoˆ nehˬ-euˬ loꞈ-ehˇ, Yawˇshuˆ hawˇ-eu Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ ya mˇ meh.”

Bawˇtsahˬ 35:8

Leˬbiˇ tsawˇ haˬ deuˬ-ahˇ meuˬ biꞈ ngeh, miˇ kʼahˬ za huiˬ dzehˬ-euˬ tsawˇ jeuˬ deuˬ ya biꞈ myaˬ dzehˬ-awˇ, miˇ kʼahˬ za cuiˆ dzehˬ-euˬ deuˬ ya biꞈ cuiˆ dzehˬ meh.”

Dawˬmehˬ 6:16

“Maˬsah lehˇ kuˇ-eu jawˇ duˬ-ahˇ naw maꞈ mˇ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˬ haw-eu jeˬ naw maꞈ taˬ paˇ mˇ.

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Dawˬmehˬ 9:22

“Taˬbeˬlaˬ, Maˬsah, Giˇbyoˆhaˬtaˬbaˬ lehˇ kuˇ-eu jawˇ duˬ kʼoeˇ deuˬ-ahˇ jawˇ ngeh kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma pehˇ ni naw maꞈ mˇ-euˬ meh.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.