Dawˬmehˬ 33:28 - Akha

²⁸ Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.

Dawˬmehˬ 33:28 ပူးပေါင်းရင်းမြစ်များ

Aˇ dahˬ 27:28

Mˬ kʼoeˇ taˆ neh Miˬyehˇ ceuˬ bi ga le-awˇ, nawˬ-euˬ deh yaˇ miˇ tsaˬ miˇ muiˬ muiˬ dui dui laˇ luꞈ-uˇ. Miˬyehˇ nawˬ-ahˇ dzaˬ la gʼo cehˇ hawˇ-eu aˬ gaꞈ dzaˇ uiˇ tiˬ byah tiˬ loꞈ biꞈ luꞈ-uˇ.

Aˇ dahˬ 27:37

Iˇtsaˆ ehˇ-eu, “Ngaˇ aˬ yawꞈ-ahˇ nawˬ-euˬ kʼoeˇ taˆ uˆ lahˇ-eu baoˬ biꞈ gʼaˬ-awˇ, aˬ yawꞈ-euˬ aˬ yuiꞈ aˬ nyiˇ aˇ jeuˬ aˇ ca dawˬ tawˆ luꞈ kʼawꞈ aˬ yawꞈ-euˬ zaˬ kʼaˆ pyeuꞈ laˇ ni, aˬ yawꞈ-ahˇ dawˬ ngehˬ gʼeh nehˬ gʼaˬ-euˬ ma. Nawˬ-ahˇ ngaˇ tiˬ jeˬ-iˬ ngehˬ maˬ paˇ gʼeh nehˬ nya miˇ-a li-oˇ.”

Aˇ dahˬ 27:39

Kʼoeˇ ngeh, Iˇsawˇ-ahˇ Iˇtsaˆ heu loꞈ-ehˇ ehˇ nehˬ-euˬ meh. “Mˬ kʼoeˇ taˆ nawˬ-euˬ gʼaˇ duˬ ceuˬ maˬ paˇ jaˆ-eu loꞈ-ehˇ, miˇ tsaˬ kʼoeˇ taˆ kʼawꞈ, miˇ tsaˬ miˇ muiˬ muiˬ-eu deh yaˇ nawˬ-euˬ gʼaˇ duˬ maˬ paˇ jaˆ meh.

1 Sahˬpaˬ 5:5

‘Nawˬ-euˬ jawˇ duˬ-ahˇ ngaˇ sahˬ paˬ bi geuꞈ-eu lehˇ gʼeh-eu nawˬ li-aˬ, ngaˬ-euˬ gʼaˇ duˬ Uˬ duˬ tahˬ nymˇ nymˇ ma tsoˆ tehꞈ-a’ lehˇ, ngaˬ da Daˬbiˇ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Kʼoeˇ miˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma tsoˆ ma lehˇ ngaˇ noeˬ tsehˆ taˬ-euˬ ma.

Jaceuq 68:26

Aˬ yawꞈ-euˬ tsawˇ haˬ deuˬ uiˬ leˇ-eu laꞈ kʼoeˇ, Miˬyehˇ-ahˇ ja ceuˬ-awˬ. Yaˬkoˆ-euˬ zaˬ deuˬ uˆ deuˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Dawqdaq 3:20

Aˬ yawꞈ-euˬ zaˬ siˬ tsawˇ gahˇ baˬ da neh lawˇ baˬ yoeˇ le-awˇ, mˬ dmˇ laꞈ kʼoeˇ uˬ yehˇ ga doˆ le-eu meh.

Iˇsaˬyaˇ 48:1

Yuˇdaˆ-euˬ zaˬ deuˬ uˆ deuˬ pyeuꞈ-eu, Iˇsaˬleˬlaˆ tsawˇ haˬ deuˬ heu gaˇ naˇ haˬ-awˬ. Sahˬpaˬ Miˬyehˇ tsawˇ myahˇ uˬ moˆ naw maꞈ kamˬ-awˇ, Iˇsaˬleˬlaˆ-euˬ Miˬyehˇ-ahˇ uˬ duˬ tahˬ ma lehˇ ehˇ-euˬ meh. Ehˇ kʼawꞈ ehˇ taˬ-euˬ loꞈ-ehˇ maˬ jaˆ-a.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Yeˬlaˬmiˇ 33:16

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ ka kʼoꞈ nehˬ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Yeˬluˇsaˬlehˬ meuˬ-euˬ tsawˇ myahˇ-ahˇ, ‘Sahˬpaˬ Miˬyehˇ aˬ dui-ahˇ ka kʼoꞈ-eu gʼaˬ meh’ lehˇ ya kuˇ tehꞈ-a.

Yeˬlaˬmiˇ 49:31

‘Oe-awˬ. Guˆ kʼaˇ maˬ za ni saˇ lehˆ ni miˇ-a lehˇ noeˬ luꞈ-eu tsawˇ haˬ kʼoeˇ deuˬ-ahˇ guiˇ deuˆ-iˇ kaˇ-euˇ. Aˬ yawꞈ maꞈ-euˬ meuˬ lahˇ kʼehˬ maˬ baw-ehˇ, mawˬ tawꞈ maˬ tawꞈ tehˬ taˬ-euˬ uˬ taꞈ, caw ba nehˬ-eu gʼaˬ maˬ jawˇ ni yaw awˇ laꞈ-ehˇ jaˆ-eu meh’ lehˇ ehˇ luꞈ meh.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.

Zaˬkaˬliˇ 14:11

Meuˬ laꞈ kʼoeˇ jawˇ-eu tsawˇ haˬ deuˬ, luˬ-iˇ seˇ-iˇ-eu jeˬ-ahˇ guˆ kʼaˇ maˬ za ni, nui saˇ oꞈ-eu laꞈ kʼoeˇ ya dehꞈ tehꞈ-a.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Dawˬmehˬ 11:11

Iˇjiˇtuˆ miˇ kʼahˬ laꞈ kʼoeˇ naw maꞈ siˬ yoeˬ sehˬ ngeh, leh jeh-awˇ iˇ cuꞈ ya shehˬ-eu meh. Ehˇ kʼawꞈ, naw maꞈ jawˇ leˇ-eu lehˇ gʼeh -eu miˇ kʼahˬ-aˬ, gawˬ jawˬ gʼaˬ lawˬ baw baw-ehˇ, uˬ yehˇ jaˆ-eu miˇ kʼahˬ pyeuꞈ-eu meh.

Dawˬmehˬ 12:10

Yawˇdaˬ lawˇ baˬ tsehˆ doˆ ngeh, Sahˬpaˬ Miˬyehˇ naw maꞈ-ahˇ miˇ kʼahˬ kʼoeˇ kʼahˬ biꞈ laꞈ-awˇ, bi jawˇ laꞈ tehꞈ-a. Naw maꞈ-ahˇ muiˇ-eu deuˬ dawˬ tawˆ luꞈ-euˬ baꞈ tsahˬ laꞈ kʼoeˇ, aˬ yawꞈ naw maꞈ-ahˇ haw piˇ-awˇ, naw maꞈ nui ma saˇ lehˆ ni ya jawˇ tehꞈ-a.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Dawˬmehˬ 33:12

Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”

Dawˬmehˬ 33:13

Yoˇsehˆ gaˇ kawˆ Moˇseˬ ehˇ-eu, “Yoˇsehˆ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ guiˬ lahˬ biꞈ-awˬ. Kʼoeˇ taˆ uˬ yehˇ bi ga le-awˇ, laꞈ oˆ iˇ cuꞈ bi doˆ laˇ-awˬ.

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.